ყველაფერი ერთმანეთში აირია,ჩვენი_ ტკივილი,დარდი,სიყვარული,ცრემლი,ვნება,სურვილი და თავდავიწყება.ჩემმა სიტყვებმა და სითამამემ წამიერად დააბნია უჩა,მაგრამ უცებ დააბრუნა რეალობაში ჩემმა შეხებამ,თავადაც რითმულად ამყვა ქმედებაში,მჭიდროდ შემომხვია სხეულზე მისი ძლიერი მკლავები და მკერდზე მიმიკრა,მეტი აღარ შემეძლო უმისობა,აღარ შეეძლო ,არც ჩემს გულს,არც ჩემს გონებას და არც ჩემს სხეულს.ისე გაშმაგებით მიკოცნიდა ტუჩებსა და ყელს ,რომ სიამოვნებისაგან ლამის გონება დამებინდა.ყრუდ ამოვიკვნესე და ჩურჩულით მხოლოდ ერთი სიტყვა ამოვთქვი მხოლოდ მის გასაგონად.
_ მინდიხარ
ჩემმა სიტყვებმა თითქოს მისი ქმედებები დააპაუზა,ოდნავ მომშორდა ჩემი სახე ხელის მტევნებში მოიქცია და ინტერესით დამაცქერდა,ეს ყველაფერი წამით გაგრძელდა მაგრამ მე მთელი საუკუნე დავინახე მის თვალებში,მთელი სამყარო,რომელიც ჩემდამი სიყვარულით იყო სავსე,ღიმილი,რომელიც მარტო მე მეკუთვნოდა და ვნება,რომელსაც მე ვასაზრდოებდი.ამ წამს არავინ და არაფერი მაინტერესებდა,არც მერაბი,არც ჯაბა და მითუმეტეს არც ნანა, რომელსაც გვერდით ოთახში ეძინა,ან არც ეძინა და შესაძლოა ჩემს ადგილზე ყოფნას ნატრობდა.ახლა მხოლოდ ერთი რამ მინდოდა და არა მარტო მე,რომ ჩვენი სხეულები ისევე გაერთიანებულიყვნენ და შესისხლხორცებოდნენ ერთმანეთს,როგორც ჩვენი სულები და გულები.ეს ყველაფერი იმ წამიერ გაკრთობაში დავინახე,რომელიც მარტო მე მეკუთვნოდა და მჯერა იმ წამს მანაც იგივე დაინახა ჩემს თვალებში.
ფრთხილად ჩამომიცურა ორივე მხრიდან სარაფნის სალტეები,კაბა ნარნარით ჩასრიალდა ჩემს სხეულზე და ნებიერად მიეფინა იატაკს,მე კი ნეტარებით სავსე გადავყევი უჩას სხეულსა და ხელებს,ჩემი გულისცემა მესმოდა და არა მარტო ჩემი,ის უჩას გულთან ერთად რითმულად,ძლიერად და გამალებით ფეთქავდა,სხვა დროს ალბათ ეს შემაშინებდა მაგრამ ახლა ვიცოდი,ვიცოდი,რომ ეს სიყვარული იყო,ეს ვნება იყო,ეს ჩვენი ერთობა იყო………
მხოლოდ ღამე,ფანჯრებში მომზირალი მთვარე და ჩვენს ოთახში მოფრიალე ფარდები გახდა ამ ყველაფრის მომსწრე,თუ რა ტკბილი და თბილი გრძნობაა,როცა შენ მისი ხარ ის კი შენი……..
უჩვეულო დილა თენდებოდა ,გავიღვიძე სხვის საწოლში მამაკაცთან ერთად.თავი მის მკერდზე მედო და ვუსმენდი მისი გულის ხმას.თითებს ნაზად დავაცურებდი მის მკლავებსა თუ მუცელზე და მომწონდა ჯერ კიდევ მძინარეს ,როგორ ეღიმებოდა სიამოვნებისაგან.მაგრამ როგორ ჩანს გამოფხიზლებას მაინც არ აპირებდა.ახლა ზემოთ ავუყევი,თითები ჯერ მის გაყოფილ ნიკაპზე გადავატარე მერე კი მის გემრიელ ტუჩებს.
_ ამ_ უცებ დაიძახა და ჩემს თითებს მისი კბილები მოსდო,ისე შემეშინდა,რომ გულგახეთქილმა ჯერ წამოვიკივლე,მერე კი, რომ დავინახე თუ რა გულიანად იცინოდა,მივხვდი ეს ხუმრობა იყო და სულ გვერდები დავუჩქმიტე.
_ შემაშინე არა? აი შენ_ ვჩქმეტდი,მეც ავყევი და დილის ხუთ საათზე მგონი მთელ სახლში ისმოდა ჩვენი სიცილი.წამიერი მოძრაობით მის ქვემოთ მომიქცია,ცალი ხელით გამაკავა ცალით კი მიღუტუნებდა,სიცილისგან ლამის გავიგუდე,სულს ვეღარ ვითქვამდი,იმდენი ვიფართხალე,საბანი და ბალიშები იატაკზე გადავარდა,უცებ გამიშვა ხელი უჩამ და მზერა გაეყინა,ჩემს თავს დავხედე,მხოლოდ საცვლების ამარა ვიყავი
_ ნუ მიყურებ საბანი მომაწოდე_,მომერიდა და მკერდზე ხელები ავიფარე თან სიცილს ვარეგულირებდი
_ აბა საბანი? რა საბანი?_ ვითომ ვერ მიხვდა_ გახსოვს მე შენ ორი დღის უკან რა გაგაფრთხილე?
_ რა? არ მახსოვს?_ ცნობისმოყვარედ ვჭყიტე თვალები
_ ნუ გააღვიძებ მძინარე დრაკონს_ დაბოხებული ხმით გამიმეორა და ტუჩებზე დამწვდა_ ჰმ? და ვინ მისცა ამ დრაკონს დაძინების უფლება ნეტა?
_ მე ფხიზელი უფრო მომწონს_ ეშმაკურად ჩავუკარი თვალი და ისევ სიყვარულისა და სიამოვნებისაკენ გავუყევით გზას………
……….
ნოზაძეების ოჯახში მამაკაცები უჩვეულოდ გახარებულები და ლაღები იყვნენ.რატომაც არა? ერთ კვირაში ხომ გამდიდრებას აპირებდნენ.
ჯაბამ სიახლით გაახარა ვაჟები,ახლა კი მერაბის ჯერი იყო.
_ საღამო მშვიდობის ბატონო მერაბ_ რამხელა პროგრესი იყო მათ პირველ საუბარსა დს ამჟამინდელ საუბარს შორის,გინებიდან პირდაპირ ბატონობაზე გადავიდნენ.როგორც იტყვიან ფულს დიდი ძალა აქვს.
_ საღამო მშვიდობის,რადგან რეკავ ე.იმ კარგი სიახლეც გაქვს_კმაყოფილი იერით უპასუხა
_ რათქმაუნდა,ყველაფერი ისეა,როგორც გვინდოდა და ვგეგმავდით,იმ კვირაში ყველაფერს მომიტანს უკლებლივ,დროზე და ადგილზე უკვე შევთანხმდით.
_ კეთილი,კეთილი,მანამდე კიდევ შევეხმიანოთ ერთმანეთს
_ რათქმაუნდა მძახალო_ ბოლო სიტყვა ირონიული ქირქილით ჩაილაპარაკა.
,.......
უჩამ პირველმა გაიღვიძა,საათს დახედა ჯერ მხოლოდ 8 საათი იყო,მერე მეუღლისაკენ მობრუნდა,ისე მშვიდად ეძინა,ერთი სიამოვნება იყო მისი ცქერა.ლოყები ვარდისფრად უღაჟღაჟებდა,ისედაც სავსე ტუჩები უფრო დაბერვოდა,თმები უწესრიგოდ ეფინა მხრებზე თუ ყელზე.ისეთი ლამაზი იყო როგორც ალბათ აფროდიტა ან კლეოპატრა,თუმცა უჩას. მაია ერჩივნა ორივეს.ფრთხილად გადააცალა ყელიდან ჩამოშლილი თმები და ნაზად აკოცა იქ სადაც პატარა ციცქნა ხალი ჰქონდა.ქალი კრუსუნით შეიშმუშნა და სახეზე ღიმილი აუთამაშდა,თუმცს კმაყოფილნა გვერდი იცვალა და მეორე მხარეს გადაბრუნდა.
უჩა ნელი მოძრაობით წამოდგა საწოლიდან,იქვე მიგდებულ შარვალს დაწვდა და ამოიცვა,ჯიბიდან მობილური ამოიღო და სააბაზანოსკენ აიღო გეზი.
_ ალო ლაშა დულამშვიდობის_ ხმადაბლა ჩასძახა,როგორც კი კარი მიხურა
_ დილამშვიდობის უფროსო,ამ დილა ადრიან რამ შეგაწუხა?_ აშკარად გააღვიძა
_ თხოვნა მაქვს,წამოხტი ახლა ფეხზე და პროკურატურაში გავარდი
_ რა ხდება?
_ ორდენი მოითხოვე,მერაბ მეტრეველის დს ჯაბა ნოზაძის ტელეფონების მოსმენაზე,თუ კითხვები დაგისვეს,უთხარი,რომ მე დაგავალე და მე შემეხმიანონ.
_ კარგი მივფრინავ ბატონო_ ლაშამ ეტყობა კარგად გამოიძინა უჩასგან განსხვავებით.
_ ნუ ცუღლუტობ შენ_ ვითომ გაუეყრა,თან ეღიმებოდს.კმაყოფილმა გათიშა ტელეფონი,ოთახში ფეხაკრეფით შემობრუნდა,შარვალი იქვე მიაგდო,საწოლში შეწვა და ცოლს გემრიელად და ხმაურით აკოცა,ახლა კი ნამდვილად სურდა მისი გაღვიძება
…….
P.s.
პირველ რიგში ბოდიშით პატარა თავისათვის.
დღეს არ ვაპირებდი,სტუმრად ვიყავი,მაგრამ ადრიანად დავბრუნდი და გულმა არ მომითმინა
გაკოცეთ.