საკურნებელად სულის და ხორცის
სადიდებელად უფლის
შენ ღმერთს უყვარხარ ულევ მადლს მოგცემს
ეს უკვდავებას უდრის.
უფალს ნებას ვთხოვ მეც რომ მიყვარდე
არ დამიშალოს ცოდვილს,
ტანჯული სული მე შენ მოგანდე
გულიც სულ შენსკენ მომდის.
მხოლოდ სიკეთეს ასხივებ ყველგან
სიყვარულს თესავ ირგვლივ
სადაც ფეხს დადგამ იქ ხარობს ყველა
უწვავი ცეცხლით იწვის.
მე რომ დამადგი გულზე ოდესღაც
არ მორჩენილა დღესაც
რაღა მოარჩენს საწყალს როდესაც
ასეთ ღვთაებას გხედავს...