არ გადაიღებს ეს წვიმა, ვიცი,
შენზე ფიქრები არ დამასვენებს,
გაზაფხულია, აპრილის თვეში
მოგონებები თავზარს დამცემენ...
არ შეჩერდება ცრემლების თქეში,
შენი სიშორე თუ გამახსენეს,
ამიტირდება ფიქრები ქარში,
მერე ამ ფიქრებს რა მოასვენებს.
არ მომშორდება მე შენზე დარდი,
შენ თუ არ მოხვალ, რა გამაჩერებს?!
კვლავ ცრემლი მოვა და სევდის ზღვაში
შენზე ფიქრები ლახვარს ჩამცემენ.
თუ გადაიღებს ეს წვიმა ვიცი,
ფიქრები მაინც არ დამასვენებს,
გაზაფხულია, აპრილის თვეში
მოგონებები თავზარს დამცემენ!