ელენე გულისცემით ელის საყვარელი ბიჭის ნახვას . ცდილობს მაქსიმალურად შეიკავოს თავი მოზღვავებული ემოციებისგან , მაგრამ სიყვარული ხომ ისაა ,რაც გავიწყებს ყოველგვარ ეტიკეტს და გხდის ჩვეულებრივ , ჩამოყალიბებულ გიჟს . მართლაც გიჟს დაემგვანა ელენე ,როდესაც მანქანიდან გადმოსული ბექა დაინახა ხელში ულამაზესი თაიგულითა და უდიდესი საჩუქრის ყუთით და რა იყო ეს ? ელენეს ამის გამოცნობა არ გაჭირვებია.
კიბეებზე სირბილით ჩასული ელენე ბექას კისერზე ჩამოეკიდა და აკანკალებული ხმით მხოლოდ ერთი რამის თქმა შეძლო : ბექა მიყვარხარ . ბექას გული გამალებით აუძგერდა , საყვარელ გოგონას შუბლზე აკოცა , არ დააყოვნა და ათასი ტრადიციის დასრულებამდე ,რომელიც თავის მხრივ , მოიცავდა ქართულ სუფრას , სადღეგრძელოებსა და სხვას ,ელენეს სადარბაზოში სთხოვა ხელი ,თუმცა ეს ყოველივე იმდენად ორიგინალური და რომანტიკული გამოვიდა არავისგან წამოსულა რამე უკმაყოფილება . ელენეს თვალებიდან ცრემლები წასკდა, მუხლებზე დახრილი ბექას წინ დაიჩოქა , აკოცა და ყურში ჩასჩურჩულა : მუდამ ერთად ჩემო ყველავ !
...
- 2012 წლის ცივი ზამთარი, კერძოდ, იანვარი იყო , როდესაც ბექა პირველად შევნიშნე მაღაზიაში . მე შოკოლადს ვყიდულობდი , რიგში დაახლოებით 15 წუთი მომიწია დგომა , ბოლობოლოს მივედი და კმაყოფილი სახით თანხა გავუწოდე გამყიდველს , თუმცა ბექა ამ დროს ნაგლად მოვიდა , ჩემი შოკოლადები აურაცხელი რაოდენობის ლუდითა და არაყით დაფარა . სიბრაზისგან ხმა ვერ ამოვიღე ,მაგრამ ბოლოს ჩემი შოკოლადის ფულიც რომ გადაიხადა (სხვათაშორის მხოლოდ ის ორი ცალი იყო დარჩენილი ) , ადგა და წავიდა , ვეღარ მოვითმინე გავეკიდე და შუა ქუჩაში დავუწყე ჩხუბი . ათასი სალანძღავი სიტყვა ვუთხარი , დავემუქრე კიდეც , მან კი მისმინა და სიცილით მითხრა კარგი გავიგე ხო არც შენ არ ხარ ცუდი გოგო გამოდგებიო . არვიცი რატომ , მაგრამ სიცილი ამიტყდა , დღემდე ვერ გავიგე რისი იყო ეს სიცილი , სასოწარკვეთილებისა თუ ბექასეული კომპლიმენტით გამოწვეული , მაგრამ მივხვდი , რომ ის მხოლოდ ჩემი იქნებოდა . მე იგი მიყვარდა ,მიყვარს , სულ მეყვარება. მოდი სიყვარულს გაუმარჯოს ! - დიდხნიანი საუბრის მერე ელენემ დაამთავრა სიყვარულის სადღეგრძელო და ბექას გადახედა .
ისედაც დაღლილი , ღამენათევი ბექა ( წინა დღეს იგი ქეთამ სახლში დაპატიჟა „მეგობრულ“ ვახშამზე ) ფეხზე წამოდგა და თქვა : ზუსტად ისე იყო ყველაფერი,როგორც ელემ თქვა , სიყვაურლს გაუმაჯროს მეგობრებო !
ოთახში უხერხული სიჩუმე ჩამოვარდა ,რომელიც საბოლოოდ გაგას სულისშემძვრელმა „მრავალჟამიერმა“ შეცვალა .
...
-დღეს ხეცურიანებმა რძალს ახალი მანქანა უყიდეს ,რაღაც ძვირიანი უნდა ყოფილიყო - აივანზე გადმომდგარი მეზობელი №1
- რატომ არ უყიდნენ გენაცვალე. ეგენი ცხოვრობენ თუ ცხოვრობენ - ბანს აძლევს მეზობელი №2
- ჩვენ რა გვეშველება , თორე მაგათ აწყობილი აქვთ საათივით საქმე - დიალოგს ამთავრებს მეზობელი № 3
რა ხდება ხეცურიანებში :
- ბექა ! ეს რა არის? მთელი ღამე სად იყავი ? ბექა შემომხედე ? ბექა ! - ისტერიკაში ჩავარდნილი ელენე ყველაფერს ლეწავს
- გოგო დაწყნარდი ვახ ! გაგასთან ვიყავი , დედა ჰყავს ცუდად - ბექა ცდილობს დაამშვიდოს ცოლი
- გუშინწინ? იმისწინ? კიდევ იმისწინ? - ხმას უწევს ელენე
ბექამ თავი ვეღარ შეიკავა და სახლიდან თავქუდმოგლეჯილი გავარდა .
...
2014 წელი . 3 ივნისი . სასამართლოს დღე ხეცურიანების ოჯახში . ფერწასული ელენე ,
ჩუმად, არაფრისმთქმელი თვალებით მჯდომი ბექა , უკან ჩურჩული ბექას დედისა : სახალხოდ მოგვჭრა თავი ამ ლაწირაკმა და ამ გომბიომ .
საუკუნედ გაწელილი 3 საათი
...
- რას შვრები ? - ღამის 3 საათზე გაგას ბექას ზარი აღვიძებს
- რავი რა უნდა ვქნა , იდეაში მეძინა - ბუზღუნი დაიწყო გაგამ
- აჰაჰაჰჰაჰ! კაი ადექი წავედით ზუკასთან ( ბექას ბიძაშვილი) რუსის გოგოები აყარა
- ბექა გუშინ დაშორდი ცოლს სულ გაგიჟდი? - გაკვირვებას ვერ მალავს გაგა
- ეეე ატრაკებ ეხლა ! აღმაღნიშნიე რა - სიცილი აუტყდა ბექას
- კაი გამომიარე ნახევარ საათში მზად ვიქნები - ყურმილი დაკიდა გაგამ და თავი დიდი სინანულით გააქნია ! ეჰ ამ ბიჭის საშველი არ იქნება.
...
4 ივნისი .გამთენიის ხანი .
ბექა ნაბახუსევზე , საშინელი თავის ტკივილებით
...
4 ივნისი . გამთენიის ხანი .
დიდი ენთუზიითა და სიხარულით გაღვიძებული, იუბილარი გოგონა .
....
- დედა! მამა! არ დამტოვოთ გევედრებით ! მე ხომ მხოლოდ თქვენ მყავხართ! უთქვენოდ რა მეშველება ! მაკააა! გიგა! - ბექას ხმა ქვეყანას ძრავდა.
- გაიყვანეთ აქედან! ექიმმა ჩუმად ჩასჩურჩულა გაგას
- ძმაო , მოდი გარეთ გავიდეთ - გაგამ წაულუღლუღა ბექას
- მეღადავები გაგა ? მეღადავები ? დამტოვე მარტო ჩემს მშობლებთან , გთხოვ! - ბექას განწირული ხმა აღმოხდა
- გახსოვს როგორ გაგიცანი ? გახსოვს მხოლოდ ჩემი იმედი რომ გქონდა? გახსოვს იმის მერე რამდენი რამ გადავიტანეთ ერთად ? ამასაც გავუძლებთ . გამომყევი ჩვენი ძმობის ხათრით . არ დაგავიწყდეს , რომ მე შენ არ დაგტოვებ - გაგამ მხარზე ხელი დაადო ბექას და უდიდესი , უანგარო სიყვარულით სავსე თვალებით გახედა მას.
ბექა უსიტყვოდ ადგა და მართლაც დედამიწაზე მცხოვრებ მისთვის უკანასკნელ საყვარელ ადამიანს უკან გაყვა .
ხეცურიანების ოჯახში ხალხის ნაკადი არ წყდებოდა . ყველა იმ საბედისწერო ავარიაზე საუბრობდა ,რომელმაც ბექა ხეცურიანი დააობლა და სულ მარტო დატოვა.
ბექა ტიროდა , ბღაოდა , კედლებს აწყდებოდა ,ვერ დაეჯერა რომ სამყარო ასე მალე დაენგრა თავზე . მშობლების გასვენების დღეს , საღამოხანს გაგასთან მივიდა , მის კალთაში თავი ჩარგო , ბავშვივით აზლუქუნდა და თქვა :
- გაგა!
- ხო ბექა!
- იცი ყოველთვის მარტოსული მეგონა თავი.მიუხედავად ,იმისა ,რომ ყველაფერი მისრულდებოდა , თავს უბედურადაც კი ვთვლიდი ,რადგან არ მქონდა რამე ისეთი, რაზეც შემეძლო ოცნება. იცი ეხლა გამიჩნდა ოცნება. გამიჩნდა , მაგრამ ვხვდები ,რომ მაინც უბედური ვარ
- რაზე ოცნებობ ბექა?
- ნეტავ შემეძლოს მათ ბოლოჯერ ვუთხრა , თუ როგორ მიყვარდა ორივე
- იფიქრე ბექა , იფიქრე იმაზე ,რომ ღმერთს თავისთან კარგები მიყავს!

2015 წელი , 3 ივნისი...
- ხეცუ ჩამოსულაა! რა მაგარია! როგორ მომენატრე შენ ხომ არ იცი! რას შვრები? როგორ ხარ? რა ხდება შენკენ? როგორ მიდის საქმეები? - ხატიამ უამრავი კითხვა მიაყარა მასთან სოფელში ჩასულ ბექას
- ამოისუნთქე გოგო ! რა იყო ? - ბექამ გაიცინა და ხატია მოგუდვამდე ჩაიკრა გულში
- დღეს ნათიაც ჩამოვა იცი? - აღტაცებას ვერ მალავს ხატია
- ვაა! ანუ ვსვამთ ტრიო ? - ეშმაკურად ჩაუკრა ხატიას ბექამ თვალი
- ტრიო? როგორ გეკადრება ? მარტო არ ჩამოდის
- ჰოო? აბა ვისთან ერთად ?
- გახსოვს რომ გეუბნებოდი თბილისში ცალკე გადავედით მე ნათია და ნათიას ნათესავითქო?
- ჰო მერე?
- სწორედ ის ჩამოდის ჩვენთან . თან ხვალ დაბადების დღე აქვს და დაუვიწყარი დღე მინდა ვაჩუქოთ
ბექას გულში რაღაცამ გაკრა ,თუმცა არაფერი შეიმჩნია და ხატიას მიუგო : ხომ იცით მე აქ ვარ , ეს დღე მას არ დაავიწყდება გპირდები.
...