სასურველი ხიზანი (29-30-31) დასასრული
_ამინდზე საუბარი უნივერსალური გამოსავალია – გაიღიმა თამთამ _გინდა თქვა, რომ უხერხულ სიტუაციაში ხარ? _რა თქმა უნდა.. ყოფილ ქმართან გავატარე მთეელი ღამე _უნდა გეთქვა განათხოვარი რომ იყავი.. ასე არ შეიძლება – უჩვეულოდ თბილად და გულწრფელად მომღიმარმა დოლიძემ გოგონა თავის მხარეს გადმოიგორა და ასევე თბილად აკოცა _მალე სამსახურში უნდა წავიდეთ _არა, დღეს უქმე დღეა! შენი სურვილების ასრულების და ჩემი დანაშაულების გამოსყიდვის დასაწყისი.. _თორნიკე.. კომპანიაში ძალიან დაძაბული მდგომარეობაა ხომ იცი.. _კომპანიაში არაფერია დაძაბული.. ყველაფერს დამძაბავთან გავარკვევ უკეთესი იქნება! დაივიწყე ეს ამბავი და შენს ჯერ კიდევ აუხდენელ სურვილებზე მესაუბრე.. _ყველაფერი რომ დამთავრდება სამოგზაუროდ წავიდეთ.. მერე კიდევ რომ მოვა ზამთარი სოფელში _სად? _სოფელში, აი შენ სადაც ჩამომაკითხე _რამე ხდება იმ სოფელში? _აჰა! _რა? _მართალია გვიან გავაცნობიერე, მაგრამ იმდენად არ მეყო შენი კოცნა იქ, თოვლში.. _შე პატარა გაიძვერა! – უცებ წამოყო თავი თორნიკემ და ღიმილით მოიყოლა თამთა ქვეშ. გოგონას გაეცინა – მერე რა გიშლიდა ხელს, რომ გეთქვა? _შენთვის როგორ უნდა მეთქვა.. რამდენიმე დღის წინ საკუთარ თავს ძლივს გამოვუტყდი ამაში.. _ხანდახან მამაკაცების ზედამხედველობის ქვეშ ყოფნა გაწუხებთ, ვერ იტანთ რაიმეს რომ გიშლიან, გბოჭავენ და სინამდვილეში საკუთარ თავს ისე ბოჭავთ და “გრუზავთ” ის ყველაფერი მონაგონია! _უნებურად მოხდა, თვითგვემა აზრად არ მომსვლია.. ალბათ განვითარებულმა მოვლენებმა შემიწყო ხელი ქვეცნობიერში მიმეჩქმალე.. _კარგია, რომ იქიდანაც არ გამაგდე. დღეს რა გინდა? – თამთამ მამაკაცის სახე ნაზ ხელებში მოიქცია ჩურჩულით უპასუხა _ მეტი არაფერი! – დოლიძემ გულწრფელობა იგრძნო, ერთხანს დააკვირდა მის მკლავებში განაბულ გოგონას.. დიდხანს ვერ მოითმინა რომ მხოლოდ ეყურებინა და მისი ნაკვეთი სილამაზით დამტკბარიყო, ვარდისფერი ტუჩები კოცნით გაუწითლა და ვნებების ზვირთებში ჩაითრია. რამდენიმე საათში სამსახურში იყვნენ, თორნიკეს კაბინეტში და ირაკლის გამოაშკარავებულ, მითვისებული მასალების საქმეს განიხილავდნენ. მოგვიანებით კობა შეუერთდათ. _მუშები და ზედამხედველები დავკითხეთ რასაც ჰქვია.. თავს იკლავენ მსგავსი არაფერი მომხდარაო.. _ფოტოები აჩვენე? მაგათი მანქანა და უნიფორმებია.. _კიი ვაჩვენე, მაგრამ არაფერი საეჭვო.. _ეგ უფრო ცუდია.. – საუბარი მარიკომ შეაწყვეტინათ, ირაკლი ფუტკარაძეა მოსული და გელოდებათო. ირაკლიმ შესვლისთანავე მოათვალიერა ოთახი, თამთას იქ ყოფნა არც შეუმჩნევია ისე მიმართა დოლიძეს _ცალკე მინდოდა დალაპარაკება.. _კი ბატონო – ხელით ანიშნა სავარძელზე და კარისკენ მიმავალ კობას და თამთას თვალი გააყოლა _მაპატიეთ მოულოდნელად რომ გესტუმრეთ, მაგრამ საუბრის მიზეზს რომ გეტყვით მიხვდებით ასე უფრო საიმედო იყო ჩემთვის.. _ყურადღებით გისმენ _ სხვა ჩემს ადგილზე იჩივლებდა, მაგრამ მე ვარჩიე აქ მოვსულიყავი და პირადად გამერკვია ყველაფერი.. სახელმწიფო არავის აპატიებს ქურდობას, ალბათ ხვდები! ამიტომ გარკვეულ დათმობებს ველოდები ჩემი დათმობის ფასად.. პირდაპირ გეტყვი! დღესვე შემიძლია ფინანსური შემოვუშვა, შემოსავლები, აუდიტი დაგისვათ, ხელშეკრულება ამის უფლებას მაძლევს, თვითონაც კარგად იცი თუნდაც ერთი ქვეკონტრაქტორის შემთხვევაში, როცა ამ სფეროს ეხება საქმე ერთი მაინც აუცილებლად იქნება! უმნიშვნელოც საკმარისია ჩემთვის.. არც იმას ვაპირებ ლოიალური ვიყო ამ მხრივ, მაგრამ პრინციპში გააჩნია როგორ შემობრუნდება საქმე. – ირაკლი შეჩერდა და თორნიკეს რეაქციას დაელოდა _გააგრძელე, გისმენ! – მშვიდად უთხრა დოლიძემ, ირაკლიმ განაგრძო _ ვიცი შენი იურისტი შენი ყოფილი ცოლია, ამიტომ პირდაპირ გეტყვი იმასაც, რომ არ მინდა ხელი შემიშალო მასთან ურთიერთობაში! როგორც გინდა მოახერხე და დაბრკოლებად ნუ გადაიქცევი! დანარჩენს მე მივხედავ. წინასწარ გაფრთხილებ ერთხელაც რომ გამოიწიო და შემეხო მაშინვე გისოსებს მიღმა აღმოჩნდები! ამიტომ სისულელეებისგან თავი შეიკავე! _ მორჩი ახლა ბოდვას და მომისმინე შე ს.ირო! მადლობა თქვი, რომ საკმარისი დიპლომატია გამაჩნია საკუთარი კომპანიიდან ცხვირ-პირ დამტვრეული არ გაგიშვა! რა წინადადებებით მოდიხარ აქ სუტინიორი გგონივარ? — დოლიძემ საკმარისად აუწია ხმას – ახლა მე მომისმინე! აუდიტი კი არა, სულ რომ მკვლელობა შემტენო ფეხებს ვერ მომჭამ! დაიმახსოვრე ეგ და ისიც დაამატე, რომ შენი სამეფო კავშირები სულ ..ზე ! უკაცრავად უხამსობისთვის, შეგიძლია დატოვო აქაურობა და მეორედ შენი იურისტი ან აუდიტი გამოგზავნო.. – ზიზღით მიაყოლა თორნიკემ და კარისკენ მიუთითა _ არ გირჩევდი ასე ლაპარაკს.. კარგად იცი ამით განაჩენი მარტო თამთას კი არა შენ თავსაც გამოუტანე, პაცანა ხარ და აზრზე არ ხარ როგორ უნდა ილაპარაკო ადამიანთან, რომელსაც შენი გაცამტვერება შეუძლია. ჩემსას მაინც მივაღწევ, შენი არჩევანია ამ ყველაფერს ციხეში შეხვდები, თუ გარეთ! ცოცხალი, თუ მკვდარი! მე პირველი უფრო მაწყობს, მაგრამ როგორც გითხარი დათმობა შემიძლია რაღაც ვარიანტში.. _ მოდი იცი რას გეტყვი? შენი მონათმფლობელური რეჩები უკან გაიკეთე და დაახვიე აქედან! შენი მუქარის არავის ეშინია! იფიქრე, რომ პაცანა ვარ და საბოლოოდ ვინ ვის გაუდებს მაგასაც ვნახავ! გიმეორებ ძვლები რომ მთელი გაქვს იმის დამსახურებაა, რომ საბაბს არ გაძლევ აქედან გახვიდე, იტირო მცემაო და მუქარა ასე აასრულო.. დაფიქრდი სანამ რაღაცას გააკეთებ, რაღაც ძალიან გეპატარავები თვალში.. დარწმუნებული იყავი მეც შემიძლია რაღაც! _ინანებ ყველაფერს, შეეგუე ამას! – გამოსცრა ირაკლიმ და კარი გაიჯახუნა _ტფუ.. შენი დედას შ.….ი!!! – გაცოფებულმა გამოაძვრინა კბილებიდან გინება და სიგარეტს მოუკიდა. კობა მაშინვე შევიდა მასთან _რა გაყვირებდა ტო.. იცი რა სახე ჰქონდა რო გამოვიდა? _მაგის.. – შეიგინა თორნიკემ და წინა დიალოგი გააცნო _ რამე არ იჩალიჩოს მაგ ნაბი.ჭვარმა! – ჩაფიქრდა კობა – მართლა შეუძლია რამე შეთითხნოს.. იკაიფე ტიპი მოულოდნელად მოვიდა, რომ ბაზარი არ ჩაგეწერა და საერთოდ მოვიდა იმიტომ, რომ იმედი ჰქონდა დაარტყამდი ალბათ! _დანარჩენი ხრიკებიც ეგეთი იაფფასიანი ექნება, თამთასაც რაებს უჩალიჩებდა ხომ ხედავდი.. ს.ირია სუფთა! _ მაგ იმედზე ვერ ვიქნებით, ჯობია ჩვენი პორიორიტეტები ავწონოთ, შეიძლება ის მუშებიც მაგის მოგზავნილები იყვნენ და ვიღაც გაძვალტყავებული მოისყიდეს იმ ფოტოების სანაცვლოდ, ეს კაი დავუშვათ ადვილი დასამტკიცებელია, მაგრამ ამხელა თანამდებობა აქვს, უეჭველი გამოიყენებს ბინძურ კავშირებს! დაცვა გჭირდება.. შენც და თამთასაც.. არა თამთას ეგ ხელს არ ახლებს, მაგრამ მომენტს თუ გაჭედა შეიძლება ავი ძაღლის პონტი გააკეთოს.. _არა არა თამთა მართლა უნდა გავაშოროთ ამ სიტუაციას! მაგასთან კანონი არ ჭრის, ამიტომ თამთა ამ ეტაპზე საიმედო ადგილზე უფრო მაწყობს ვიდრე ჩემს გვერდით და ხელმისაწვდომი.. _გადაირევა _ესეა საჭირო, უნდა გაიგოს.. – დოლიძემ თამთას ნომერი აკრიფდა და კაბინეტში დაიბარა, გოგონა მალევე ავიდა _რა ხდება? _თამთა, რა ხდება მოგვიანებით აგიხსნი, ახლა მთავარია მენდო და დამიჯერო! _თორნიკე რა ხდება.. _სადმე უნდა წახვიდე, მაგალითად მამიდაშენთან.. _საბერძნეთში? რა მინდა ახლა იქ? _ასეა საჭირო, იმედიანად ვიქნები თუ შენ უსაფრთხოდ დაგიგულებ _მოიცა რა საფრთხეზეა ლაპარაკი.. მე მემუქრება საფრთხე? _არ ვიცი დაზუსტებით, გააჩნია ფუტკარაძეს რა მოუვა თავში _რა გითხრა? _რას იტყოდა, რაც შენ გითხრა, ოღონდ სხვა ფორმებში _მაგის არ მეშინია! რას ჰქვია რა მოუვა თავში, რატომ უნდა გადავიმალო? კომპანიას ამხელა პრობლემა აქვს, საბუთები, ასქმე, ყველაფერი უნდა მივატოვო? რატომ? _იმიტომ, რომ შეიძლება იმ ნაბ.იჭვარმა ლევ კავშირებს მიმართოს.. უსაფუძვლოდ არ დაგაფეთებ კარგად იცი! თვითონ მიმანიშნა.. შენ რაც გიკავშირდება არაფერს გავრისკავ! დამიჯერე უბრალოდ.. _თორნიკე.. სულ რამდენიმე თვის წინ მამაჩემმაც ასე დაიწყო.. არ მინდოდა შედარება, მაგრამ ძალიან მაგონებ მას! გთხოვ, ასე ნუ მოიქცევი.. _ახლა ყველაფერი სხვანაირადაა.. მე მამაშენისთვის ასე მოქცევის მიზეზი არ მიმიცია! ფუტკარაძემ კიდევ პირდაპირ მანიშნა თუ ჩემსას ვერ მივაღწევ საფრთხე გელოდებათო! _თქმას და ქცევას რომელი მეტრი ზომავს? მიზეზი არა, მაგრამ საბაბი ხომ მიეცი? თვითონ არ მითხარი მამაშენი ჭკვიანი კაცია და ყველაფერი იგრძნოო? _თამთა.. რკინის არგუმენტებიც კი უმნიშვნელოა ამ ეტაპზე! მაპატიე, მაგრამ უნდა წახვიდე.. _რა თქმა უნდა! მამაჩემმაც იგივე მითხრა რომ შევეკამათე! წახვალ და მორჩაო.. _კიდევ ერთხელ გთხოვ ასე ნუ მიუდგები ყველაფერს, დამიჯერე უბრალოდ.. – სახლში ვილაპარაკოთ.. — თამთა წამოდგა და გაბრაზებულმა დაიწყო ოთახში მიმოსვლა. ნუთუ იგივე მეორდება? რა ჯანდაბა ხდება მის თავს? მუდმივად დევნაშია, რა დააშავა? ნუთუ მას არ აქვს უფლება მშვიდად განაგრძოს ისედაც ძლივს დალაგებული ცხოვრება? “დავუჯერო თუ არა? მამის სახით საშინელი მაგალითი მიდევს წინ.. ამ დაჯერებამ მე და მამას ურთიერთობა გაგვიფუჭა.. ახლაც რომ იგივე მოხდეს? მაგრამ იგივე როგორ მოხდება.. მე თორნიკე მიყვარს და მის გვერდით ვარ, ეს შედეგია, საუკეთესო შედეგი! იგივე ხომ არ ხდება? მართალია ირაკლი ცდილობდა რაღაცეებს და გაბრაზებულ გულზე იმუქრება, მაგრამ მას ვერაფერი გაუვა! თორნიკეს რომ გაუვიდა? მამა იმდენზე დაითანხმა, რომ მე მეცხოვრა მასთან! თორნიკეც რომ რაიმე მსგავსზე დაითანხმოს? _თორნიკე.. მე მესმის შენი _მე კიდევ მამაშენის მესმის! ახლა უფრო.. _ იცი? ამაზე რაღაცის თქმა მინდა დასწორად გამიგე.. შენ მუქარით მამაჩემი დაითანხმე შენთან წამოვსულიყავი, შენ გაიმარჯვე, მაგრამ ამით ჩემს თვალში მამა დააკნინე! იმიტომ კი არა, რომ მოუგე, იმიტომ, რომ საკუთარ თავს ვერ მოერია და დაიბნა.. იმდენად, რომ დღემდე რაღაცეებს ხლართავს.. ირაკლიმაც რომ გაიმარჯვოს .. შენც რომ იგივე დაგემართოს რაც თემურს.. _ მანდ გაჩერდი! არ ვამტყუნებ, არ განვიკითხავ, მაგრამ მე მაშინ მასთან ასი პროცენტით მართალი ვიყავი! ახლაც მართალი ვარ! მამაშენი იერიქონივით პატრა შემთხვევაზე რომ იფურჩქნება და უღიმღამო ბრძოლებს მიმართავს ეს მისი პრობლემაა! ძლიერი საწინააღმდეგო მითხარი, მაგრამ მაინც მინდა წახვიდე, საკუთარ რეპუტაციაზე მეტად შენ მადარდებ და იმიტომ! საღამოს თემურთან წავიდეთ და ერთად მოვილაპარაკოთ.. ნუ გამიბრაზდები – მამაკაცმა მხარზე ხელი დაადო გოგონას და თავისკენ ფრთხილად მიატრიალა – დამიჯერე! ******************************** _მაპატიე, მაგრამ არ მინდა წამოსვლა.. _ასე ძნელია? _თორნიკე.. ძლივს გადავიტანე მამაჩემის პარანოიკული შიშები.. ორივეს ერთად ერთ ამპლუაში ვერ მოგისმენთ.. გთხოვ.. _არ დაგაძალებ, მაგრამ უნდა გესმოდეს, რომ ეს არც მე მსიამოვნებს.. შეიძლება სულაც არ აღმოვჩნდეთ ერთ ბანაკში და ირაკლისთან თანამშრომლობა არჩიოს ძველი წყენების გამო. _მართლა გგონია, რომ რასაც მოუყვები იმ ყველაფრის მერე ასე მოხდება? _ თემური მამაშენია, შენ უკეთ იცნობ.. – თამთა დაფიქრდა.. “რა იცი რა გადაწყვეტილებას მიიღებს.. იქნებ მართლა საერთოდ არც დაუჯეროს თორნიკეს.. ჩემი ისევ გახიზნვს გადაწყვეტილება საშინელება იქნება, მაგრამ რომ არ დაუჯეროს და ირაკლისთან ითანამშრომლოს ეგ უარესი!” ნახევარ საათში სახლთან იყვნენ.. ნინო გულითადი ღიმილით შეეგება მათ. თემური შედარებით გამოკეთებულიყო, თამთას დანახვამ გაახარა, თუმცა გარეგნულად ბევრი არაფერი შეუმჩნევია. _ბატონო თემურ, უკაცრავად, რომ გაწუხებთ, მაგრამ აუცილებელი საქმე გვაქვს.. _მობრძანდით.. – ხელით ოთახისკენ ანიშნა თემურმა და ნინოს ყავის მიტანა სთხოვა _მინდა დედაც დაესწროს საუბარს! _როგორც გინდა შვილო.. რა ხდება? – მამამ საქმიანი იერი მიიღო და ფეხი ფეხზე გადაიდო _ ამას წინათაც ვისაუბრეთ ირაკლი ფუტკარაძეზე, მართალია საუბარი უსიამოვნოდ დასრულდა, მაგრამ თემა გავრცობას მოითხოვს.. მაშინ გაგაფრთხილეთ მისი მოსალოდნელი უზნეობების შესახებ, მაგრამ არ დამიჯერეთ, ახლა საფუძველი აღარ გექნებათ ეჭვი შეიტანოთ რაიმეში.. _აქ თამთასთან ერთად მაგიტომ მოხვედი? _თუ თვლით, რომ თამთა აქ ფარია განვმარტოვდეთ! არც სხვანაირი საუბარია ჩემთვის უცხო – თორნიკეს ხმა გაუმკაცრდა, თამთას შეხედა, გოგონა ადგა და კაბინეტი დატოვა. _კარგი.. განაგრძე, დასკვნები ბოლოს – თემური კრიალოსანს ატრიალებდა ხელში _მადლობა!.. გუშინ თქვენი პოტენციური თანამოაზრე იყო ჩემთან უხამსი წინადადებით!– კაცმა თამაში შეწყვიტა.. დოლიძემ ყველაფერი მოყვა.. _ შეგიძლიათ უხმოთ თქვენს ქალიშვილს და მისგანაც მოისმინოთ მსგავსი ხასიათის დიალოგი, რომელიც მასსა და ფუტკარაძეს შორის შედგა, თამთა მხოლოდ და მხოლოდ ამისთვის წამოვიდა დღეს აქ.. თქვენ ხომ ყველას ენდობით თორნიკე დოლიძის გარდა _საყვედურნარევი ტონი არ არის საჭირო.. განაგრძე! _ მარტო იმის დამატება შემიძლია, რომ ცოცხალი და მთელი მარტო იმიტომ გადამირჩა, ვიცოდი ამას როგორ ელოდებოდა, რომ იმ ყველა ბრალდებისთვის ფიზიკური ანგარიშსწორება დაერთო თან სიმყარისთვის, რაც ჩემი ხანგრძლივი დაპატიმრების გარანტია იქნებოდა! მას თქვენი იმედი აქვს! ვიცი დიდად არ გეფონებიტ გულზე, ამიტომ გადაწყვიტეთ რა გიჯობთ.. _ჩემი გადაწყვეტილება არსებით მნიშვნელობას ღებულობს? _ მართალი გითხრათ არა.. ეგ უფრო გააიოლებდა ჩემს საქმეს, მაგრამ თუ უარს იტყვით უფრო რთული, მაგრამ აუცილებლად მომგებიანი გზით წავალ და ჩემსას მაინც მივაღწევ! თამთა წავა სანამ ეს ყველაფერი დაწყნარდება და თვითონ მივხედავ მის ახ.ვრულ ზრახვებს! _რას ნიშნავს თამთა წავა? _იმას, რომ წავა.. ასე ვთქვათ გავხიზნავ სანამ კისერს არ მოვუგრეხ იმ გაზულუქებულ ნაბი.ჭვარს და ამას აუცილებლად გავაკეთებ! _ ნაცნობი სიტუაციაა.. – თვალი გაუსწორა თემურმა – მაინტერესებს რა გეგმა გაქვს, მინდა გარანტია მქონდეს, რომ ჩემი თანხმობა მხოლოდ შენი კომპანიის კეთილდღეობას არ მოხმარდება და ჩემი შვილის უსაფრთხოებისკენ იქნება მიმართული _სხვა გეგმა გაქვთ ბატონო თემურ? — თორნიკე წამოიმართა სკამიდან _ეგ ჩემი საქმეა! _ საკადრის პასუხს გავცემდი მაგ ფრაზას, მაგრამ შეგნებული მაქვს, რომ აქ სწორი ქცევის მოსაპოვებლად ვარ მოსული და ამჯერად თავს შევიკავებ! როგორ გგონიათ, ცალ-ცალკე ფრონტზე ბრძოლა უფრო ადვილი იქნება ფუტკარაძესთან? _მე ახსნას მოვითხოვ! მე მამა ვარ და ბუნებრივია ჩემს ქალიშვილზე ვზრუნავ.. რაც ერთხელ დავაშავე მეორედ აღარ შემეშლება! _ახსნას ვერ მიიღებთ! ჩემს ბრძოლაში ჩაბმას არ ვითხოვ თქვენგან! ყველაზე დიდი რაც თქვენგან გვინდა ის არის, რომ არ ითანამშრომლოთ მასთან და კონკრეტულ პასუხს ვითხოვ! _სულელი არ ვარ, რომ ისეთ რისკზე წავიდე, რამაც შეიძლება ჩემი შევილი ისევ დააზარალოს.. შეიძლება არც შენი მჯერა, მაგრამ არც იმდენად, რომ ასე მოვიქცე.. _მადლობა.. მეტს არაფერს ველი თქვენგან! _ჯერ ნუ წახვალ.. საუბარი არ დაგვისრულებია.. _გისმენთ _ შეიძლება ძალიან დიდ სისულელედ მოგეჩვენოთ ჩემი სიტყვები, მაგრამ ამ წუთას დიდ მსგავსებას ვხედავ ჩვენს შორის და შექმნილი სიტუაციის მიუხედავად ეს სულაც არ არის ცუდი!.. თავის დროზე მეც იგივე ხერხს მივმართე თამთა რომ შენგან დამეცვა, იმედია ახლა გესმის ჩემი! თუმცა მაშინ წავაგე.. რომ გიყურებ ჩემი გამოცდილება შიშის საფუძველს მაძლევს! ვიცი რა შემართებაც გაქვს.. _თქვენგან განსხვავებით ახლა მე მართალი ვარ!.. _შენ თამთაზე შეყვარებული ყმაწვილკაცი ხარ და აქედან გამომდინარე მიკერძოებულიც, გონება გაცხელებული.. ამიტომ ნებას არ მოგცემ ჩემი შეცდომა გაიმეორო და მარტო ებრძოლო ფუტკარაძეს.. _ ერთი წუთით.. თქვენი გონების გახსნა ბოლოს და ბოლოს სასიამოვნოა, მაგრამ რამდენიმე დეტალი დავაზუსტოთ! მე იმის გაკეთებას, უფრო სწორად გაფუჭებას არ ვაპირებ რაც თქვენ ერთ დროს მართებულად მიიჩნიეთ და არც დახმარებას ვითხოვ, გარანტია უნდა მქონდეს, რომ ისეთ სისულელეებს აღ ჩაიდენთ ფუტკარაძესთან მიმართებაში, რამაც ერთ დროს ასე გამიკვალა გზა თამთასკენ! – თემურს გაეღიმა, თორნიკეს მისი ღიმილი არაადეკვატურად ეჩვენა და გაოცდა.. _ როგორც გინდა გაიგე, მაგრამ დღეიდან ყველაფრის მიუხედავად მშვიდად ვარ! მჯერა შენი და შენს გვერდით მიგულე შვილო! — თემურმა მამაშვილურად დაადო მხარზე ხელი, თორნიკე ამ ჟესტმა ცოტა დააბნია, ერთხანს ჩუმად, უმოძრაოდ იდგა, მერე ხელი გაუწოდა კაცს და ძლივს ამოსცდა.. _ძალიან კარგი.. ოთახში დაბრუნებულ ნინოს და თამთას რადიკალურად განსხვავებული სიტუაცია დახვდათ, სახედამშვიდებულ, დაძაბულობამოხსნი, თუმცა მაინც ამაყად მომზირალ თემურს და თორნიკეს არ ელოდნენ.. _დაბრუნდები სახლში? – მოუთმენლად შეაპარა თემურმა, თამთა თორნიკეს მიეტუზა და ახედა.. _მე და თამთა ერთად ვცხოვრობთ ბატონო თემურ.. – თემურს რაღაცის ტქმა უნდოდა, მაგრამ ნინო მაშინვე მასთან გაჩნდა, გულზე ხელი დაადო და ღიმილით მიუბრუნდა წყვილს _არაჩვეულებრივი ამბავია, არა თემო? _თუ ეს მომენტი უხერხულობას გიქმნით წინასწარვე გეტყვით.. ასე არ დარჩება! _ მაგრამ ჩვენ გადავწყვეტთ როდის.. – საუბარში მშვიდად ჩაერთო თამთა. მამას აღარაფერი უთქვამს, ალბათ არც ესიამოვნა ეს ყველაფერი, მაგრამ დათმობის ღიმილი აიკრა სახეზე. ოჯახი უზარმაზარ მაგიდასთან მოკალათდა სადილად, თამთას წასვლის თემა განავრცეს _თამთას შეუძლია საბერძნეთში წავიდეს, მამიდასთან – ნინომ ტემურს გადახედა, მეთანხმება თუ არაო _მაინტერესებს რამდენად აქვს კავშირები ირაკლის იქით.. არ მინდა თამტას ჩააკითხოს.. _მამა, თავიდან იწყებ! _თამთა იქ მარტო არ იქნება.. აუცილებლად გაყვება ვინმე.. _თორნიკე! – თამთა ახლა დოლიძეს მიუბრუნდა. _ასეა შვილო საჭირო.. ახლა მაინც დასიჯერე, რომ არ არის ეს სახუმარო ამბავი _კარგით რა ბოლოს და ბოლოს! შემიძლია ვუჩივლო და ეგ იქნება! რა საჭიროა ეს დამალობანა? _კარგად იცი, რომ ფუტკარაძე არც ისეთი სულელია ამის საბაბი მოგცეს.. შეიძლება უფრო დაამძიმო სიტუაცია, აქ შენი კანონები აღარ ჭრის, სხვა ხერხია საჭირო.. _შევხვდები და საუბარს ჩავიწერ ბოლოს და ბოლოს, ფარული კამერით.. _ოპაა.. ვიღაცას ნამდვილად მაგონებ! – შესძახა თორნიკემ და თემურს გახედა. დაძაბულობის მიუხედავად ყველას გულიანი სიცილი აუტყდა _არც იფიქრო თამთა.. – დაასრულა ტორნიკემ გული რომ იჯერეს – ამ ყველაფერს ისე მოვაგვარებ არც ჩემს რეპუტაციას მიადგება ჩრდილი, არც მამაშენისას, არც კომპანიისას.. _ამას როგორ მოახერხებ? _მე დავეხმარები! – მტკიცედ თქვა თემურმა _ დამამშვიდეთ! – ირონიულად შენიშნა თამთამ.. ნინომ თვალით ანიშნა გოგონას და თავი გააქნია. ბევრი მსჯელობის მერე გადაწყვიტეს თამთა საბერძნეთში წასულიყო.. გულდამძიმებული გოგონა ჩუმად ჩაჯდა მანქანაში და უხმოდ დაელოდა თორნიკეს. უკან მიმავალი გზა ჩუმად გაილია, თამთა ხმას არ იღებდა. სახლში მისვლის შემდეგ თავი ვეღარ შეიკავა _თოკო.. ვიცი ყველაფერი ერთად გადავწყვიტეთ.. მაგრამ.. – ცრემლები მოერია _ გული გეთანაღრება? – გოგონას ღაპა-ღუპით ჩამოუგორდა მლაშე წვეთები ლოყებზე – ვიცი ჩემო სიცოცხლე, მაგრამ ეგ საუკეთესო გამოსავალია. ჩათვალე, რომ სამოგზაუროდ ხარ, დასასვენებლად, შვებულება გამოგიწერე და დატკბი იქ ყოფნით! ადი მეტეორაზე, გადადი კრეტაზე, კიპრშიც წადი.. ვერც შეამჩნევ დრო როგორ გავა და გვეღირსება ერთად ყოფნა, კარგი? _ არ მინდა აქ დაგტოვო.. დავიღალე.. ყელში ამომივიდა ამდენი მალვა და ჩქმალვა.. გახსოვს ის ფრანგული ფილმი? ანჟელიკა, ანგელოზების მარკიზა.. ასე მგონია იგივე ხდება ჩემსა თავს, აღარ მინდა! ვიცი ეს საუკეთესო გამოსავალი არ არის, მაგრამ შენც წამოდი, იქ გადავიდეთ საცხოვრებლად, საერთოდ დავტოვოთ აქაურობა და მერე ჩამოვიდეთ.. _ ნუ ტირი ჩემო მარკიზა, ოღონდ შენ ნუ ტირი! ვის შევეპუო, რა დავუთმო? უსამართლობას ასე დავუხარო თავი? ასე ვერ დაგიცავ! სულელო.. მთავარია ვიცოდე, რომ შენ ხარ კარგად, შენ მელოდები, მიერთგულებ, შენ გეყვარები.. ეგ მომცემს ძალას და გადამაწყვეტინებს ყველაზე რთულ დაბრკოლებებსაც კი! გჯეროდეს ამის და ნახავ მალე ყველაფერი კარგად იქნება! _ მიყვარხარ თორნიკე.. სიცოცხლეზე მეტად შემიყვარდი, რომც არ გიყვარდე მაინც მეყვარები, რომც წახვიდე ჩემგან ეს რამდენიმე ტკბილი დღე და ახლა უკვე კარგად გასახსენებელი ის ცუდი პერიოდიც კრედოდ დამრჩება! ამის ერთგული ვიქნები სულ.. თუ ეს ძალას მოგცემს იცოდე, რომ შენთვის ვსუნთქავ! შენთვის მიცემს გული.. შენ გხედავ ყველგან! დავრჩები მეც შენთან და ერთად დავუდგეთ ამ ყველაფერს! ხომ გჯერა, რომ არაფერს გავაბედინებ! რომ მეხივით ვიბრძოლებ შენთან ერთად? _ მჯერა და მაბედნიერებს შენი თითოეული სიტყვა, მაგრამ საქმე შენში არ არის! დრო გავა და თვითონ დარწმუნდები, რომ ასეა! მთავარია ახლა გამოიჩინო სიძლიერე და ნაკლები ემოციებით გადააგორო ეს ყველაფერი. ვიცი ძნელია, ბევრი გადაიტანე, მაგრამ ეს აუცილებელია! რომ ჩამთავრდება ყველაფერი ყველაფერს აგისრულებ რაც კი ოდესმე გინატრია! რაც ერთად გვინატრია! — კოცნით ამოუშრო ცრემლიანი თვალები, დიდხანს ყავდა ჩახუტებული.. ღამე ფერებაში გაათენეს.. წასასვლელად ერთი კვირა ემზადებოდა, ახალ წლამდე სულ ცოტა იყო დარჩენილი და ეს პერიოდი საუკეთესო იყო, რომ ირაკლის მათთვის ვერ მოეცალა ან ეფიქრა, რომ საახალწლო არდადეგებზე წავიდა.. მშობლებს სახლში დაემშვიდობა, აეროპორტში თორნიკემ წაიყვანა _ მალე დაბრუნდები! – ჩასჩურჩულა მამაკაცმა დამშვიდობებისას და ძლიერად ჩაიკრა გულში. ფრენა აქამდე უყვარდა, ახლა კი ტანჯვად ექცა. ფიქრებით სულ უკან რჩებოდა, თორნიკესთან, მშობლებთან, კომპანიაში, კობასთვის შეტოვებულ პრობლემებთან და ხვდებოდა მისი ადგილი იქ იყო.. უკან. მამიდასთან შეხვედრამ გაახალისა, ყველაფერი მოუყვა რაც მის თავს ხდებოდა. მამიდასთან ყოველთვის ახლოს იყო, მართალია ის თამთაზე გაცილებით უფროსი იყო, მამაზე დიდიც, მაგრამ მასთან ყოველთვის თავისუფლად გრძნობდა თავს. თანამედროვე, მხიარული ქალი იყო ლაღი იუმორით და თბილი, ჰაეროვანი ხასიათით. კომპლექსები ნაკლებად აწუხებდა, ყოველთვის ყველაფერს ემოციურად და დადებითი მხრიდან ხვდებოდა. თამთასაც მოყოლილი დრამა ისე უქცია კომედიად, რომ ორივე გულიანად იცინოდნენ ბოლოს. გოგონამიხვდა,მ რომ სწორედ ეს აკლდა.. იუმორით შეეხედა ყველაფრისთვის და ამას სწორედ ყველაფრისგან შორს, თავის ფუმფულა და კეთილ მამიდასთან მოახერხებდა! ორი-სამი დღე არ გასჭირვებია იქ ყოფნა.. თორნიკესაც ეკონტაქტებოდა ინტერნეტით, მაგრამ დანარჩენ დღეებში დოლიძე აღარ გამოჩენილა, ორი დღე შეფიქრიანებულმა იარა და ბოლოს დარეკა, არავინ უპასუხა.. მერე კობას დაუკავშირდა.. _ თქვენგან არაფერი ისმის, თორნიკე სადაა კობა? კომპანიაში რა ხდება, თუ რამე იქნება ონლაინ რეჟიმით გავაკეთებ ყველაფერს, აქ საქმე არაფერი მაქვს, აი თორნიკეს სთხოვე, რომ აიტის სთხოვოს აქედან შევძლო შემოსვლა და მუშ.. _თამთა.. რაღაც უნდა გითხრა. არ ინერვიულო წინასწარ გთხოვ.. _რა ხდება? _თორნიკე დაიჭირეს.. ********************************* _რა.. _თამთა.. თორნიკემ იცოდა, რომ ასე მოხდებოდა, მზად იყო ამისთვის, არ ინერვიულო _რა იცოდა, მე რატომ არაფერი მითხრა? ესე საუბარი საშიში არ არის? _ნუ გეშინია, ვაიბერი არ ისმინება. იმიტომ, რომ არ დარჩენილიყავი და კანონებში ქექვა არ დაგეწყო _ახლა რა უნდა ვქნათ.. ვინ დაიწყებს აბა ქექვას? _ხომ იცი შენი ჩართულობა ამ საქმეში ყველაფერს რომ ტავი დავანებოთ არაეთიკურია _კობა მე და თორნიკე ოფიციალურად განქორწინებულები ვართ! _ვიცი ვიცი, მაგრამ დამიჯერე მართლა ასე ჯობია. თორნიკეს ადვოკატი უკვე ავუყვანეთ.. ძლიერი ვინმეა.. _ვინ არის მითხარი _ იოსებ გამრეკელი – თამთამ ამოისუნთქა.. მის სემინარებს დასწრებია კდიეც, არ ეგონა ადვოკატად თუ მუშაობდა. წამყვანი სპეციალისტი და საქმის უზადოდ მცოდნე იყო, გერმანიის კანონმდებლობის უზადო მცოდნე და საკანონმდებლო საბჭოს წევრი. _ასე, რომ შენი ჩარევა აღარ არის საჭირო, მართლა ჯობია შორს იყო.. _აქ ვერ მოვისვენებ.. _ მესმის, მაგრამ დაგამშვიდებ იმით, რომ ბატონმა თემურმა არათუ უარი განუცხადა ირაკლის თანამშრომლობაზე, საბჭოში ლევ გარიგებაზეც ჩამოაგდო საუბარი და მართალია ბეჭდის დასმის გარეშე, მაგრამ მაინც მიანიშნა წევრები ვისთან ჰქონდა ძირეულ კომპანიას საქმე. ამან ასე თუ ისე ხელი შეუწყო ჰოლდინგს კონტრაქტორები და სხვა პროექტები არ დაგვეკარგა.. ახლა თორნიკეს რომც დაუმტკიცონ ეს აბსურდი, გაკოტრება მაინც არ გველოდება.. შენი შექმნილი ხელშეკრულებები კონტრაქტორებს ვადის დასრულებამე განსაკუთრებული მიზეზის არქონის შემთხვევაში ურთიერთობის გაწყვეტას ფინანსურად აზარალებს მათ, ამიტომ არ უღირთ.. სოსო შენც იცი ისეთია ქვას გახეთქავს, თორნიკეს დაპატიმრება არ ემუქრება! სულ ცოტა ხანს მოითმინე.. _ვერ ვიჯერებ, რომ ეს ხდება.. ფუტკარაძემ გაიგო მამამ რაც გააკეთა? _ფუტკარაძემ ეგეც გაიგო, შენი წასვლის ამბავიც და ბატონ თემურს ლევად შეუთვალა მუქარა.. დაემშვიდობე ბიზნესსო.. _რა მიზეზით? _გადამაგდეო.. _მამამ რამე სისულელე არ გააკეთოს, როცა ბრაზდება ამ ბოლო დროს.. _ თამთა.. თუ მამაშენს რაიმე დაემუქრება კომპანიასთან დაკავშირებით გამრეკელი ავტომატურად გადავა მის დაცვაზეც, იმიტომ, რომ თქვენი კომპანია ჩვენი ჰოლდინგის ნაწილია ამ ეტაპზე და არც ერთი გაფუჭებული საქმე არ გვაწყობს! _თორნიკეს არ უშვებენ? _ირაკლიმ იჩალიჩა, რომ ვერ გამოსულიყო, მაგრამ დღეს სოსო მაგ საქმეზე იყო, ზეგ უწევს კიდევ მისვლა, დაიმედებული დაბრუნდა, მაგრამ ხომ იცი სისტემასთან ბრძოლა ძალიან ძნელია.. _ყველაზე ძლიერი არგუმენტი მის წინააღმდეგ ახლა მისივე ნაბიჯებით სვლა იქნებოდა, მაგრამ ბუნებრივია სინდისი არ მოგვცემს ამის უფლება.. _მოიცა რა სინდისი! რამე იყოს და ვინ დაეძებს სინდისს? მაგის გამო თორნიკეს გაწირვა გადაწყვიტა.. შენი! _რაც არ უნდა იყოს მერე ცუდად ბრუნდება, მაგასაც ასე უბრუნდება ნელ-ნელა და ვერ ხვდება _მაგაში მართალი ხარ! ცოტა ხანში შეიძლება საერთოდაც დაიჭირონ.. _არ მგონია.. მის თანამდებობაზე თუ რაიმე სერიოზული არ დაუდეს წინ უბრალო კომპანიის გამო თავს არავინ შეიწუხებს.. _ ნუ დაგავიწყდება ვინ არის ჩვენი ადვოკატი. – კობას დაემშვიდობა და ფიქრმა ახადა თავი.. რა იქნება რომ მოერიოს? რა იქნება, რომ.. მაშინვე უკუაგდო და დამშვიდებას შეეცადა. როგორც არასდროს ისე მიეჩქარებოდა შინ, კომპანიაში, რომ საკუთარი თვალით ეყურებინა ყველაფრისთვის, თვითონ გამხდარიყო მონაწილე და ასე გვერდიდან არ ეყურებინა მოვლენებისთვის. ფოსტა გახსნა, უცნობი მეილი იყო მოსული “ძვირფასო მამაცო, უპირველესად მინდა იცოდე.. უცხო აიპიდან იმიტომ გწერ, რომ სისულელის გაკეთების შანსი მოგისპო. ვიცი გაგხიზნა ყოფილმა მეუღლემ. ვერაფერს იტყვი, “მუჟიკია”, ოღონდ კრიმინალი და დამწყვდეული “მუჟიკი”. დარწმუნებული იყავი გამრეკელი კი არა გამრეკელის აკადემიური მოძღვარი და გურუც რომ მოიყვანონ ვერაფერს გახდებიან.. შეცდომა მაღალანაზღაურებადი ადვოკატით არ წყდება.. ამის სხვა, ნაკლებად მტკივნეული გზებიც არსებობს და უარყოფა და იგნორი მხოლოდ და მხოლოდ უგუნურებაა თქვენი მხრიდან. იმედია დარწმუნებული ხარ, რომ სახელმწიფოს ქურდს, რომლის წინააღმდეგაც “პრავად” თუ “ლევად” განაწყენებული საჯარო პირის “პრავი” თუ “ლევი” მთელი სანაცნობოა უკვე განწყობილი, უახლოესი წლები და ციხეში დამატებული “კონტროლკა” ჩაკეტილს მოუწევს ყოფნა. თუ არ ხარ დარწმუნებული უახლოეს ხანებში იხილავ, მაგრამ გვიან არ იყოს.. სანამ კიდევ შეიძლება შემსუბუქება დაფიქრდი.. შანსი ხელიდან გაუშვი იდეალური ურთიერთობა გქონოდა.. სურვილი ჯიბრშიც გადაიზარდა.. ეს ძალიან ცუდია შენთვის და თქვენთვის. დრო გაქვს ცოტა ხანი, დღესასწაულზე ევროპული ზღვისპირეთი კარგი მოსანახულებელია.. მანამდე იფიქრე! – თამთას უცებ ძალიან გაუცხელდა თავი, კობას მიცემული, გამრეკელის ნომერი აკრიფა და წერილის შესახებ უთხრა, იოსებმა ასლის გადაგზავნა სთხოვა.. ნახევარ საათში სკაიპში მოწყობილ კონფერენციაზე განიხილავდნენ წერილის რაობას. ჩათში თემური და კობაც იყვნენ. დიდხანს იმსჯელეს, დასკვნა ერთი იყო.. თორნიკეს გამართლების საქმე ძალიან წარმატებით მიიწევდა წინ, მაგრამ ეს წერილი არგუმენტად ვერ გამოდგებოდა, ირაკლის საბერძნეთში ჩასვლა ერთი მხრივ აწყობდათ, მაგრამ მეორე მხრივ საშიშროებას ქმნიდა.. თემურის მოთხოვნა იყო გოგონას არანაირი საკონტაქტო საშუალება არ გამოეყენებინა და ხმაურიანი ადგილებისგან თავი შეეკავებიდა, სოსომ მისამართის შეცვლა და დაცვის გაძლიერება წამოაყენა წინა პლანზე, კობას კი ირაკლის მეგობრების იმედი უფრო ჰქონდა..თამთამ ყველა ს მოუსმინა, მაგრამ გულში მიღებული გადაწყვეტილება უფრო წინ დააყენა. მაშინვე დარეკა ავიაკომპანიაში და ბილეთი დაჯავშნა. საშინლად გაუჭირდა შოვნა, ადვილი არ იყო ახალ წლამდე ორი-სამი დღით ადრე ბილეთის ყიდვა, მაგრამ რომელიღაც კომპანიის ერთ-ერთ პირველ კლასში ძლივს ნახა ერთი ადგილი უკვე არსებული ჯავშანის მოულოდნელად და ბედად გაუქმების გამო, ტელეფონი აიღო და ირაკლის პირდაპირ დაურეკა.. _ბატონო ირაკლი, თამთა ვარ, ჩხეიძე.. _გამარჯობა, გისმენთ თამთა _იცით გაგიკვირდებათ და მოულოიდნელად მოფრენილმა საღმა აზრმა, რომელიც კეთილისმსურველმა გამომიგზავნა დამაჯერა, რომ თქვენი ნახვა მინდა.. _ჩემი ნახვა? რა მიზეზით? – გოგონას თვალებში დაუბნელდა ისე ეზარებოდა ეს ფლიდი, ბოროტულად ფრთხილი სვლები, მაგრამ ცივი გონება უფლებას არ აძლევდა რაიმე შეტყობოდამის ხმას _იცით ზეგ, ახალი წლის წინა დღეს მითავისუფლდება დრო, აღარ ვირბენ საქმეებზე და იქნებ ბარემ თქვენც მენახეთ, თუ არ მოგაცდენთ რა თქმა უნდა, თუ მოგაცდენთ არაფერია.. _დროს გამოვნახავ როგორმე ულამაზესი ქალბატონისთვის _მაგრამ მე ხომ საქართველოში არ ვარ _არაფერია, ტრანსპორტს კარგად ვიტან როცა დანიშნულების ადგილით და შედეგით უნდა დავტკბე.. სასწრაფოდ ჩაალაგა ბარგი, მამიდას ყველაფერი მოუყვა, რაღაც დავალებაც მისცა და მომდევნო ორი დღე ჩვეულ რეჟიმში გაატარა. გაფრენის დილას მარტო წავიდა აეროპორტში და შვებით ამოისუნთქა, როცა კავკასიონის საჰაერო რყევები იგრძნო. სასწრაფოდ დაიჭირა ტაქსი, გზაში კობას და გამრეკელს დაურეკა და ერთ საათში მამამისთან შეიკრიბნენ. თემურს შვილის დანახვაზე თვალები გაუფართოვდა _აქ რა გინდა თამთა.. ხომ გითხარი.. _ მამა, მომისმინეთ.. ვიცი გადავუხვიე ყველაფერს, მაგრამ ნება მომეცით ამ ერთხელ თვითნებურად მოვიქცე.. ამით საქმეს არ ვაფიჭებ.. ეს მე და იმ ფუტკარაძეს გვეხება მარტო. თვითონ მოვუგრეხ მაგას კისერს და ამისთვის არც დიდი ძალისხმევა დამჭირდება.. _თამთა ეს საჭირო აღარ იყო, თორნიკე შეიძლება ერთ კვირაშიც გამოუშვან.. _ვიცი ვიცი და სწორედ ამიტომ გავბედე ეს გამეკეთებინა.. _ის მაინც თქვი რა დაგეგმე _ ფუტკარაძეს დავურეკე, ვუთხარი ადგილსამყოფელი და ისიც მივანიშნე, რომ ნახვა მინდოდა. მითხრა პრობლემა არ არისო. აეროპორტში დახვდებიან და ეტყვიან, რომ რომელიღაც რესტორანში ველოდები. ადგილზე მისული გაიგებს, რომ მოულოდნელად მომიწია გაფრენა რომელიღაც ქვეყანაში მეგობრის მშობიარობის გამო და მისამართი ან მიმართულება არ დამიტოვებია. _ეს გასაგებია, მაგრამ შენ? აქ იქნები? ხვალვე გაიგებს.. _ აქ არა.. სოფელში წავალ, ფროსასთან გავიხიზნები და არავისთან ვიკონტაქტებ.. მეგონი მეც პარანოიკი გავხდი, მაგრამ ნაყოფი ვაშლის ხიდან შორს არ ვარდება და თუ ვარდება ხანდახან მაინც იძენს მშობლიური ხის არომატს – მამას გადახედა, თემური იღიმებოდა – თუ რამეა თქვენც იტყვით, რომ არ დაგკავშირებივართ , ნუ ვერსია რომ იგივე უნდა იყოს ამას საუბარი აღარ უნდა. მე კარგად ვიქნები, შევეცდები ამ დროის განმავლობაში ელემენტარული და სასიცოცხლოდ აუცილებელი სიმშვიდე აღვიდგინო. _კარგად მოგიფიქრებია.. ის პარაზიტი ალბათ ყველგან დაგიწყებს ძებნას სოფლის გარდა.. _ არა კობა, ირაკლი ძებნას არ დამიწყებს! ის გაბრაზდება და თქვენზე გადმოიტანს შეტევას, ეცდება კომპანიას უფრო მწარედ დაარტყას.. ამ შემთხვევაში ბატონი სოსოს იმედი მაქვს, ეჭვიც არ მეპარება, რომ კანონებთან მარტო დარჩენილი უსუსურად იქცევა. ჩემი ყველა ქეისი სამსახურშია ჩემს უჯრასა და სეიფში, მათზე კობაა პასუხისმგებელი.. _..ახლა უკვე ბატონი სოსო _მე წავედი – მხიარულად დაემშვიდობა თამთა მათ მომავალი გამარჯვების იმედით გაჟღენთილი და დათოს ფროსას სამფლობელოსკენ ააღებინა გეზი. ჩასულმა საოცრად მშვიდად იგრძნო თავი.. არც შიშები აწუხებდა, არც უიღბლო ურთიერთობაზე ფიქრი ტანჯავდა. უკვე სიამოვნებით ეხმარებოდა ფროსას მჭადების გამოცხობაშიც და ზაფხულში დარჩეული ატმის კომპოტის დაგემოვნებაშიც. არც ადრე დაწყებული ნახატის დასრულება დავიწყებია.. ახალმა წელმა მისთვის უჩვეულო, თუმცა საოცრად მშვიდ გარემოში ჩაიარა.. ფროსა, ბერდია, ბაგრატა და თამთა პატარა, ფერადი, უპულტო ტელევიზორის წინ ისხდნენ, ჯანსაღი პროდუქტით დახუნძლულ სუფრასთან და საახალწლო კონცერტებს უყურებდნენ. შედარებაც ენანებოდა იმდენად სჯობდა მოხუცის ძველი აბაჟური სვაროვსკის კრისტალებით გაწყობილ ჭაღს თბილისის ყველაზე მოდურ ლაუნჯში, სადაც მისი მეგობრები ვიაიპი სტუმრების სტატუსით სარგებლობდნენ და ახალი წლის დადგომას აღნიშნავდნენ, ისე ერჩივნა ძველი შეშის ღუმელი ზამთრის კურორტებზე მოწყობილი, ნაირნაირად მდიდარი ბუხრების შოურუმს, ისე ერჩივნა მსოფლიოს ყველაზე ფეშენებელურ კლუბებში მომზადებულ საოცარ კოქტეილებს ატმის კომპოტი და გაჩახჩახებულ, ათასფერ გირლიანდებს მისი ფანჯრიდან დანახული, მბჟუტავი გარე განათება, რომელიც ოდესღაც მოჭრილ და გუდრონით გაშავებულ ბოძზე იწონებდა თავს. ღამით ტკბილად ეძინა, არავის ეკონტაქტებოდა, მაგრამ იმედიანად და მშვიდად იყო, საათობით შეეძლო ბაღში ბოდიალი და დიდხანს იდგა იქ, სადაც თორნიკე ეხებოდსა მის ტუჩებს. ყოველ დილით მიუყვებოდა წითელი, მჟავე ჯახველის ხეივანს და თითო ტოტს ტეხავდა.. მორიგ დილას, ბაღში ჩვეულებრივად გასულმა თოვლის ხრაშუნი იყურადა, მობრუნდა და გაშეშდა.. მისკენ გრძელ ლაბადაში შემოსული თორნიკე მიილტვოდა მომღიმარი სახით. გოგონა შეეგება და მთელ სხეულზე შემოეჭდო.. _დანარჩენი უკვე უმნიშვნელოა.. – ეჩურჩულებოდა კოცნას მოწყურებული დოლიძე და უფრო და უფრო იკრავდა თამთას გულში.. მას ისევ გამოევლო ვაშლის ხის ძირში, ხეს ისევ დაეჯილდოებინა მისი მხრები და თმა უხვი, შერჩენილი თოვლით, თმიდან წვეთები სახეზე ეცემოდა,სახიდან კი გოგონას ტუჩებზე ინაცვლებდა, კიდევ ყელზე. სხეულზე, რომელიც მასზე იყო მთელი არსებით მიკრული, აღარასოდეს აპირებდა მისგან შორს ყოფნას და ატმის პირველი ყვავილის გაშლისთანავე საოცარ სიახლეს უმზადებდა. |
ტესტები
სხვა გვერდები
აქტიური მწერლები
აქტიური მწერლები
.:დღის აქტიური მკითხველი:.
გჯერათ ბიჭის და გოგოს მეგობრობის?
ყველა გამოკ
.:შემოგვიერთდით FACEBOOK-ზე:.
