სიზმრის ახსნა

- ა -

• ალმასის პოვნა სიზმარში ნიშნავს - ქორწინებას და სიმდიდრეს, ხოლო დაკარგვა ნიშნავს - ვინმეს სიყვარულს.
• აბანოს ნახვა და ბანაობა - კარგია
• აბანოდან გამოხვიდე სიზმარში ნიშნავს - საშიშ საქმეს ჩამოშორდები, აბანოში გარეცხე - სასჯელი გელოდება.
• ავადმყოფობის ნახვა სიზმარში - სიხარულია, თავის ავადმყოფობა ნიშანია კარგი ცხოვრების.
• ამინდი ცუდი რომ ნახო სიზმარში, ნიშანია რომ აგისრულდება გულის წადილი.
• არწივი ნახო სიზმარში და აჭამო მას ნიშნავს - კარგ ამბავს გაიგებ. იმისი ხმა გაიგო, ნიშნავს - ვინმესგან დახმარებას მიიღებ.
• აუზის ნახვა წყლით – პატიოსნების და ბედნიერების ნიშანია.
• აუზში ბანაობა – ცუდია,მაგრამ ბოლო კეთილია.
• აუზი დამშრალი ნახო – უნაყოფო წელიწადი იქნება.
• ავი ანგელოზის ნახვა – მეტად ცუდია და რაიმე განსაცდელში ჩავარდები.
• აბანოში შესვლა – დარდისა და ბოროტების ნიშანია.
• არაყის სმა – სირცხვილისა და სიმწარის ნიშანია.
• აქლემი ნახო – ნიშანია შორეული და ბედნიერი მგზავრობის.
• აქლმზე თუ იჯექი – უეცარი ფათერაკი გადაგხდება.
• ახალი რაიმე ნახო – უცხოეთში წახვალ და უცხო ხალხს ნახავ.
• ახალი რამე ჩაიცვა – სახარულისა და ბედნიერების ნიშანია.
• ატმის ჭამა ავადმყოფობასა და რაიმე შეჭირვებას მოასწავებს.
• ამაღლებულ ადგილზე რომ დადიოდე – ამხანაგებში ამაღლდები.
• აბრეშუმი ნახო ან იყიდო – ნიშნავს სურვილის ასრულებას.
• აბრეშუმის ჭია – ცუდია, ნიშნავს უეცარ ფათერაკში გაბმას.
• ამოიოხრო თავად - განსაცდელში ჩავარდები, თუ სხვისა ნახო - სასარგებლოა.
• აღვირის გაყრა ცხენისათვის – უსათუოდ ვისმეს დაუახლოვდები, დაუმეგობრდები.
• აკვანი – კარგია და უმანკოების ნიშანია.
• ამხანაგის ნახვა – ახალი საქმის და ახალი ამბავის ნიშანია.
• ალერსი – კარგია და გულის წადილი აგისრულდება.
• ანთება სანთლის – ბედნიერებისა და ფართო ცხოვრების ნიშანია.
• ამაღლება ან ფრენა – ძალიან კარგია,სიწმინდე და სიწრფელის ნიშანია.

- ბ -

• ბულკის ჭამა სიზმარში, ნიშანია უკმაყოფილების.
• ბალი რომ ჭამო სიზმარში, ნიშანია დაღონების, ბალის ხე რომ დარგო, ნიშანია სიმდიდრის.
• ბეჭდის ნახვა სიზმარში, ნიშნავს - თვლიანი ბეჭედი - ნიშანია გაჭირვების. გატეხილი ან დაკარგული - ნიშანია ზარალის.
• ბუზები რომ ნახო სიზმარში, ეჩხუბები ვისმეს.
• ბანაობა წყალში ნიშნავს, ჯანმრთელობას და სიმდიდრეს.
• ბალის ნახვა – ძალიან კარგია და კეთილი.
• ბუდე ფრინველის – სიხარულისა და ბედნიერების ნიშანია.
• ბატი ნახო – ნიშანია უცხოეთში წასვლის.
• ბებერი ნახო ვინმე – კარგია
• ბეჭედი ნიშნავს – სიხარულს და მალე ქორწინებას.
• ბუხარი ნახო – სიმდიდრისა და ფართო ოჯახის, ანუ წარმატების ნიშანია.
• ბრმა თუ ნახო – ავადმყოფობას გამოივლი.
• ბრმა სხვა ნახო – ახალ რაიმეს ნიშნავს.
• ბოლოკის ჭამა – ცუდია, მტრობის ნიშანია.
• ბნელ ადგილას ჯდომა – მეტისმეტი სიცუდისა და სიბილწის ნიშანია.
• ბროწეული – სიხარულია, და გაბედნიერება ოჯახის.
• ბუკის ნახვა – ცუდი და უბედური ამბავის ნიშანია.
• ბუკის ხმა თუ გაიგო – ავს და საზიანო რამეს გაიგებ.
• ბროლი რაიმე ნახო – დიდი სიხარული ანუ ბედნიერება მოგეცემა
• ბამბა – კარგია და მადლიან საქმეს აასრულებ.
• ბრინჯის ნახვა – სიმართლეა და მეტისმეტი კეთილი ამბავია.
• ბრინჯის ჭამა – ავადმყოფობის ნიშანია.
• ბრწყინვალე ვარსკვლავი ან რომელიმე პლანეტა ნახო – კარგი ნიშანია.
• ბაყაყის ნახვა – ნიშანია ერთგული ამხანაგის.
• ბაყაყის მოკვლა – ცუდი ავდრებისა და წვიმების ნიშანია.
• ბუს ნახვა – საძაგელი კაცისა და ცუდი საქციელის ნიშანია.
• ბანკი ნახო – სიმდიდრეა და სიხარულის ნიშანია.
• ბერიკაცი თუ ნახო მკვდარი – შენ დიდხანს იცოცხლებ.
• ბატკანი ნახო – შემატებისა და ფართო ცხოვრების ნიშანია.
• ბატკნის დაკვლა – ცოდვა და ვაგლახი ამბავია.
• ბანაობა წყალში – სურვილის ასრულებას ნიშნავს.
• ბაშმაკების ჩაცმა – შორეულ და საჩქარო გზის ნიშანია.
• ბაშმაკებს რომ სხვა ვინმეს აცმევდე – ძალიან ცუდი ნიშანია.
• ბულკის ნახვა – უკეთურობას და დიდ სამდურავს მოასწავებს.
• ბარი თუ ნახო – ავი ენა არის და უსათუოდ ლაპარაკში გაებმები, თუ მიწა დაბარო - ცუდ და ფადარულ ამბავს გაიგებ.

- გ -

•გუბის ნახვა სიზმარში და გავლა იმაზე, ფათერაკია.
• გვირგვინის დადგმა სიზმარში, ნიშნავს დაქორწინებულთათვის დაქვრივებას, ქალწულთათვის დაქორწინებას.
• გაზომვა რისამე სიზმარში ნიშანია - დიდი პატივის.
• გვრიტის დაჭერა სიზმარში, ნიშნავს ქორწილს. რომ გაუშვა გვრიტი ხელიდან, ნიშნავს ცოლის გაშვებას.
• გვრიტი რომ გვრიტთან ნახო, ნიშნავს ქალისთვის გათხოვებას, ვაჟისათვის დაქორწინებას.
• გზაზე წასვლა სიზმარში, ნიშნავს მწუხარებას, დაბრუნება კარგია.
• გველის კბენა – ცუდი ნიშანია, სჩანს მტერი ადვილად მოგერევა.
• გოგრის ნახვა ან ჭამა – ცუდია, ავადმყოფობას ნიშნავს.
• გოგრის თესლის დათესვა – ციების ნიშანია.
• გემები საომარი ნახო – ომიანობის და ჩხუბების ნიშანია.
• გემები წყნარად დაბმული ნახო – ქვეყნის სიმშვიდეს ნიშნავს.
• გემები დატვირთული ნახო – დიდი დოვლათის და სიმდიდრის ნიშანია.
• გვამი მკვდრისა საფლავიდან აღდგენილი ნახო – სიხარულის ნიშანია.
• გამხმარი ხე – სიკვდილისა და ხანგრძლივი ავადმყოფობის ნიშანია.
• განძის პოვნა – დარდი და ვარამია.
• გალავნის აშენება – იმედია და კეთილი ამბავის ნიშანია.
• გუბე აღელვებული – ცუდსა და არეულ საქმეებს მოასწავებს.
• გუბეში გადიოდე – იჩხუბებ ვინმესთან.
• გვირგვინოსნობა ქორწინებულთათვის – დაქვრივების ნიშანია.
• გვირგვინოსნობა ქალწულთათვის – დაქორწინების ნიშანია.
• გვირგვინის დაჭერა – ვინმეს სიყვარულს ნიშნავს.
• გვრიტის ხელიდან გაფრენა – სიყვარულს გულიდან მოიშორებ.
• გველი თუ ორად გაწყვიტო – ძალიან საკეთილოს ნიშნავს.
• გველი თუ მოჰკალი – უთუოდ მტერსაც მოერევი.
• გველთან ლაპარაკი – მეტად კარგ რამეს მოასწავებს.
• გაკრეჭილი შენი თავი ნახო – ძალიან ცუდი ამბავია.
• გაფრენა შენი თავისა – სიხარულისა და შორს წასვლის ნიშანია.
• გამხიარულება საწყალ ვინმესი – კარგია.
• გვრიტის დაჭერა – ვინმეს სიყვარულს გულში ჩაიდებ.
• გზად წასვლა – ცუდ და მავნებელ საქმეს ნიშნავს.
• გზიდან დაბრუნება – კარგია და ნიშნავს ფათერაკის აცილებას.

- დ -

• დასახური - ახალი რამ დაიხურო სიზმარში, სიხარულია, ძველი რომ დაიხურო დაგეკარგება პატივი. რომ მოგპარონ სიზმარში, დიდ და ახლო მეგობარს დაკარგავ.
• დედაკაცები რომ ნახო სიზმარში გაწეწილი თმებით, ნიშანია ავადმყოფობისა. იმათგან რომ სიზმარში მიიღო კმაყოფილება, ნიშანია რომ გაიმარჯვებ ყოველ საქმეში.
• დიდი ბუქის ნახვა სიზმარში, ნიშანია რომ დიდი ჩხუბის მოწმე გახდები.
• დანა ნახო სიზმარში - ქოწინების ნიშანია.
• დროშა ნახო გაშლილი - დიდ ლხენას ნახავ.
• დაჭრა - ნიშანია ავადმყოფობის.
• დათვის ხმა თუ გაიგო – ახალ ამბავს გაიგებ.
• დიდი ქარიშხალი თუ ნახო – დიდი არეულობისა და ჩხუბის ნიშანია
• დამარხვა მკვდრისა – საწადელი აგისრულდეს.
• დახრჩობა – ავი ამბავია, ან კარგი რამ ნივთი დაგეკარგება.
• დაქორწინება ნახო – მწუხარების ნიშანია.
• დარბაზი ნახო ან აშენება – ძალიან კარგია, გაბედნიერება არის და ცოლის შერთვა.
• დარბაზი დაიკეტოს – მდიდარი ვინმე გაღარიბდება.
• დედა შენი თუ ნახო – შენთვის კარგია და ბოლოც კეთილია.
• დაართვა ძაფი – შორს გზად წასვლისა ან დაბრუნების ნიშანია.
• დაჭრილი რომ ნახო – ნათესავის ავადმყოფობას ნიშნავს.
• დაცემინება ცხვირისა – შემატებისა და სიხარულის ნიშანია.
• დევის ნახვა –ცუდს ნიშნავს.
• დიდის ჩაცმა – დიდ სიხარულს და შვებას მოასწავებს.
• დაბანვა ცივი წყლით – ცუდია და ალიაქოთის ნიშანია.
• დაგვა სახლის – ნიშანია დოვლათის დაცარიელებისა.
• დანგრეული შენობა ნახო – ყველა საქმე კარგად წაგივა.

- ე -

• ერბოს ან ზეთის ნახვა სიზმარში, კარგია და შეგემატება რამე.
• ეკლესიაში შესვლა ნიშნავს - კარგად ცხოვრებას.
• ეკალი თუ მუჭაზე დაიგროვე - ცუდი დრო დაგიდგა.
• ეკლესიის გალავანი ნახო - სიწმინდეა.
• ეკლესია გაბრწყინებული ნახო – სამოთხის ნიშანია.
• ეკლესიაში შეხვიდე და ილოცო – ძალიან კეთილი ნიშანია.
• ეპისკოპოსის ნახვა – ცუდი და სნეულების ნიშანია.
• ეკლის ამოღება – მტრისგან მოშორებას ნიშნავს.
• ეზო დაგვილი ნახო – კარგია და სიხარულს მოასწავებს.
• ეზო ნახო საქონლით – უცხო სტუმრები გეწვევიან.

- ვ -

• ვარსკვლავები რომ ნახო სიზმარში, ნიშანია - საქმეში გამარჯვების. მაგრამ რომ გუნდათ დაინახო, ნიშნავს მწუხარებას და საქმეც ცუდად წავა. ჩამოვარდნილი ვარსკვლავი ნახო, დაკარგავ ვინმეს გვარეულობაში, ან მეგობრობაში.
• ვერცხლი ან ვერცხლის ჭურჭელი რომ ნახო სიზმარში - შეგემატება რამე.
• ვაზის ხის ნახვა – ცუდ რაიმეს ანუ ავადმყოფობას ნიშნავს.
• ვენახში შესვლა და ყურძნის კრეფა – ავდარს ნიშნავს.
• ვაზის ჩარგვა – ძალიან კარგია და ბედნიერებას მიაღწევ.
• ვარსკვლავი ჩამოვარდნილი ნახო – დიდი ვინმე დოვლათიდან დაეცეს.
• ვარსკვლავი დაბნელებული ნახო – მწუხარების და სევდის ნიშანია.
• ვერცხლის ნივთები, ან სხვა რაიმე ვერცხლისა – სასარგებლოა.
• ვალის აღება – დარდისა და ფიქრის შემატებას ნიშნავს.
• ვალის გადახდა – ჭირისა და ვარამის მოშორებას ნიშნავს.
• ვაჭრობა – კარგია, უეჭველად კარგ რამეს შეიძენ.
• ვირი ნახო დატვირთული – კარგია
• ვირების ნახვა ან ხმის სმენა – მწუხარების ნიშანია.
• ვარდი ნახო – კარგია, სიხარულის და შვების ნიშანია.
• ვარდის დაკრეფა – ცუდია, აგრეთვე შინ შეტანაც არ ვარგა.
• ვაშლის ხე ნახო – დიდსა და სახელოვან ვინმეს დაინახავ.
• ვაშლის ჭამა – კარგია და გამარჯვებით ყოფნას მოასწავებს.
• ვაშლი ფერშეცვლილი ნახო – ავ რაიმე საქმეს ნიშნავს.

- ზ -

• ზღვა რომ ნახო დინჯად, ნიშანია სიხარულის და, თუ აღელვებული ნახე ნიშანია მწუხარების.
• ზღვაში ბანაობა – ძალიან კარგია, გულის საწადელი აგისრულდება.
• ზარი ჩამოვარდნილი ნახო – ცუდი და განსაცდელის ნიშანია.
• ზარის ხმა – სიხარულისა და ახალი რაიმე ამბავის ნიშანია.
• ზაქის ხორცის ჭამა – მეტად ცუდია და ავადმყოფობის ნიშანია.
• ზაქი რომ ნახო – დიდსა და სახელოვან ვინმეს გაიცნობ.
• ზანდუკი რომ ნახო – სიმდიდრისა და ფართო ცხოვრების ნიშანია.
• ზურმუხტის ნახვა – კარგია, თუ იყიდო - დიდი სიხარული შეგემატება.
• ზურნის ნახვა – ნიშანია ჯარისა და დიდძალი ხალხისა.
• ზურნის ხმა თუ გაიგონო – დიდი ნიაღვარი მოვიდეს ანუ წვიმა.
• ზამთარი ნახო – კარგია და მეტად კარგ მოსავალს მოასწავებს.
• ზაფრანით საჭმელის ჭამა – კარგია და ჯანმრთელობას ნიშნავს.
• ზაფრანის ნახვა – ავადმყოფობასა და ლოგინად ჩავარდნას ნიშნავს.
• ზეცას აფრენა – სიწმინდე და პატივია ყოველი კაცისათვის.

- თ -

• თმები აწეწილი ჰქონდეს, ნიშანია საქმის არევის. რომ ივარცხნიდე, ნიშანია განთავისუფლების. შეჭრა სხვა ვინმეს, ნიშანია ბედნიერების. რომ შეგჭრას - ცუდია.
• თავის მოჭრა – კარგია, მტერს ყოველ საქმეში მოერევი და დაამხობ.
• თოფის ხმა ანუ გასროლა – ახალ ამბავს მოასწავებს.
• თმა გახშირებული გქონდეს -ნიშანია შეძლებისა და შემატების.
• თიხის ჭურჭელი ნახო – კარგია, ოჯახში რაიმე მოგემატება.
• თევზი თუ წყლიდან ამოიყვანე – ნიშანია წვიმებისა და ავდრისა.
• თევზის ნახვა – ავი ენა არის, ანუ ავად ხალხის ძრახვა.
• თევზს ჭამდე – ცუდი და საძაგლობის ნიშანია.
• თევზის შეწვა – ძალიან ცუდია, ქვეყნის უბედურების ნიშანია.
• თაფლის ნახვა ან ჭამა – ორივე მეტად ცუდია და ფათერაკია.
• თეთრი ფული ნახო –ძალიან კარგია, სიმდიდრე დ ქონება შეგემატება.
• თეთრი ტანსაცმელი – უბიწოებისა და გულწრფელობის ნიშანია.
• თხა ნახო – სარგებლობა მოგეცემა.
• თხის ხორცის ჭამა – დარდია და ფათერაკია.
• თუთის ხე თუ ნახო – კარგია და ბოლო კეთილია.
• თამაში – ცუდია და ნიშნავს ჩხუბსა და არეულობას.
• თოვლში თამაში – მატად ცუდია და ნაღველი.

- ი -

• ისტორია საწყენი რომ გაიგო - კარგ რამეს გაიგებ.
• იპოვო რამე- შეგემატება რამე.
• ინდაური – კარგია, დოვლათი მოგემატება.
• იარაღი –კარგია, პატივი და ქონება მოგემატება.
• იარაღის ხმარება – ჩხუბისა და ალიაქოთის ნიშანია.
• ირემი – კარგია და ახალი სიხარულის შემატება არის
• ირმის მოკვლა – ცუდია და სინანულის ნიშანია.
• იის კრეფა – სიხარული და ლხინი მოგემატება.
• იხვი – ცუდი ნიშანია ანუ ავდარს მოასწავებს.

- კ -

• კუბოს ყიდვა სიზმარში, ნიშანია ავადმყოფობის.
• კვამლი სქელი რომ ნახო - ცუდია, დაფანტული და გაშლილი, ნიშანია მტერს შეურიგდები.
• კბილები თეთრი, ნიშანია შეგემატება რამე, შავი და დამპალი ნახო, ნიშანია ჩხუბს შეხვდები, მაგრამ თუ გამოსაცვლელი კბილი ნახე, ნიშანია გაბედნიერების.
• კურდღელი რომ ნახო, ნიშანია დიდი აყალმაყალის.
• კარტის თამაში ნახო, შეგემატება რამე, თუ შენ ითამაშე, ნიშანია ჩხუბისა.
• კატა ნახო, ჩხუბი მოგივა ვინმესთან.
• კაცის მოკვლა – მწუხარებისა და ნაღველის მომატების ნიშანია.
• კუბოს გაკეთება – ნიშანია სიხარულისა და პატივისცემისა.
• კბილის ჩამოვარდნა – ნათესავის სიკვდილია.
• კურდღელი – მშიშრობისა ან სხვა ცუდის ნიშანია.
• კლიტე – კარგია
• კვერცხი – საზიანო საქმე დაგემართება.
• კვერცხს კრუხს უწყობდე – სარგებლობისა და ხეირის ნიშანია.
• კამეჩი ნახო მორევში – ახალ ამბავს გაიგებ.
• კამეჩი თუ შეაბი და ამუშავე – ცუდი და ფათერაკის ნიშანია.
• კოცნა ვინმესი – კარგია და რაიმე დოვლათს შეიმატებ.
• კოცნა მკვდრისა – ძალიან ცუდია და საშიში ნიშანია.
• კოკის ნახვა – კარგია, ცარიელი კი - ცუდია.

- ლ -

• ლაპარაკი სიზმარში, ნიშანია სარგებლობის. ლაპარაკი სამღვდელო ვინმესთან კარგია.
• ლომები რომ ნახო მშვიდი, ნიშანია, რომ საქმე გექნება დიდ კაცებთან. ანჩხლი ლომები ნახო, ნიშანია უბედურების.
• ლაპარაკი რომ გაიგო მაღალი ხმით სიხარულია.
• ლეკი რომ ნახო, შეხვდები ახალგაზრდა მეგობარს.
• ლუდი დალიო, ნიშანია, აჯობებ მტერს. რომ მოკლა მტერი შენი, ნიშანია ზარალისა.
• ლამაზი სახის ნახვა ან კოცნა – ძალიან კარგია.
• ლეღვის ჭამა – მეტად ცუდი ნიშანია და ავადმყოფობაც მოსდევს.
• ლეღვის ხე ნახო – ცუდია და საშიშ საქმეს მოასწავებს.
• ლიმონის ნახვა – კარგია და რაიმე სიხარულს შეიმატებ.
• ლიმონის ჭამა – ცუდია და სნულების ნიშანია.
• ლეკვით თამაში – ძალიან კარგია და ბედნიერების ნიშანია.
• ლოცვა ან საყდარში შესვლა – კარგია და ბედნიერებაა.
• ლომის ნახვა – დიდი და სახელოვანი კაცის ნიშანია.
• ლოგინის ნახვა – ცუდია და ავადმყოფობის ნიშანია.
• ლაპარაკი სხვისა – კარგია, მხოლოდ ფრთხილად იყავი მტრისაგან.
• ლურსმანი მოაგროვო ან იყიდო – კარგია.

- მ -

• მდიდარი იყო სიზმარში, ნიშანია ავადმყოფობის, სიმდიდრის შოვნა სიზმარში, ცუდია.
• მონადირეობა თევზის სიზმარში მწუხარებაა.
• მკვდარი თუ გელაპარაკებოდეს სასაფლაოზე – კარგი რაიმეს ნიშანია.
• მგალობელი ფრინველი ნახო – სიხარულია და ბედნიერების ნიშანია.
• მოხარშვა რაიმესი – ძალიან ცუდია და შფოთების შემატებაა.
• მიწისძვრა – საშინელი და საზარელი ამბავია.
• მერცხლის ნახვა – კარგია, მტერზედ მუდამ გაიმარჯვებ.
• მზე ღრუბელს მოფარებული – მწუხარებისა და დარდიანობის ნიშანია.
• მზე ნახო ბრწყინვალედ – სიხარულსა და ბედნიერებას ნიშნავს.
• მონადირე თავის იარაღით – ღმერთისაგან შემწეობა მოგეცეს.
• მსხლის ჭამა – ცუდია და ავადმყოფობა არის.
• მეფის ნახვა – კარგია და სარგებლობა არის, აგრეთვე ბედნიერებაა.
• მკვდარს გამოართვა რამე – სარგებლობისა და შემატების ნიშანია.
• მამლის ყივილი – კარგია, სიხარული მოგემატება.
• მაღლიდან ჩამოვარდნა – დიდებიდან დაცემის ნიშანია.
• მზე და მთვარე ერთად ნახო – ძალიან ცუდი ნიშანია.
• მოკლული ნახო ვინმე – დიდი ვაგლახია და მწუხარებაა.
• მგელი ნახო –ცრუ კაცია, ფრთხილად იყავი არავინ მოგატყუოს.
• მგელი მოკლა – კარგია, მტერს მოერევი და გალახავ.
• მატყლის ნახვა – სარგებლობა არის, თუ შავია - ცუდი ნიშანია.
• მჭედელი – კარგია და რაიმეს იყიდი ოჯახისათვის.
• მეხი – სიხარულია და მშვიდობიანობას მოასწავებს.
• მონასტერი ნახო ან შესვლა – ცუდია და ნაღვლიანობაა.
• მთაზე ასვლა – ცუდია
• მოტევება ცოდვისა – კარგია,ქონება მოგემატება და გაიხარებ.
• მოპარული რამე იყიდო ან ჭამო – ლოცვაა და სამძიმარი.
• მდიდრობა – ცუდია და ავადმყოფობის ნიშანია.
• მარილის ჭამა – სიმწარეა და დარდის შემატებაა.
• მკვდარი მღვდელი ნახო – ცუდია და ვაგლახის ნიშანია.

- ნ -

• ნავით წასვლა სიზმარში, ნიშანია გამარჯვების და შორს წასულის ნახვა. კარეტით წასვლა, პატივი შეგემატება. ცხენით წასვლა, ნიშანია დიდი მტრობისა.
• ნემსები რომ ნახო სიზმარში, გაქებს ვინმე.
• ნაგვის გროვა რომ ნახო, ნიშანია მოსავლის.
• ნაყოფი ჭამო სიზმარში, ნიშანია სიმდიდრის, მჟავე ნაყოფი ჭამო, სიხარულია.
• ნავი ნახო დატვირთული – ცუდსა და საზიანო ამბავს მოასწავებს.
• ნიგოზი – მშვიდობიანობა და კარგია.
• ნადირის ნახვა – ცუდია და უსირცხვილო კაცს ნიშნავს.
• ნახშირის ნახვა ან გაჩაღება – ცუდი და საზიანო საქმეა.
• ნესვის ნახვა ან ჭამა – ძალიან ცუდია და ავადმყოფობაა.
• ნამი – კარგია, თავისთვისაც და ქვეყნისთვისაც.
• ნაქსოვი ოქროთი რამე ნახო – კარგია, გულის სურვილი აგისრულდება.
• ნიორი – სიმწარის, ნაღვლისა და სნეულების ნიშანია.

- ო -

• ოქრო ნახო სიზმარში, სიმდიდრეს ნიშნავს.
• ოქროს ჭურჭლით დალიო რამე, ნიშანია, რომ მიიღებ დიდ სიმდიდრეს.
• ოქროს სამკაული, ან რაიმე საქონელი ნახო – ყოველივე კეთილია.
• ოქროს ფული – ცუდია და ავადმყოფობისა და ზიანის ნიშანია.
• ოქროს ბეჭედი – ძალიან კარგია და ქორწინების ნიშანია.
• ომი – კარგია და ყოველი გაჭირვება მოგშორდება.

- პ -

• პომადის წასმა სიზმარში, ნიშანია მწუხარების ან ავადმყოფობის.
• პურის ჭამა ან გამოცხობა – ორივე სულ ცუდია.
• პირის დაბანა – ცუდია და განსაცდელის ნიშანია.
• პორტრეტის ნახვა, ან ყიდვა – ცუდია და მწუხარების ნიშანია.
• პირსახე ლამაზი ნახო, ან აკოცო –ძალიან კარგია და სასიხარულოა.

- ჟ -

- რ -

• რქები გქონდეს სიზმარში, ნიშანია უშიშარობის.
• რკინის ნახვა ან ყიდვა, დიდი მწუხარება არის. რკინით ცემა მწუხარება და ჭირია.
• რეჰანის კრეფა – კარგია და სიხარული შეგემატება.
• რუმბის ნახვა – დიდობისა და ფართოდ ყოფნის ნიშანია.
• რძის ყიდვა, ან დალევა – კარგია და ჯანმრთელობაა.
• რქიანი ნადირის ნახვა – საკვირველების ნიშანია.

- ს -

• სამრეკლო ნახო სიზმარში, სიმდიდრეა.
• საზამთროს ნახვა საქმის დაბრკოლებაა. ჭამა ცუდია.
• სიხარული სიზმარში ცხადად სიხარულს ნიშნავს.
• სოკო რომ მოაგროვო, ნიშანია სარგებლის.
• სანთელი აანთო – გეყოლება და გაიხარებ.
• სახლის ყიდვა, ან ახალის აშენება – ერთიანად ცუდი ნიშანია.
• სიზმარში სიზმარს ამბობდე – კარგია და სიხარულია.
• სასწავლებელი – კარგია და ბედნიერების ნიშანია.
• სარკეს ხმარობდე – ქორწინების ნიშანია და აგრეთვე სიხარულის.
• სასმელისა ან ღვინის სმა – კარგია, ჯანმრთელობა არის.
• საათის ნახვა ან ყიდვა – მეტად კარგია სარგებლობის ნიშანია.
• სავარცხელი – ცუდია და საზიანო საქმეა.
• სპილენძი – ცუდია, ფრთხილად უნდა იყო
• საპყრობილე ნახო – მეტად ცუდია და გაჭირვებას ნიშნავს.
• სისხლის გამოშვება – ცუდი ნიშანია, დაუძლურდები.
• სეტყვა – ცუდი და მწუხარება არის მთელს ქვეყნისათვის.
• სტუმრის მიპატიჟება და მიღება – სიხარულია.
• სიცივე – ცუდია, ამხანაგებთან ჩხუბი მოგივა.
• სამრეკლოს გუმბათის ნახვა – კარგია და სარგებლობის ნიშანია.
• სიცილი – ტირილისა და მწუხარების ნიშანია.
• სიარული ფეხსაცმლით – კარგია.
• სიარული ფეხშიშველი – ცუდია.
• საყდარი ააშენო, ან ილოცო – ნიშნავს რაიმეს შემატებას.

- ტ -

• ტალახი სიზმარში, მწუხარებაა, მაგრამ სახლში კარგია.
• ტირიფი ნახო სიზმარში, პატივია.
• ტაფის ნახვა სიზმარში და იმაში რამის მოხარშვა, ნიშანია ჩხუბის და საქმის დაფარვის.
• ტყე ნახო სიზმარში, შეგემატება რამე, რომ მოსჭრა, ნიშანია აჯობებ შენს მტერს.
• ტანისამოსის გარეცხვა, ნიშანია ზარალის.
• ტანისამოსის დაკარგვა – ქვეყანაში შერცხვენა არის.
• ტანისამოსის ჩაცმა – ყოველთვის კარგია და ბედნიერებაა.
• ტიტველი შენი თავი ნახო ან სხვა – ორივე ცუდი ნიშანია.
• ტყემალი ნახო ან დაკრიფო – კარგია, ჭამა კი ცუდი.
• ტყვედ ჩავარდნა – ცუდი ნიშანია, მწუხარების მომტანია.
• ტყვედ სხვა ნახო – შენთვის კარგია.
• ტალახში სიარული – მწუხარების და ვაგლახის ნიშანია.
• ტირიფი – კარგია და სიხარულის ნიშანია.
• ტკბილი რამე ჭამო ან დალიო – ცუდია და მწუხარების ნიშანია.
• ტახტზე ჯდომა – კარგია და სარჩოს შემატების ნიშანია.
• ტირილი და გლოვა – სიხარულია.

- უ -

• უსუნო რამეს სიზმარში, შეგემატება რამე.
• ურემი რომ ნახო და იმითი მიდიოდე სადმე, ნიშანია ახლო ნათესავის დაკარგვის.
• უენო ანუ მუნჯი ნახო – კარგია და სიხარულია.
• უღელში თუ შეგაბან – განსაცდელში და ფათერაკში გაებმები.
• ურიის ნახვა ან წვალება – სრულიად ცუდია.
• ურჯულოს ელაპარაკო – კარგია და საქმის წარმატებაა.
• უცხო დედაკაცის კოცნა ან ხუმრობა – ძალიან კარგია.
• უღელში ხარი შებმული ნახო – კარგია და სასიხარულო.
• უნამუსო დედაკაცის ლაპარაკი – დიდი ბედნიერება არის.
• უმანკო ქალის გადახვევნა – მეტად კეთილია და სიხარულია.

- ფ -

• ფული ოქროსი ან ვერცხლის ნახო, კარგია, მაგრამ სპილენძის ფული, ნიშნავს მწუხარებას.
• ფორთოხლის ჭამა ნიშნავს - დიდ სარგებლობას გარეშე საქმიდან.
• ფეხსაცმლის ჩაცმა სიზმარში. ნიშნავს საჩქარო გზას და საქმეში გამარჯვებას.
• ფრინველების ჩხუბი – ცუდი ამბავია და საზიანო.
• ფეხების დაბანა – შორი გზის ნიშანია.
• ფორთოხლის ხის ნახვა – ცუდია, მაგრამ ჭამა - კეთილია.
• ფქვილი – სარჩოს შემატება და სიმდიდრეა.
• ფური ნახო და მოწველო – სარჩოს შემატების ნიშანია.
• ფრჩხილების გაზრდა სიზმარში – საწყლობა და გლახაკობა არის.
• ფარა ცხვრისა მინდვრად ნახო – დიდი ბედნიერება არის.
• ფანჯარა თუ გააღო – სამწუხარო ამბავს გეტყვიან.
• ფული სპილენძისა – ცუდია შეჭირვებაა.
• ფრანი ანთებული – სიხარულის ნიშანია.

- ქ -

• ქაღალდის საქმეების გარჩევა, ნიშანია რომ აღარ ველოდოთ, რაზედაც თვალი გიჭირავს.
• ქარის წისქვილი ნახო, შეგემატება მოლაპარაკე.
• ქუხილი გაიგო სიზმარში, ახალ ამბავს გაიგებ.
• ქათმის ნახვა – ძალიან ცუდი და ვაგლახი ნიშანია.
• ქვა ისროლო – ავი საქმის გაახლება არის.
• ქუხილი გაიგონო – ახალ ამბავს გაიგებ და გაიკვირვებ.
• ქისა ფულით სავსე იპოვო – ძალიან კარგი ნიშანია.
• ქლიავის მოკრეფა ან ჭამა – ცუდი ნიშანია.
• ქვიშა ნახო – სიხარულია და კარგი ნიშანია.
• ქუდის ნახვა – კარგია და სასიხარულო.
• ქორწილში წასვლა – კეთილი ნიშანია.
• ქერის ნახვა – საზიანო საქმეს მოასწავებს.
• ქალაქში შესვლა – სიხარულია.

- ღ -

• ღვინო დალიო სიზმარში, ნიშანია ბედნიერების, რომ დაღვარო, ნიშანია დაცოლშვილების.
• ღრუბელი რომ ნახო სიზმარში შენს თავზე, ნიშანია ბედნიერების.
• ღვინის სმა – კარგია, ღონე შეგემატება.
• ღმერთი შენს სახლში შესული ნახო – ძალიან კარგია.
• ღმერთი ნახო – ძალიან კარგია, ყოველი შეჭირვებიდან განთავისუფლდე.
• ღორის ნახვა – საძაგელი და მყრალი კაცია.
• ღამით სიარული – კარგია და სიხარულის ნიშანია.

- ყ -

• ყვავი მოკლა, ნიშნავს გამარჯვებას მტერზე.
• ყინული ნახო სიზმარში, საქმეში ვერ გაიმარჯვებ.
• ყვავი თუ ნახო ან ხმა გაიგო – ნათესავს დაკარგავ.
• ყვავილი ნახო – სიხარულია.
• ყიდვა რაიმე ნივთისა – კარგი და კეთილია.
• ყვირილის ხმა – სიწყნარისა და მშვიდობიანობის ნიშანია.
• ყავარჯენის ნახვა ან ხელში დაჭერა – კარგია.
• ყურძნის ნახვა ან მოკრეფა – ავდრობას მოასწავებს.
• ყველი ჭამო – ცუდი საქმის ნიშანია.
• ყმაწვილის აყვანა ხელში – ავადმყოფობის ნიშანია.

- შ -

• შეშის დაჭრა ნიშანია მტერზე გამარჯვების.
• შინაურს ვინმეს აკოცო, კარგს ამბავს შეიტყობ.
• შუშა ნახო, მოტყუვდები, და რომ დალიო რამე შუშის ჭურჭლით - ფათერაკია. შუშით ზეთი ნახო, კარგია.
• შეშის შეტანა ან ყიდვა – ძალიან კარგია.
• შინაურს აკოცო – კეთილი და სიხარულია.
• შემოდგომის მოსავალი – ძალიან გამდიდრდე.
• შავ ცხენზე ან ჯორზე ჯდომა – ბედნიერებას მოასწავებს.
• შემწვარი ხორცი ჭამო – ავადმყოფობის ნიშანია.
• შენი თავის გამდიდრება ნახო – კარგია, გაიხარებ.
• შორეული მგზავრი ნახო – სიხარული მოგემატება.
• შტვენა რომ გაიგო – საშიშ ამბავს გაიგებ.
• შადრევანი ნახო წყლით – მეტისმეტად კარგი არის.
• შენობის აშენება – კარგია და ოჯახის ბედნიერება არის.

- ჩ -

• ჩიტი მოინადირო, ახალ ვისმეს გაიცნობ.
• ჩამოვარდნა მაღლობიდან – ცუდია, ძალიან შერცხვები.
• ჩანგის კვრა ან მღერა – დიდი მწუხარება არის.
• ჩოხა შავი ჩაიცვა – ცუდია, თეთრი კი კარგია.
• ჩიტის ნახვა – ცუდია, ცრუ ვისმეს გაიცნობ.
• ჩექმა ძველი გეცვას – ცუდია, ახალი - კარგია.
• ჩითის ყიდვა ან ჩაცმა – სიხარულის ნიშანია.

- ც -

• ცეცხლი მოკიდებული ნახო, ნიშანია ჩხუბი მოგივა მეგობართან ან ნათესავთან.
• ცემა ვისმესგან – შორს გზად წასვლას მოასწავებს.
• ცურვა წყალში – ზოგჯერ კარგია, ზოგჯერ ავი
• ცხენის ნახვა ან ჯდომა – ძალიან კარგია და სიხარულია.
• ცხვარი – ამინდი შეიცვლება.
• ცხენოსანი თუ ნახო – ფათერაკი გადაგხდება.
• ცხენი მჭლე ნახო – ცუდი და გლახაკობის ნიშანია.
• ცა მოწმენდილი – ძალიან კარგია.
• ცა მოღრუბლული – ძალიან ცუდია.
• ცისარტყელა – ბედი შეგეცვლება.
• ცეცხლი თუ ნახო – ომისა და ჩხუბის ნიშანია.
• ცეცხლში ჩავარდნა – შიმშილისა და მწუხარების ნიშანია.
• ციხე – ფათერაკს გადაურჩები.
• ცოცხალი ადამიანი მკვდრად ნახო – დიდხანს იცოცხლებს.
• ცოლი შეირთო – ძალიან ცუდია და დარდის შემატებაა.

- ძ -

• ძმის ნახვა ნიშანია სიმდიდრის. იმისვე ნახვა წყალში, ნიშანია დიდი ხნის სიცოცხლის.
• ძაფის დართვა სიზმარში - ნიშანია გზაზე წასვლის.
• ძროხის ხორცის ჭამა –ცუდია და განსაცდელია.
• ძროხის მოწველა –კარგია, ქონებას უფრო შეიძენ.
ძმასთან ჩხუბი თუ მოგივიდეს –სხვასთან უსიამოვნებას მოახდენ.
• ძუძუ –ვაჟიშვილი მოგეცეს და მეტად გაიხარო.
• ძაფი დაართო –მწუხარებისა და სევდის ნიშანია.
• ძვალი ნახო ან ხელში აიღო –კარგი ნიშანია.
• ძუნწი კაცი ნახო – გაჭრვებაში ჩავარდები.
• ძაღლი თუ ნახო –მტერია, ფრთხილად იყავი.
• ძაღლის ლეკვი თუ ნახო –ძალიან კარგია.
• ძაღლი ცოფიანი თუ ნახო –მეტად ცუდი ნიშანია.

- წ -

• წვერის მოპარსვა სიზმარში, ზარალია. დავარცხნა, ნიშანია მოგების.
• წყალი მღვრიე ნახო –ცუდია, წმინდა - ძალიან კარგი.
• წყლის ხმა გაიგონო – სხვასთან ლაპარაკი მოგივა.
• წყალი მომავალი ნახო – კეთილი რამის ნიშანია.
• წყალი აყროლებული ნახო – ცუდი საქმე შეგემთხვევა.
• წყალობის მიღება ვისმესგან – ძალიან კარგი ნიშანია.
• წამლის სმა – უნებურად ცუდი რამე დაგემართება.
• წყლის იხვი ნახო ან ბატი – კარგი ნიშანია.
• წოლა ლოგინში – ავადმყოფობის ნიშანია.
• წიგნი დაგლეჯილი თუ გეჭიროს – ავად გახდები.
• წყაროს ნახვა – კარგია, თუ დამშრალია - ცუდია.
• წვიმის ხმა გესმოდეს – ჩხუბი მოგივა ვისმესთან.
• წისქვილი – ბედნიერების ნიშანია.
• წირვის ხმა გესმოდეს – ჩხუბი მოგივა ვისმესთან.
• წყალი წმინდა თუ დალიე – კეთილია.
• წისქვილის აშენება –ბედნიერების ნიშანია.
• წისქვილში მისვლა – ცუდია, გაჭირვებაში ჩავარდები.
• წიწილა – რამეს შეიმატებ, გამდიდრდები.

- ჭ -

• ჭარხლის დათესვა – კარგია, ჭამა - კი ძალიან ცუდი.
• ჭაობიანი ადგილი – უძლურებისა და ავადმყოფობის ნიშანია.
• ჭიდან წყლის ამოღება – კეთილი ნიშანია და შემატება.
• ჭაში ჩავარდე – მეტისმეტი შეჭირვებისა და მოწყენილობისაა.
• ჭიანჭველების ნახვა – კარგია და კეთილი, მხოლოდ დახოცვა - ცუდია.

- ხ -

• ხორბლით აავსო რაიმე სიზმარში ნიშნავს - დიდ მოგებას მიიღებ.
• ხატვა ნახო რაიმესი – კეთილს დაამხობ.
• ხიდი ჩაგიტყდეს ან ჩატეხილი ნახო – სიკვდილის ნიშანია.
• ხელგახსნილი შენი თავი ნახო – სიმდიდრეს მალე მოეწევი.
• ხორცის მჭამელი ფრინველი თუ ნახე – ცუდი ამბავია.
• ხმა ტკბილი გესმოდეს – სასიხარულო დღეებს მოეწევი.
• ხარის ნახვა – ხან კეთილია და ხანაც ავი საქმეა.
• ხეს ფოთოლი სცვიოდეს – ომიანობისა და ჩხუბის ნიშანია.
• ხე ნაყოფის მომცემი – კარგია, სარჩო და საცხოვრებელი შეგემატება.
• ხის წაქცევა – კაცის სიკვდილს მოასწავებს.
• ხახვის ნახვა ან ჭამა – სიმწარის ნიშანია.
• ხორცის ნახვა ან ჭამა – განსაცდელის ნიშანია.
• ხალხის ყრილობა ნახო – ცუდი რამე შეგემთხვევა.
• ხმა ყვირილისა მოგესმას – სხვები მტრობას გაგიწევენ.
• ხარბობა სიზმრად – მეტად ცუდი საქმეა.
• ხორბლის დათესვა – კარგია.
• ხელები შეგეღებოს – რაიმეს შეიმატებ, გამდიდრდები.

- ჯ -

• ჯვარი თუ გამოართვი ვინმეს – ცუდი რამე შეგემთხვევა.
• ჯვარი ოქროსი ან ჯაჭვი გეკიდოს – სიმდიდრეს მიიღებ.
• ჯვარი ოქროსი თუ იპოვნო – საწადელი შეგისრულდება.
• ჯვარის დაწერა ვისმესთან საყდარში – კარგია.
• ჯოჯოხეთში შესვლა – ცოდვის დამძიმების ნიშანია.
• ჯდომა ფეხმოკეცილი – ცუდი და მძიმე ფიქრის ნიშანია
• ჯაჭვი თუ ყელზე ჩამოიკიდე – კადნიერების ნიშანია.
• ჯაჭვით დაბმული შენი თავი ნახო ან სხვა – ცუდია.
• ჯარის ნახვა – საყოველთაოდ მწუხარების ნიშანია, ცეცხლის წაკიდებას მოასწავებს.

- ჰ -

• ჰაერში ფრენდე – ბედნიერებას მიაღწიო.
• ჰაერი წმინდა ნახო – ბედნიერებას მიაღწევ.