ჭირვეული სტუმარი და მისი რეალური ისტორია
ვაღიარებ ამხელა გამოხმაურებას ამ ისტორიაზე ნამდვილად არ ველოდი. რაც ძალიან მიხარია და მსიამოვნებს. შემახსენეს საკუთარი დანაპირები, რეალური ვერსია მომეთხრო და პირობას ვასრულებ.
უბრალოდ იმხელა კომენტარი გამოვიდა, ისევ ჩანაწერის ფორმა მივეცი ..
რაც შეეხება ამ ამბის რეალურ ვერსიას, ჩემს და სამწუხაროდ, თურმე საქართველოშიც ხდება ასეთი ამბები, მე ვიცნობდი ორივე ძმასაც და იმ გოგონასაც, მოვლენები 90 -იანი წლებიდან ასე 2000 წლამდე მართლაც ფშავის ხეობაში ვითარდებოდა. ქალიშვილი თბილისელი, საკმაოდ ლამაზი და თანამედროვე გოგონა იყო და არის კიდევაც, სოფელში სტუმრად ჩასული სწრაფად აიტაცეს და შეიყვარეს იქაურებმა, მათ შორის იყო ყველასგან გამორჩეული, სიმპატიური და ქარიზმატილი ჩვენი ლევანიც. თავიდანვე მოვლენები ისე განვითარდა, რომ უმცროს და-ძმასთან მეგობრობდა, უფროსს ძმას რომ უყვარდა ამას ყველა ხვდებოდა, მათ შორის მისი დედ-მამის შვილებიც, თუმცა ბიჭი ამას ხმამაღლა არ აღიარებდა, ქალთა გულთამპყრობელის იმიჯს ვერ ელეოდა.
მანძილის სიშორის გამო ფაქტიურად ზაფხულობით ვითარდებოდა მოვლენები, როცა გოგონა სოფელში ჩადიოდა, ასაკით დიდი იყო ლევანი, ალბათ ასე თერთმეტ წლიანი სხვაობა მაინც იქნებოდა მათ შორის. სულ რაღაც ქარაგმებითა და ალეგორიებით საუბრობდა, თუმცა მის ყოველ მოქმედებაში მიხვდებოდი სიგიჟემდე რომ უყვარდა ჩვენი ქეთი. ბიჭის სახელი არ შემცვლია, აი, გოგონა კი ცოტა შევალამაზე. ასე ნელ-ნელა საბოლოოდ ჩვენი ქეთის პერსონაჟს "ლევანის საცოლეც" დაერქვა. სიმართლე ითქვას გოგონა მეგობრებში კი ამბობდა: - რა სიყვარული, რის სიყვარული, ეს თქვენი მოგონილი ამბავიაო, მაგრამ აშკარად სიმპატიებს გრძნობდა ჩვენი ლევანის მიმართ, თუმცა შეძლებისდაგვარად ცდილობდა თავი ეკონტროლებინა, ყოველ შემთხვევაში თვითონ ასე უნდოდა .... უბრალოდ ელოდა, როდის გადადგავდა პირველ ნაბიჯს ლევანი და ეტყოდა, რომ უყვარდა.
სწორედ ამ დროს გამოჩნდა, უმცროსი ძმაც. ლევანს გამოუცხადა, რომ ქეთი უყვარდა და არც ქალი იყო წინააღმდეგი. თითქოს ქალი თბილისელობის გამო სოფელში გათხოვებას ვერ ბედავდა, ეუბნებოდა, მამაჩემის მეშინიაო და სთხოვდა იქნებ მომიტაცო და ჩემით დავრჩებიო. ამ საუბარს ესწრებოდა მათი საერთო მეგობარიც, რომელიც აქ კობას პერსონაჟითაა ცნობილი. მოტაცების ვერსიის გადამოწმება კობამ ქეთისთან გადაწყვიტა. მართალია ქალს არ უთხრა ვინ უპირებდა მოტაცებას, ის კი ზუსტად გაიგო, რომ ასეთ სისულელეს ქეთი არასოდეს იზავდა, საკმაოდ გაბედული ქალი იყო და თუ ვინმე ეყვარებოდა, როგორმე მამამისსაც გააგებინებდა ამ ამბავს. მოკლედ ბევრი რომ არ გავაგრძელო, იმ საღამოს კობასთან შეკრებილ ბიჭებთან ლევანმა მის ძმაზე მოსაკლავად გაიწია და გაშველებაში კობას პერსონაჟი დაიჭრა. ჩვენი ქეთი ამ დროს სოფელში იყო. მიუხედავად იმისა, რომ წინა დღით საუბარში კობას ძმები არ უხსენებია, განვითარებული მოვლენებით სულელი უნდა ყოფილიყო რომ ვერ მიმხვდარიყო რა ხდებოდა[/quote].
გაბრაზდა, ეწყინა, თავი მარიონეტადაც იგრძნო ჩვენმა ქეთიმ, თითქოს სათამაშოს მსგავსად გადასცემდნენ ერთმანეთს სასურველ ქალს. ფაქტიურად ქალიშვილთან დალაპარაკება არც კი უცდია ისე გადგა განზე ლევანი. დაიფიცა, რომ იმ დღიდან მოყოლებული ორივე ძმას დაივიწყებდა და ცხოვრებაში აღარ ნახავდა :D. დაბრუნდა თბილისში, იმ წელს დაამთავრა უნივერსიტეტი და გათხოვდა კიდევაც. არ ვიცი რამდენად იყო მის ქმარზე შეყვარებული, თუმცა ბიჭმა იცოდა ორივე ძმის არსებობის შესახებ, ალბათ ქალის მხრიდან მათ მიმართ სერიოზული გრძნობა ვერ დაინახა და მაინც გარისკა. დღეისდღეობით საკმაოდ ლამაზი ოჯახიც აქვთ.

ორსული ქეთი მეუღლესთან ერთად ქუჩაში მოსეირნე შემთხვევით შეხვდა უმცროს ძმას, რომელსაც ამ დროს თავისმხრივ უკვე ჰყავდა ცოლი მოყვანილი. ძველი წყენა კარგა ხნის დავიწყებული ჰქონდა ქალს და მეუღლეც გააცნო, ბიჭის უცნაური რეაქციით ქმარიც მიხვდა რომ მის ცოლზე შეყვარებული ძმებიდან ერთ-ერთი რომ ედგა წინ....თუმცა არ შეიმჩნია.
ბიჭი სოფელში ჩავიდა და ძმასაც ჩაუტანა ეს "სასიამოვნო" ამბავი, ზუსტად დღემდე ვერ გავიგე რა უნდოდა ამ უმცროს ძმას, რატომ აურია მათი ურთიერთობა, ერთი დაულაგებელი მედროვე ბიჭი იყო და ბოლომდეც ასეთად დარჩა.
რაც შეეხება ლევანს, პროფესიით ექიმი იყო, მიუხედავად იმისა, რომ ხმამაღლა არ აღიარებდა საკმაოდ ბევრს ნერვიულობდა, ამოვარდა კალაპოტიდან, სმა ისედაც უყვარდა და შემდეგ მიზეზიც მიეცა და სადღაც 50 წლის ასაკში ინფაქტით გარდაიცვალა. არც ცოლი დარჩა და არც ოჯახი.
ქეთი საკმაოდ წარმატებული ქალი დადგა, ოჯახთან ერთად ხშირად ჩადის ფშავში ზაფხულობით. მიუხედავად იმისა, რომ მის მეუღლეს იცნობენ, ყველას მაინც "ლევანის საცოლის" სახელით ახსოვს.
დღემდე ამტკიცებს უმცროსი ძმა, რომ ქეთის არ უყვარდა ლევანი და მან მიატოვა, ამდენი წლების შემდეგაც კი არაფრით არ აღიარებს, რომ ის რომ არა ქეთი და ლევანი ერთად იქნენებოდნენ.