მოკლედ, ქვეყანაზე ხო მილიარდობით ქალი დადის, ხო მართალია? ზოგს არა უშავს. ზოგი მართლა ლამაზია. მაგრამ ზოგჯერ დედაბუნება მაგარ ნომერს გვიტარებს და განსაკუთრებულ, დაუჯერებელ ქალს შექმნის ხოლმე. როგორ ქალს ვიძახი, იცით? აი, რო უყურებ და რო არ გჯერა. ეს ტალღოვანი მოძრაობები, გველური, დახვეწილი მიხვრა-მოხვრა, შესჩერებიხარ ამ კოჭს, ამ იდაყვს, ამ მკერდს, ამ მუხლს და ყველაფერი ერთ უზარმაზარ, ყოვლისმომცველ მშვენიერებად იყრის თავს. ამას დაუმატეთ დიდებული მოღიმარი თვალები, ოდნავ დაბალი დახრილი ტუჩის კუთხეები, თვითონ ტუჩები _ ისე მოკუმული, თითქოს ეს არის და სიცილი წასკდებათ შენი უმწეობის შემხედვარეთო. თან ჩაცმაც რო მაგრად იციან და მათი გრძელი თმა ცეცხლის ენასავით მიჰყვება ხოლმე ქარს. როგორ გინდა, ამისთანას ნახვას გაუძლო.