ქუჩაში გამვლელებს დაკვირვებიხართ? მათ სახეებს? იღიმება ვინმე? იშვიათად, ხომ ასეა? ალბათ, ერთი ან ორი მათგანი. და რატომ არ იღიმებიან ადამიანები უჩაში სიარულისას? ერთი შეხედვით, პასუხი მარტივი ჩანს, მაგრამ აბა დაფიქრდით… მართალია, ყველას თავისი საფიქრალი ან სადარდებელი აქვს, ისინი სადღაც მიიჩქარიან, ვიღაცას ელაპარაკებიან, ტელეფონებში “იქექებიან”, მაგრამ არიან ისეთებიც, რომლებსაც უბრალოდ ამ დანარჩენების განწყობა და ემოციები გადაეცემათ, მათ სახის გამომეტყველებას ხედავენ ყოველ ნაბიჯზე და ისნიც თავის და უნებურად დანარჩენებს ემსგავსებიან, თითქოს მათაც აწუხებდეთ რამე. შეგიმჩნევიათ, როცა რაღაც საინტერესო, მხიარული ან უბრალოდ სასაცილო ხდება შუა ქუჩაში, ზოგს დაუფარავად ეცინება ან, სულ მცირე, ეღიმება მაინც, ზოგი კი ისეთივე უემოციო ან სერრიოზული სახით ჩაივლის და ყურადღებასაც კი არ მიაქცევს. ასეთებზე საერთოდ არ მაქვს ლაპარაკი, მათში საკმაოდ ძნელია რაიმე დადებითი ემოციის გამოწვევა, რადგან მართლაც რაღაც აწუხებთ (ნუ ან უბრალოდ ასეთი უჟმურები არიან მთელი ცხოვრება). მაგრამ რჩებიან ისინი, ვისაც ცხოვრებაში თუ არა, ყოველდღიურობაში მაინც აკლიათ პოზიტივი, კარგი ემოციები, სასიამოვნო მოულოდნელობები. ნუთუ არც ერთ თქვენთაგანს არ ესიამოვნებოდა, ქუჩაში უხასიათოდ მიმავალს ეუცრად რომ თქვენთვის ვინმეს გაეღიმა სრულიად უმიზეზოდ, უბრალოდ პოზიტივის გასაზიარებლად? ერთმა ადამიანმა მასწავლა, რომ ღიმილი გადამდებია… ასე რომ, იქნებ თქვენც გაიღიმოთ და გაუფერადოთ ამ უწყინარი ჟესტით ვინმეს დღე. მერე რა, თუ ზოგი უცნაურად შემოგხედავთ? ნუთუ ეს უნდა გადარდებდეთ? ვერ მიგიხვდნენ? დიდი ამბავი! სამაგიეროდ ვიღაცას ხომ ესიამოვნება! გაუღიმეთ გამვლელებს! არამგონია გიჟი ეგონოთ, ისინი უბრალოდ ჩათვლიან, რომ კარგ ხასიათზე ხართ ან რაღაც გიხარიათ. რა იცით, იქნებ მათაც გაგიღიმონ? ან, იქნებ სწორედ ამ ერთი გულწრფელი ღიმილის დანახვა სჭირდებათ ახლა ყველაზე მეტად? გაიღიმეთ! რას კარგავთ?! ვინმესთან ერთად ხართ? ისინიც გააღიმეთ! ღიმილი ხომ ყველას უხდება! გულწრფელი ღიმილის გაზიარება უცნობი ადამიანებისთვის და საპასუხოდ მათგან სითბოს შეგრძნობა - ეს არის სიკეთე სხვებისთვის და ბედნიერების წამები თქვენთვის…


პ.ს თავდაპირველად, ეს იყო პატარა წერილი, დაწერილი “ქარის მოტანილი წერილების” დღისთვის (რომელიც ჩემდა სასიხარულოდ იპოვეს, თანაც საკმაოდ უცნაურად, წაიკითხეს და გამოეხმაურნენ კიდეც). აქ დადებული ვარიანტი ცოტათი განსხვავდება თავდაპირველისგან და ეძღვნება hella-ს, რომელსაც ასევე ადარდებს ეს საკითხი

პ.პ.ს ხალხო, გაიღიმეთ. თუ რაღაც გაწუხებთ, ნუ დაანახვებთ ამას სხვებს. რა საჭიროა? დაე ეგონოთ, რომ თქვენს ცხოვრებაში ყველაფერი კარგადაა და ბედნიერი ხართ. იყავით ძლიერები. იყავით პოზიტიურები და გაუზიარეთ იგი სხვებს. მუდამ უხასიათო და საკუთარ პრობლემებზე მოწუწუნე ადამიანი არავის მოსწონს და არავის ეხალისება მასთან ერთად ყოფნა. გაიღიმეთ, მოგეშვებათ...