ჩემს საწოლზე წევხარ ნახევრად გახდილი და ტელეფონში რაღაცას ათვალიერებ.
გიყურებ და ვხვდები, ჩემთვის არავინ ხარ. შენს დანახვაზე გული არ მიჩქარდება, თვალები არ მიბრწყინავს და არც დიაფრაგმა მეკუმშება. ერექციასაც კი არ იწვევ სანამ ჩემს ქვევით არ გიგრძნობ.
არაფერი, სულ არაფერი.
უბრალოდ...
მინდა ჩემს საწოლზე ვხედავდე შენს შიშველ ფეხებს.
მინდა ჩემს ბალიშზე ეყაროს შენი გაწეწილი თმები.
მინდა ჩემს საფერფლეში აქრობდე სიგარეტს.
მინდა ჩემს კაბინეტში იკმაყოფილებდე თავს.
მინდა ჩემს სააბაზანოში არ მოიძებნებოდეს შენი კბილის ჯაგრისი.
მინდა ჩემს საძინებელში არ გქონდეს სხვა კაბა.
მინდა ჩემს სამზარეულოში არ ამზადებდე არაფერს.
მინდა ჩემს აივანზე არ უყურებდე მზის ჩასვლას.
მინდა ჩემს ტანსაცმელს ვერ იტანდე.
მინდა ჩემს ნერვებს არ უფრთხლდებოდე.
მინდა ჩემს სახლში არ ბრუნდებოდე.

ტელეფონს საწოლზე აგდებ და ფეხზე დგები. რატომღაც ჩემი სიშიშვლე აღგაგზნებს და Arctic Monkeys Knee Socks-ს რთავ. იცი როგორ უნდა იმოქმედო ჩემს ნერვებზე.
და მე ეს მომწონს..