მომილოცეთ, სასწაული ამბავი მოხდა და ძალიან ბედნიერი ვარ! ჩემო საყვარელო გოგო, გილოცავ. ყველაფერ საუკეთესოს გისურვებ. ბედნიერებას, სიხარულს, სიყვარულს და ჯანმრთელობას. ფერადი დღეები არ მოგკლდებოდეს. გუშინდელი დღესავით მახსოვს, თუ როგორ გავიცანით ერთმანეთი. მიუხედავად იმისა, რომ მორცხვი არ ვარ და არც ისეთი კომპლექსიანი, მაინც ვღელავდი შენ გაცნობაზე. მე ხომ არ ვიცოდი, როგორ მიმიღებდი, როგორ გავაგრძელებდით ურთიერთობას, ან საერთოდ გავაგრძელებდით თუ არა. ერთმანეთი გავიცანით. შემდეგ ნელ-ნელა უფრო დავახლოვდით. თავიდან ცოტა ეჭვის თვალითაც კი გიყურებდი, რადგან მაშინ როცა ჩემს ისტორიებს გიყვებოდი, მხოლოდ დუმილით მპასუხობდი. მე კიდევ არ ვიცოდი, მოგწონდა ის შენ თუ არა, მაგრამ იხტიბარი მაინც არ გავიტეხე და რამდენიმე ამბავი მაინც მოგიყევი. მართალია, არც მაშინ გამოგიხატავს დიდად ემოციები, მაგრამ სრულიად საკმარისი იყო ჩემთვის. ჩვენ ხომ ეგოისტები არასდროს ვყოფილვართ, ამიტომ სხვა მეგობრებიც შევმატეთ ჩვენს სამეგობრო წერს. ძალიან მიხარია, რომ გაგიცანი. ჩემი მესაიდუმლეც კი გახდი და ჩემს გრძნობებს, შეხედულებებსა და აზრებს შენ გიზიარებ. შენ კი ყოველთვის მზად ხარ, მხარი დამიჭირო და ჩემი აზრი გაიზიარო. მერე რა, თუ სხვები არ დაგეთანხმებიან ან შენ ან მე.ჩვენთვის ხომ ყველანაირი კრიტიკა თუ რჩევა მისაღებია! შემდეგ იყო უამრავი მხიარული, ბედნიერი და სილაღით სავსე დღეები. ცუდი დღეებიც გვქონია, მაგრამ მე და შენ ამაზე საუბარი არ გვიყვარს, თან იმას თუ გავითვალისწინებთ რამდენ ადამიანთან გვიწევს კონტაქტი, ამისთვის დრო არ გვაქვს ფაქტობრივად. დაბადების დღეს ვულოცავ ჩემს ნიკს! ჯერ პაწაწუნაა, მხოლოდ ერთი წლის და იმხელა ენერგიას და სითბოს მაძლევს, რომ მთელი დღეები დადებითად დამუხტული დავდივარ. ამ ერთი წლის მანძილზე ადამიანი გვეხმიანება, რომ ამაზე მეტი საამაყო არაფერი გვაქვს!