-ჰეი, როგორ ხარ ?
-...
-იცი ? მომენატრე.
-...
- როგორც ყოველთვის დუმხარ. ჰეჰ, არაუშავს... თითქოს მივეჩვიე. თუმცა მაინც გელი...
-*ყრუ ფხუკუნი*
-არ გინდა, არ თქვა არაფერი. თუმცა მგონი არც გესმის. ვერ გხედავ, უფერო ხარ, უსხეულო, სურნელიც კი არ გაქვს. უბრალოდ ვიცი, რომ არსებობ. მე შენ გგრძნობ. ნეტა წარმოდგენა მაინც გქონდეს როგორ მინდა გესაუბრო, არა როგორ მინდა პასუხი გამცე.
-.....
-ერთხელ, ვგონებ უნდა გახსოვდეს, თითქოს შენ ლანდს ვხედავდი, და შენკენ მოვდიოდი არა ! მე მოვრბოდი. გამწარებული, გაგიჟებული მოვრბოდი. შეშლილივით მინდოდა შეგხებოდი, ისე მინდოდა ჩაგხუტებოდი, ნაზად მოგხვეოდი და შენი სითბო მეგრძნო. წარმოდგენაც არ მაქვს, რატომ უარმყოფ ? ვგრძნობ აქ ხარ, ვგრძნობ ყოველთვის მიმზერ, მაგრამ... ოოჰ ეს მაგრამ, მაგრამ, მაგრამ... ასე მგონია რომ ვერ მიტან, გსიამოვნებს რომ მტანჯავ. მაგრამ. მაინც ვიცი რომ გიყვარვარ, შენებურად მაგრამ მაინც გიყვარვარ. (ისევ მაგრამ ?! )
-*მმმჰჰჰ...*
-სიმართლე გითხრა, ხანდახან შენდამი დაუოკებელი ჟინი მიპყრობს. საოცრად მსურს დაგეუფლო, მსურს ტკივილი მოგაყენო და ეს ტკივილი ენით აუღწერელ ნეტარებად გიქციო. მინდა სიამოვნება გტკიოდეს. ისევე, როგორც შენ მიკეთებ. ზუსტად ისე მინდა მოგეპყრო. ისე გასიამოვნო ძვლებში გამტვრევდეს, უფრო მეტს ითხოვდე. ზუსტად ამას ვგრძნობ. შენი ლანდის გამოჩენისას.
-*სურვილი*
-ვინ ხარ ? რა ხარ ? რატომ ხარ ასეთი ? რატომ მჭირდები ? რატომ ვგრძნობ თავს ასე უსუსურად შენ გარეშე ? რატომ ვგრძნობ რომ მკლია რაღაც, და ეს რაღაც შენ ხარ.
- ...
-აი აქ გულში, თითქოს სული ამომგლიჯეს.
აი აქ ტვინში, გონება დამიმსხვრიეს.
აი აქ ტანში, ძვლები დამიმტვრიეს,
აი აქ თვალში, მზერა დამიხვრიტეს.
-...
- გთხოვ. ერთადერთხელ მოდი ჩემთან.
-*ნუ მთხოვ.*
-გევედრები. ერთადერთხელ შემახე შენ აბსტრაქტულ სხეულს.
-*ნუ მევედრები.*
-ნუ მკლავ.
-...
-სიცოცხლე მინდა...
-...
-მალე...
-*თვალები დახუჭე.*
-?!
-*ვიძირებით...*
-ისევ დუმხარ ?!
-....
-მგონი... მგონი ვხვდები რაც ხარ. შენ გარეშე, უბრალოდ ფიტული ვარ. შენ ჩემი „მე“ ხარ. იქ სადღაც შინაგან სამყაროში დაკარგული „მე“. მემალები, გამირბიხარ. მაგრამ იცოდე, ოდესმე მაინც დაგეუფლები, დაგეუფლები და განანებ. საკუთარ თავს ოდესმე ვიპოვი, გპირდები გიპოვი. ჩემო შავ-თეთრო ბედნიერებავ...
-*გთხოვ, მიპოვე და გამაფერადე*....
-გიპოვი და იცი რას გიზამ ? გაგაფერადებ, ათასფერად დაგხატავ, ფრთხილი მოძრაობით შეგახებ მრავალფერ ფუნჯს და თან გაგაბედნიერებ, უფრო სწორედ გავბედნიერდები.))))