ალბათ ნებისმიერი თქვენგანი ჩავარდნილა ე.წ. "სახლაფორთო სიტუაციაში", რომლისგან თავის დაღწევაც ხშირად ღირსების და საზოგადოებაში თქვენი იმიჯის დაცვის საკითხია. ასტროლოგები თვლიან, რომ ზოდიაქოს სხვადასხვა ნიშნით დაბადებული ადამიანები, სხვადასხვაგვარად ცდილობენ საჩოთირო სიტუაციებიდან თავის დაძვრენას.


ვერძი სახლაფორთო სიტუაციას თავს დამოუკიდებლად გაართმევს. ამაყად და ღირსების შეგრძნებით. მას არ უყვარს წუწუნი და სხვისთვის საკუთარი პრობლემების გადაბარება.

კურო სახლაფორთო სიტუაციას ნაბიჯ-ნაბიჯ მოაგვარებს. ოღონდ ამის შემდეგ თავის დასაზღვევად ყველას მოუყვება რა სირთულეებთან იყო მისი მოგვარება დაკავშირებული.

ტყუპი შეეცდება სახლაფორთო სიტუაციაში ყველაფერი ვერძს "შეტენოს" , მაგრამ თუ ვერძი ჭკვიანთა კატეგორიას განეკუთვნება, ტყუპი მშვილდოსანს გადაულოცავს საკუთარ პრობლემებს სიცილ-სიცილით.

კირჩხიბი წინასწარ დაიწყებს მოთქმას თუ რა უბედურია და რომ არანაირი ტიპის ხლაფორთი მას არ უნდა აცდეს. როცა დარწმუნდება, რომ მის მაგივრად არავინ მოაგვარებს პრობლემას თავად დაიკაპიწებს ხელებს და გამოძვრება სახლაფორთო სიტუაციიდან.

ლომი დაუყოვნებლივ მოუხმობს პუბლიკას და დემონსტრატიულად უჩვენებს მათ "კლასს" როგორ უნდა მოაგვაროს ადამიანმა სახლაფორთო სიტუაციები. მერე ავტოგრაფებსაც ჩამოარიგებს და ტაშის გრიალში დატოვებს საზოგადოებას.

ქალწული ძალიან გაღიზიანდება, თუკი დაუგეგმავ ხლაფორთებში აღმოჩნდა (დაგეგმილს კიდევ არა უშავს, მომზადებული შეხვდება). თუმცა გამოსავალს მაინც მონახავს და ყველაფერს თავის ადგილას დაალაგებს.

სასწორი დაუყოვნებლივ შეუდგება სახლაფორთო სიტუაციის ანალიზს. ყველაფერს აწონ-დაწონის კარგად. შემდგომ ამის იფიქრებს, რომ ამდენი ხლაფორთის მოგვარება მის ძალებს აღემატება და რომელიმე სხვა ნიშანს ვერძს, ლომს ან მერწყულს გადაულოცავს პრობლემებს. ოღონდ არ ღირს ქალწულისთვის ხლაფორთის გადაბარება, იმიტომ რომ ქალწულებს ხლაფორთიც გეგმის მიხედვით აქვთ ხოლმე.

მორიელი მშვიდი სახით და იქედნური ღიმილით დააკვირდება სახლაფორთო სიტუაციას. გულში ჩაიცინებს და ყველაფერს დატოვებს ისე, როგორც იყო. მეტი საქმე არ აქვს ინერვიულოს წვრილმან ხლაფორთებზე.

მშვილდოსანი ჯერ გაბრაზდება, მერე გამხიარულდება თუ სახლაფორთო სიტუაციაში აღმოჩნდა. ამის მერე დიდხანს გულიანად იცინებს საკუთარ თავზე. გაიხსენებს, რომ უფრო უარესი და უფრო რთული ხლაფორთები ჰქონია ცხოვრებაში. ყველას მოუყვება ამის შესახებ, დაივიწყებს და წავა სამოგზაუროდ.

თხის რქა თავიდანვე ეცდება ახლოს არ მოუშვას არანაირი ტიპის ხლაფორთი. თუ მაინც ისე ხდება, რომ არ გამოდის თავის არიდება, ყოველთვის მოიძებნება "იაფი მუშახელი" მაგალითად თევზების ან სასწორის სახით, რომელიც თხის რქის მაგივრად მოაგვარებს პრობლემებს.

მერწყული არ იბნევა და სასწრაფოდ იწყებს სახლაფორთო სიტუაციის არსის და წარმომშობის მიზეზების შესწავლას. შესაძლებელია სამომავლოდ მემუარები ან ნარკვევიც კი დაწეროს სათაურით "რატომ ჩნდება პრობლემები ცხოვრებაში".

თევზები კირჩხიბისგან განსხვავებით სახლაფორთო სიტუაციაში ჩავარდნილი თევზები ჩუმად იწყებს მოთქმას, ისე რომ სხვები ძალიანაც არ შეაწუხოს. ამიტომ მისი ეს უხმო გოდება იშვიათადაა ვინმესთვის შესამჩნევი. შესაბამისად, თევზები მუდამ ქრონიკულ ხლაფორთებში არიან.