ფეისბუქზე, გამოკითხვას გადავაწყდი, კითხვით: ‘’რას აკეთებთ მაშინ, როცა სახლში მარტო რჩებით?’’ მე გამეცინა. ალბათ ყველას გაუკვირდა, როდესაც ანონიმის პასუხი წაიკითხეს:’’ვტირი’’.
ჰო, ვტირი. ვტირი ყველაფერზე, ყველაზე. ამით გულს ვიოხებ. შემდეგ მარტო აღარ ვარ. ნუ, ფიზიკურად მაინც. თავიდან ვირგებ ირონიული და ‘ყველაფერი ფეხზე ’ გოგოს ნიღაბს და ‘’ვტკბები’’ ცხოვრებით, სადაც არავის ვუყვარვარ და არავინ მაფასებს. ყველას ვეზიზღები სწორედ ჩემი ნიღბის გამო და ფიქრობენ,რომ ეს ჩემი ნამდვილი სახეა.
რატომ ვაკეთებ ამას? არ ვიცი. იქნებ იმიტომ, რომ ჩემი ნამდვილი სახის დამალვას ვცდილობ? გულჩვილი, მგრძნობიარე და ‘’არაფერი ფეხზე’’ გოგო. აი როგორი ვარ სინამდვილეში. ამ ნიღბით თავს ვიცავ ყველასა და ყველაფრისგან. ბევრის წერა არ გამომდის, მოკლედ ვწერ და ვცდილობ, აქ მაინც ვიყო გულახდილი და არ მეშინოდეს არავის და არაფრის.