-ცოლად გამომყვებით?
-მე... არც კი გიცნობთ.
-გიორგი ვარ ჯაჭვლიანი. გამომყვებით?
-სვანი ხართ? თქვენ ჩემი სახელიც კი არ იცით.
-სვანი ვარ. ვიცი! შემოდგომა გქვიათ.
-წამიყვანთ სვანეთში?
-თუ წამომყვებით...
-მხოლოდ სახელი არაა საკმარისი.
-არც ის, რომ სვანეთში წავალთ?
-არა.
-იქ ლამაზი ბუნებაა.
-ბუნებას გავყვე ცოლად?
-ჰო, ოღონდ ჩემსას.
-როგორია თქვენი ბუნება?
-სვანურია. გამომყვებით?
-არა!
-კარგით.
***
-გიორგის ვეძებ ჯაჭვლიანს.
-სვანეთში შვილო, მხოლოდ სახელით?
-ჰო. უნდა ვიპოვო. აუცილებლად.
-ვინ ხარ ჯაჭვლიანის?
-ცოლი...
-ცოლი? რადგან ასეთი ახლობელი ხარ.. ერთს ვიცნობ ჯაჭვლიანს იქ მიაკითხე და ეცოდინებათ.
-სად?
-აი, ამ კოშკს იქეთ.
***
-გიორგის ვეძებ ჯაჭვლიანს...
-რა გინდათ ჩემ შვილთან?
-ცოლი ვარ მისი.
-ცოლი? აკი კი არ ყავდა გიორგის ცოლი.
-დაუძაახებთ?
-აბა რას ვიზამ შვილო, მოდი...
***
-მი სი მალატ გიორგი.
-მი სი მალატ...
-აი, ხომ ხედავ,სახელიც კი არ იცი ჩემი. სიგიჟეა.
-მაშ,რატომ ჩამოხვედი?
-გეძებდი.
-რისთვის?
-არ ვიცი...
-მე ვიცი...
-რისთვის?
-აი, ამისთვის... ამ ბუნებისთვის, ამ მთებისთვის, ჩემთვის.
-ჰო, ჩამოვედი.
-რა გქვიათ?
-შემოდგომა.
***
-გიორგის მისნაირი უცნაური ცოლი შეურთია.
-რა გინდა კი ანათებენ და...
-ჰო, შემოდგომას უხდებიან!!!

--------------
ესეც ერთი პატარა ისტორია რომელიც 10წუთშია დაწერილი <3 სვანურმა სისხლმა იყივლა <3