ამაღლობელთან ბინაში იყვნენ ბიჭები. ერთი შეხედვით ყველა მშვიდი ჩანდა,მაგრამ უმრავლესობას პრობლემები ახრჩობდა და ასე ცდილობდა განტვირთვას. მალევე მიმოიფანტნენ ბოლოს კი მხოლოდ სანდრო დარჩა ,მისი თანდასწრებით საუბარი კი მოსეს ნებისმიერ თემაზე შეეძლო და ბექას ოთახში დაბრუნებისთანავე დაუსვა შეკითხვა
_სახლი იყიდე?
_რომელი სახლი
_ბექა !
_ვინ გითხრა
_სოფომ ... რა გავიგო ახლა მისთვის იყიდე თუ ჩემთვის .
_სახლი ჩემს სახელზეა , თქვენ საერთოდ რა შუაში ხართ. გასაყიდად რომ იქნება მზად მერე ვინც იყიდის იმისი გახდება
_როდის დაიწყე არასაკურორტე ზონებში სახლების ყიდვა_გაყიდვა
-მოვუფიქრებ რამეს რა პრობლემაა ...
-რატომ იქცევი ასე ... რატომ არ მკითხე
_ჩემია და მორჩა !
-სად მიდიხარ
-მეჩქარება ... გაერთეთ სანამ დრო გაქვთ. შენ მერე შემოიარე , საქმე მაქვს - სანდროს მხარზე ხელი დაჰკრა და სწრაფად წავიდა.
-რა უნდა ვუყო ახლა ამას ... თითქოს რასაც აკეთებს საკმარისი არაა
-ბექაა რა , ხომ იცი არასდროს დაგაყვედრებს. ჩათვალე რომ არ უყიდია და მერე როცა ფული გექნება იყიდი
-და როდის დადგება ეგ დღე
-ისწავლე მოთმინება. ნუ ართულებ ცხოვრებას ,როცა სტაბილურობისკენ მიდის და ნუ ხარ უკმაყოფილო საკუთარი თავით
-შენ რა გჭირს - მთელი დრო აკვირდებოდა . თითქმის არაფერი უთქვამს ,სვამდა და ხელებს დაჰყურებდა . ფიქრობდა, მაგრამ რაზე მოსემ ნამდვილად არ იცოდა- ახალი პრობლემა გაჩნდა? ლიზა როგორაა? ბავშვს ხომ არ სჭირს რამე ...ის კიდე ხო არ გამოჩენილა
-დირექტორის შვილები როდის დაბრუნდენ- სრულიად მოულოდნელი კითხვა გააჟღერა და მოსე ცოტა არ იყოს გააკვირვა
_რამდენიმე თვეა
_ერთი გოგო ჰყავს მგონი ,ხომ ? მე მხოლოდ სახელი ვიცი და შენ იცნობ ?
_ როგორ არა, დეას მეგობარია. ჯერ მარი გავიცანი მერე ბიჭები ... რა ხდება აღარ იტყვი?
_ხომ იცი ჩემ საქმეებში შენი გარევა უკანასკნელი რამეა რაც მინდა , მაგრამ მეტი ვერაფერი მოვიფიქრე . შენ გარდა შანსი არ მაქ - წვერზე ისვამდა თითებს და ძლივს ამბობდა სათქმელს. ცხოვრებაში პირველად ჰქონდა დანაშაულის შეგრძნება, უნდა დარწმუნებულიყო,რომ არ ავნო . იმის წარმოდგენაც კი აშინებდა ,რომ გოგონას იმ დღის შემდეგ მარიამს ფსიქოლოგიური ტრამვა დარჩებოდა და ამის მიზეზი თავად იქნებოდა
_მარიამთან რა ხდება სანდრო? _ წამსვე შეკრა წარბები
-ჩემ ბედს რო შ.ვეცი - არყით სავსე ჭიქა ბოლომდე ჩაცალა და მერე მოუყვა ყველაფერი _უნდა გაიგო როგორაა იმ ამბის მერე... მე ვერსად ვნახე. არსად დადის თუ რა ხდება არ ვიცი. იქნებ ისე შეეშინდა ვერავის დაელაპარაკა და ცუდადაა. ისე მიყურებდა ფსიქოლოგიც, რომ დასჭირდეს შიშის მოსაშორებლად არ გამიკვირდება. სახლში სანამ დავაბრუნებდი გამოფხიზლდა, მაგრამ გონს აშკარად ვერ მოდიოდა. არ ვიცი რა იფიქრა უცებ დივანზე რომ აღმოჩნდა
_იქნებ გიჩივლა უკვე და დაგიჭირონ ხვალ თუ ზეგ...აქამდე როგორ არ მომიყევი ეგ ამბავი. ის რამდენჯერ გავაფრთხილეთ, ბექამ სცემა სანამ ცოლად მოიყვანდა ლიზას. მერე სულ ვეკითხებოდი რამდენჯერაც დავურეკე არაფერს ამბობდა, კარგად ვარო. ნაცემი არ მინახავს , რას ვიფიქრებდი ასე თუ აფრენდა
_ამაღლობელო, შენ ყველა ცოდვილის ნაცვლად რატომ გაწუხებს სინდისი? რა უნდა გაგეკეთებინა, ვის რა შეეძლო... შენ პასუხისმგებლობას ვერ აიღებ ყველა ჩაგრულ ადამიანზე და დაეშვი მიწაზე ბოლოს და ბოლოს
_ნუ სვამ ამდენს!
_ცუდად ვარ , რომ ვუყურებ და წარმოვიდგენ რა გამოიარა მინდა მივიდე და მოვკლა ის . მერე გონება მერთვება და მახვედრებს, რომ კაცის მოკვლას ჩემი თავი არ მაპატიებს, სულ რომ დავივიწყო საკუთარი ადამიანობა სისულელე იქნება . უჩემოდ ვერ დავტოვებ ამათ , როცა ახლა ყველას ჩემი იმედი აქვს . ბავშვები როგორ მიყურებენ ნეტავ იცოდე . კიტა ისეა მოხოდილი, იმდენ რამეს აკეთებს სესილიასთან საუბრის მერე _თავზე ხელები მოიჭირა და მოიხარა _ისე დავიღალე ხანდახან მინდა უკან დავბრუნდე , დავჯდე ჩემთვის და წიგნები ვიკითხო .
_რას აპირებ ... ბრძოლაზე რატომ არ მთანხმდები
_მოგიგებ და მერე გამებუტები , ბავშვობაშიც ძლივს მირიგდებოდი
_ხო ხარ ღირსი გაგიფინო ... ვერ მიგიტყუე ოქტაგონამდე
_გეუბნები წააგებ და დაუმარცხებლის რეპუტაცია შეგელახება სამუდამოდ. გოგოები სად არიან
_დაქალთან მივდივართო და სოფო ვინმეს რომ ხვდებოდეს არ გამიკვირდება
_ბექა რას შვება
_როგორც ამბობს არაფერს და ვის გვატყუებს არ ვიცი
_არ ჩაერიო თუ ძმა ხარ ... ბექას გადარევა რომ ვიცი
_შენ სოფიკო არ იცი ვინ არის და დამიჯერე ძმაკაცს უფრო ვიცავ ვიდრე იმ გაურკვეველ გოგოს
_სანამ სისულელეს ჩაიდენს მანამ უშველე , გამოიყენე ჩემი დის მაგალითი . შენ ჩემგან განსხვავებით ახლოს ხარ და ყველაფერი შეგიძლია გააკეთო
_კარგი შევეშვათ სოფოს , შესანიშნავად მუშაობს საკუთარ თავზე . მარიამთან მე ვერ მივალ , უხერხული იქნება თან ბიჭები წავიდნენ და სანამ დაბრუნდებიან მანამ დეას მოვაგვარებინებ
_ნახვა მინდა , მოსე _პაუზის შემდეგ თქვა და ფეხზე წამოდგა. ფანჯარა გააღო, სიგარეტის ღერი ტუჩებსშორის მოიქცია და სწრაფად მოუკიდა_შეიძლება გავგიჟდე...
_მარიამი ჭკვიანი გოგოა... მიხვდება რომ არაფერს დაუშავებ . არ მგონია, რომ ფობია ჩამოუყალიბდეს ,ასეთი სუსტი არ არის
_და იმდენად ძლიერი არის რომ შევუყვარდე? _ფანჯრის რაფას იყო მიყრდნობილი, ეწეოდა და მოსეს ნაცვლად ერთ წერტილს უყურებდა
_სანდრო
_პასუხი არ მჭირდება ... გაივლის . ერთით მეტი პრობლემა არ მჭირდება. 6 მყავს პასუხისმგებლობის ქვეშ და უამრავი წინააღმდეგობა . არაფერი მითხრა უბრალოდ გაარკვიე როგორ არის და მორჩა. სინდისი მაწუხებს, მეტი არაფერია
-დამშვიდდი . მარიამი კარგად იქნება...- ამაღლობელს სხვა არაფერი უთქვამს. კარგად იცნობდა და იცოდა თავად შეძლებდა მისი გონება ყველაფერთან გამკლავებას.
ჯანაშია ჩიხში აღმოჩნდა, მარიამზე ფიქრებმა არ გაიარა. პრობლემები ისევ იყო, სიყვარულისთვის დრო არ , მაგრამ გოგოს სახე არ გაუფერულდა, არც მისი სურნელი გამქრალა მეხსიერებიდან მაშინაც კი როდესაც მის თავსაბურავს აღარ შერჩა . ტყიდან წამოღებულ ნაჭერს მარტო დარჩენისას დაჰყურებდა და მთელი სამყარო ქრებოდა მარიამის აჩრდილის გარდა...
.....................
დეას ახლად შექმნილი წყვილის ერთად დანახვა ყველაზე ნაკლებ სურდა,მაგრამ ზედმეტად პატარა იყო რაიონი დასამალად მითუმეტეს თეკლას მსგავსი გოგონა ყველგან შეიძლება გადაგყროდათ. სახლში აშკარად არ ატარებდა დროს. ჯერ მოსეს დაჰყავდა , ფეხით დადიოდა და დღე ისე არ გავიდოდა ერთხელ მაინც არ გადაჰყროდა, მალევე მანქანით გამოჩნდა, ვაჩე მართვას ასწავლისო ხმა გავრცელდა . ექართულის რეპეტიტორთან მისვლამდე სხდებოდნენ კაფეში. ყოველთვის მხოლოდ ორნი იყვნენ და არავინ სხვა . ემოციები ვერ გააკონტროლა ნესტანთან მეცადინეობის დროს რომ შეუვარდათ ქალბატონი, სიჩუმეში ქარიშხალივით შეიჭრა და პირდაპირ ვაჩეს მოეხვია . ზურგიდან ეკვროდა, ხელები ბიჭის მკერდზე ჰქონდა გადაჯვარედინებული და ისე უყურებდა წარბებაზიდულ ნესტანს
_ბოდიშს გიხდით რომ შემოგეჭერით, მგონი დროზე ადრე მოვედი ...
_მეცადინეობა გაგვიგრძელდა , შენ დროულად მოხვედი . ეზოში დამელოდე და გამოვალ- გოგონა გაუშვა და მერე მიუბრუნდა ნესტანს- მე წავალ , დავასრულე უკვე _ წიგნი დახურა , წამოდგა და ნაწერი მიუტანა . ამ დროს მასსა და დეას შორის იდგა , გოგოს ყელში ბრაზი უჭერდა, აღიზიანებდა ეს მოკაშკაშე, პირმომცინარი თეკლა , რომელმაც იქაც იპოვნა ნაცნობი და ამ დროში ბიჭებს ელაპარაკებოდა თანაც ისე ხმაურიანად, რომ თავს აგატკიებდათ.
_სად მიდიხართ? _ქალმა რომ ჰკითხა ლამის მადლობა გადაუხადა - ისევ დილამდე დაგაგვიანდება?-ჩუმად საუბრობდნენ,მაგრამ ყველაფერი ესმოდა
_როდის მერე მისვამთ მსგავს კითხვებს ქალბატონო ნესტან?
-მას შემდეგ რაც საკუთარ თავს არ ჰგავხარ ,იმას აკეთებ რასაც ვერ იტან და სიმშვიდეს გვირღვევ ჩვენც
_შენს სიმშვიდეს ვერავინ არღვევს და მე ვინ ვარ მამიდა? ერთი უბრალო მოკვდავი,რომელიც ძლივს ცხოვრებით ტკბება _ ქალს თავზე აკოცა და წავიდა.
ისეთი შეგრძნება ჰქონდა თითქოს უჩინარი იყო, უყურებდა როგორ მიდიოდნენ, გოგო ყოველწამს ეხუტებოდა, კი არ მიაბიჯებდა დახტოდა და ისევ გაუჩერებლად ლაპარაკობდა. ისე აღიზიანებდა დეას, ისე აღიზიანებდა ცოტაც და გაგიჟდებოდა.
_დეა ეს მაგალითი არასწორია ... მგონი გადაიღალეთ , კარგით წადით დღეს და მომდევნო მეცადინეობისთვის მოემზადეთ _შეცდომა დაუშვა, თანაც როგორი სულელური. წარმოუდგენელი იყო , ყურადღება იმდენად გაეფანტა, რომ მაგალითზეც კი ვერ კონცენტრირდა.
ბოლო წვეთი იყო ლუკა, რომელიც სახლში გვიან დაბრუნდა და ისედაც არეულს კიდევ უფრო მეტად აურია გონება.
_შენ კიდე მეცადინეობ? _საძინებლის კართან შეჩერდა და მერე ოთახში შეაბიჯა
_ასე გალოთდდები
_ვაფშე არ დამილევია ბევრი ... მთელი საღამო შენ ვაჩეს და მის გოგოს ვაკვირდებოდი
_არ მაინტერესებს ... ვსწავლობ და დამაცადე
_მიკვირს აქამდე როგორ არ დაიღალა ის ბიჭი... ახლა ნახავს როგორია გოგოს რომ ევასები და იმენა ყველაფერს გააკეთებს ლიჟბი გასიამოვნოს. სულ ცოტახანს კიდე და მერე ვაფშე აღარ ემახსოვრები , რომ გაახსენდები მხოლოდ სინანული ექნება. რაც შენს დევნაში გაატარა იმ დაკარგულ დროს ვერ მოინელებს . ეგეთ გასწორებულში, ასეთი მოდუნებული და ხალისიანი ეგ მე ჯერ არ მინახავს. ის გოგო ცეცხლივითაა , მის ადგილას რომ ვიყო ამ ღამეს არ გავმაზავდი, მაგრამ მაგისას რას გაიგებ . მგონი შენთვის ინახავდა თავს და ახლა ვინ იცის , მინიმუმ თეკლას დეკოლტეს დალაშქრავს
_აქედან გაეთრიე შენ შენი დასკვნებით, ბინძური აზრებით და ფიქრებით საერთოდ ! ხედავ მე რა პრობლემა მაქვს? _ წიგნები ესროლა და მერე რვეულებიც მიაყოლა _ უნდა ვისწავლო , რომ როგორმე დამოუკიდებლად ცხოვრება შევძლო ვინმე შენნაირ ვიგინდარას რომ არ დავუკავშირო ცხოვრება და საერთოდ ყველა კაცისგან შორს ვიყო . გგონია მადარდებს გიგაურს ვინ ეკიდება ყელზე? ან ვისთან რას აკეთებს? ასე ძალიან თუ მოგწონს ის გოგო მიდი და ეჩალიჩე, არც შენ გეტყვის უარს . ვაჩეზე სიმპათიური ხარ ტვინს, რომ ამუშავებდე დორბლი არ გექნებოდა იქეთ შეგაბავდნენ შენც , მაგრამ იდიოტი ხარ და რაც გინდა იმასაც ვერ იღებ ...
_გიყურებ და თითქოს შენი ციხესიმაგრე დაინგრა და ეს ურეაქციო, გაწონასწორებული გოგო ალქაჯად გადაიქეცი ... იქნებ ემოციების გამოხატვამ გიშველოს რამე თორემ მერე გვიან იქნება
_მოშორდი!
_დაიძინე, თორემ დილას ცუდ ხასიათზე გაიღვიძებ_როგორც ყოველთვის ახლაც გააგიჟა და ისე წავიდა ღიღინ_ღიღინით. დეამ კი მთელი ღამე ვერ დაიძინა , თავი უსკდებოდა და კივილის გარდა არაფერი უნდოდა. ბოლოს ისევ ცრემლებმა უშველა, იმდენი იტირა ენერგია გამოეცალა და გამთენიისას ჩაეძინა .
_საერთოდ არ გიძინია? _ მოსე მიუჯდა გვეედით, თავზე აკოცა და წიგნი გამოართვა _ დაისვენე, თორემ გამოცდებამდე ცუდად გახდები
_ყველაფერს მინდა მოვშორდე , დროზე გავიდეს დარჩენილი დრო და გავეცალო აქაურობას . მკლავს უკვე ეს ხალხი , ვგიჟდები
_ეს ხალხი თუ თეკლა
_მაგ გოგოს შენც იცნობ?
_მე წასვლამდეც ვიცნობდი ... ვაჩესაც იცნობდა შორიდან ,სულ მოსწონდა ახლა უფრო გალამაზებული და მოხოდილია . არანორმალურია , ვაჩეს გააგიჟებს
_ყველა მაგათზე რატომ მელაპარაკება, რამე კონკურსია და წლის საუკეთესო წყვილს ვასახელებთ თუ რა ხდება
_ძალიან ხარ გაღიზიანებული
_შენ კი ზედმეტად მშვიდი ხარ, არ გინდა ვარჯიში მასთან ჩხუბით დაიწყო? ერთი მაგრად შემოარტყა და გამოაფხიზლო?
_და გამოსაფხიზლებელი რა სჭირს? მშვენიერ ხასიათზეა , ქარიშხალივით ატრიალებს თეკლა
_მაგ სახელს ნუ ახსენებ ... რა მოგწონთ საერთოდ . გაუწონასწორებელი, უპასუხისმგებლო, ქაჯია
_ტეხავს , არ შეიძლება ეჭვიანობის გამო გოგოზე ასე ისაუბრო
_არ შეიძლება ... ასე არ შეიძლება . ყველგანაა
_წარმოიდგინე ვაჩე რას გრძნობდა მე და შენ ერთად რომ გვხედავდა
_შენ მე არ გიყვარვარ და ჩემს საცვალში ჩაძრომას არ ეცდებოდი არცერთ შემთხვევაში
_და იქ ვინ ცდილობს?
_ვერ ხედავ ვინ ? ყოველწამს ეხუტება რა ჯანდაბაა , ყელზე თუ არ ჩამოეკიდა ისე ვერ დადის? როგორ კოცნის და ისიც როგორ არ იშორებს _ჩუმად და ჩქარა ლაპარაკობდა, სახეზე სულ მთლად წითელი იყო და თვალებს ისე სასაცილოდ ატრიალებდა მოსე სიცილს ძლივს იკავებდა
_ყველა შენნაირი თავშეკავებული ხომ არაა, უნდა გოგოს ჩახუტება , მოფერება და თავს ვერ ერევა
_შენც ბევრი გეკიდება ყელზე, მაგრამ იშორებ და იმას რომ უტკბება ? ბარემ შუა ქუჩაში იკოცნაონ
_ნათელა ბებია რატომ გახდი უცებ?
_ალბათ იმიტომ რომ ასეთი ვარ, წინა საუკუნეში ჩავრჩი ... მე მაპატიეთ ამდენად ღია და გახსნილი რომ არ ვარ . ღმერთო ჩემო , რით გვაკვირვებს ნეტა ... ჩემზე მაღალი IQ ამ რაიონში არავის აქვს , თავად მაგ ბატონსაც კი . ჭკუიდან ნუ გადამიყვანენ თორემ
_თორემ აჩვენებ როგორ უნდა კაცის დამონება?
_შენ ახლა ერთობი, ხომ? ყოჩაღ !
_ნეტა შენსავით მარტივი წასაკითხი იყოს ჩემი ქალიც , რა ბედნიერი ვიქნებოდი ...
_მე მარტივი ვარ?
_მისთვის აშკარა არ ხარ და დაიღალა კიდეც . ზედმეტად მიუწვდომელი ხარ , აღარ შეუძლია
_მარტივად მისაღწევი ჰყავს გვერდით და ღმერთმა სიამოვნებით მოახნიას ...
_უნდა დამშვიდდე, თორემ ასე თავს ვნებ . მობილიზდი როგორმე ან დააიგნორე ან კიდევ დაიბრუნე ის რაც შენია და მოიშორე ის ვინც გაღიზიანებს
_არ მჭირდება !
_იმაზე მეტად გჭირდება ვიდრე მეგონა ... სულ ეგ ყოფილა შენი სიმშვიდის და სტაბილურობის საფუძველი
_მოსე ისე ნუ იზამ შენთანაც რომ აღარ ვილაპარაკო... საერთოდაც ყველაფერი შენი ბრალია _ამოიოხრა და თავი მხარზე დაადო
_ჩემი?
_შენ რომ მიყვარდე უფრო მარტივი იქნებოდა ...
_მე და შენ საშინელი წყვილი ვიქნებოდით , პატარავ
_მასწავლებელი გიყვარს?
_სიყვარულზე არ ვისაუბრებ,ჯერ
_ხომ მეტყვი რამე მნიშვნელოვანი თუ იქნება შენს ცხოვრებაში
_გეტყვი , ოღონდ მანამდე თავი ასწიე თორემ ვაჩესთან ჩხუბის ენერგია არ მაქვს
_სად არის... მოვიდა ? _ მაშინვე გასწორდა და მთელი ეზო მოათვალიერა
_გენატრება კიდეც... შარში ხარ , პატარავ
_ტირილი მინდა
_ახლა არა გთხოვ... ის მართლა მოვიდა, ოღონდ თეკლამ მოიყვანა თავისი მანქანით
_გავანადგურებ !
-რომელს?
-მოსე შენით დავიწყებ!
-კარგი, კარგი ...მოდი მარიამზე მომიყევი
-თუ არ მეტყვი ასე მოულოდნელად რატომ დაგაინტერესა არაფერს გეტყვი
-ვერ გეტყვი ,მაგრამ ისეთი არაფერი მოხდება საფრთხე რომ დაემუქროს და შენი ქმედება ღალატად ჩაითვალოს
-ხშირი კონტაქტი არ გვაქვს, მაგრამ ზოგადად კარგად ვართ. აი ყოველ დღე რომ არ ელაპარაკები,მაგრამ იცი ნებისმიერ დროს შეგიძლია ესაუბრო, ნებისმიერ თემაზე და დარწმუნებული იყო,რომ რჩევას მიიღებ ისეთი გოგოა. სულ ვერ შეაწუხებ რა, არ უყვარს მაინცადამაინც ხალხთან კონტაქტი , თავისი სამყარო აქვს და ყველაზე ადეკვატური ვინმეა ვისაც კი ამ მიწაზე გაუვლია.
-რამე რომ აწუხებდეს მოგიყვება ?
-რომ ვნახავ მივხვდები, მაგრამ გააჩნია რა უნდა აწუხებდეს. არ მახსენდება ოდესმე ვინმესთვის ან რამესთვის უფლება მიეცა მისი კომფორტის ზონის დარღვევის. მისი გონება წარმოუდგენლად მუშაობს და მთელი გარემოცვაც ისეთი ჰყავს.
-პრინცესაა ?
-ბუნებით და არა ქცევებით პრინცესული პრინცესა
-გასაგებია , ანუ საქმე იმაზე საინტერესოა ვიდრე მეგონა.
-მომიყვები ,რომ გაერკვევი?
-ვნახოთ
-ცუდი ხარ. მე ყველაფერს გიყვები და შენ არაფერს
-შენ წარმოდგენა არ გაქვს რამდენს გეუბნები ... არავინ იცის იმდენი ჩემზე რამდენიც შენ და რაც არ იცი ისიც შენთვის საკეთილდღეოდ- თავზე აკოცა და წავიდა.
.......................
იმ დღეს გიგაურზე ფიქრები ვერ მოიშორა. წყვილს აკვირდებოდა და საკუთარ დასკვნებს აკეთებდა. თეკლა ვაჩეს მიმართ იმდენ ყურადღებას იჩენდა რთული იყო თავისუფალ კაცს არ მიეღო ის ყველაფერი რაც ხელთ ჰქონდა. დეასგან ათასგზის უარყოფილმა თეკლას სიყვარულზე უარი არ თქვა , მალევე გავრცელდა ამბები . არ იჯერებდა მათ ერთად ყოფნას სანამ საკუთარი თვალით არ ნახა გოგოს ინსტაგრამ გვერდზე ატვირთულ უამრავ ფოტოს შორის ერთ_ერთი , ვნებიანი კოცნის ამსახველი. ინფლუენსერ თეკლას ინსტაგრამზე და ტიკტოკზე თუ მიჰყვებოდი მისი ცხოვრების ყველა მომენტს ადევნებდი თვალს . დეაც მაზოხისტურად არ წყვეტდდა სქროლვას და მთავარ ფიგურანტ გიგაურსაც ყოველწამს აწყდებოდა . ისეთი ბედნიერი და ხალისიანი ჩანდა თითქოს სხვა ადამიანს უყურებდა, ყელში გაჩხერილ გორგალს ვერ ერეოდა იმის გააზრებისას , რომ წლების განმავლობაში თავად წარმოადგენდა მის მთავარ თავისტკივილს ახლა კი გათავისუფლებული მშვიდად აგრძელებდა ცხოვრებით ტკბობას.
_ვერ ვიჯერებ ერთად რომ ვხედავ- მასწავლებელთან მისვლამდე განხილვის საგანი კვლავ ვაჩე აღმოჩნდა
_რა ვეღარ დაიჯერე შენ კიდე, რამდენი კვირა უნდა გავიდეს
_უბრალოდ ერთობა, გიგაურია ... ის კიდე მარტივი ნადავლი
_მარტივი, ტკბილი , მხიარული და არც თუ ისე უტვინო . კაცი რომ ვიყო მეც არ ვიტყოდი უარს ასეთ ნაშაზე
_ნუ ხართ ბოღმიანები. იქნებ შეუყვარდა
_ნინო გიგაურს იცნობთ თქვეენ? გგონიათ ამ არსებას მიიღებს ოდესმე რძლაად? ქალის ერთი შეხედვით ჩააქვესკნელებს მაგასაც და დედამისსაც. ნესტანი ? ოოჰ თეკლა შე საწყალო ილოცე სერიოზულად არ გიყურებდეს ვაჩიკო თორემ მალე გაგაქცევენ უკან ამერიკაში
_გიგიგაური ის ბიჭი არაა საყვარელ ქალს რომ ვერ დაიცავს და თავის ურთიერთობაში ოჯახს ჩარევს
_ეგ ყველაფერი ზღაპარია... მუდმივი ომი და დაძაბულობა მაინც ანგრევს ყველაფერს . რომეო და ჯულიეტა დაიხოცნენ და თეკლა გაუძლებს სტრეესს? შანსი არაა . მე იმას ვფიქრობ ვინ უფრო ერთობა და ვინ მეტადაა ნასიამოვნები . მე თუ მკითხავთ თეკლა , ყველა ვარიანტში ... სულ რო ხვალვე დაიშალნონ მაინც
_შე საწყალო , მოგიკვდი ... ისე აბოდებ გიგაურზე გგონიაორი დღეც საკმარისი იქნება ხო?
_თეკლა რომ ვიყო კი და მე დროებით გასართობად ვერავის ვექცევი
_უნდოდე მაგასაც ვნახავდით , მაგრაამ რას იზამ შენ დიდი დიდი დემურიკოს უყვარდე
_რატო არასდროს გავიწყდებაა გამაგებინე მაგის მერე რამდენს მოვწონდი
_ერთმანეთზე უარესებს _არ ცხრებოდნენ გოგონები და დეას სულში დანთებულ ხანძარს ჩაქრობის საშუალებას არ აძლევდნენ.
_როგორ გგონიათ უკვე იმასასქნეს თუ მხოლოდ კოცნებით შემოიფარგლება გიგაური
_თეკლას ვერ უყურებ? გიგაურს სულ რო არ სდომოდა ეს შემოიხევდა ტანსაცმელს... ბოლო დროს მაინც ისე გაბრწყინებული და გამოშტერებული დადის. გაკვეთილზე თუ დარჩა სადღაც ასტრალში გადის .
_ცოტა დააცადეთ დაფრქვავს ყველაფერ, სად როგორ და რანაირად... ჩემო საბრალო იაკო ეგრე მაინც გაიგებ რა იმალება სამოსის მიღმა წელს ქვემოთ
_იქნებ სხვა თემაზეც ისაუბროთ უკვე ყელშია თეკლა
_თეკლა თუ გიგაური
_ორივე ერთად და ცალ _ცალკე _ისეთი სახე ჰქონდათ ვერ გაიგებდით რა ემოციას გამოხატავდა _ შენს დაქალზე მოგვიყევი, მეჯვარე რომ ხარ მალე
_უიმეე ეგ სულ გადამავიწყდა. შემიწირა ამ გოგოს ლაივებმა. ს.ქსსაც არ გამოგვაპარებენ ვიცი, რომელიმეს დროს ჩართავს კამერას და მე რომ ყველაფერი ერთად მაქვს მოსაგვარებელი რა მეშველებააა _ ნამდვილად შეძლო თემის შეცვლა . დარჩენილი დრო სულ ქორწილზე და მის სამზადისზე საუბრობდნენ, შემდეგი თემა უკვე ბანკეტი იყო .
................
სახლში დაბრუნებულს სიმშვიდე რომ უნდა ეპოვნა და ძლივს მეცადინეობისთვის გონების მოკრება შეძლო ყველა სიკეთესთან ერთად დედამაც მოიცალა მისთვის და უკანასკნელი დარტყმა განახორციელა დეას ნერვულ სისტემაზე
_მე და შენ სალაპარაკო გვაქვს ქალბატონო დეა _მაკა საძინებელში შევიდა, კარი მიხურა და საწოლზე დაჯდა
_გისმენ და თან წერას გავაგრძელებ
_მათემატიკაზე აღარ ივლი!
_რატომ
_რას ქვია რატომ...იმ დღეებში ვერაფერი გითხარი არ მეცალა შენთან სალაპარაკოდ სტუმრებისგან ვერ დავცალე სახლი და გგონია ყველას ვალაპრაკებ გამგებლის ბიჭი დაათრევდა და მერე მიაგდოო? მამაშენი ნამდვილად მომკლავს , ნიას ამ სულელურ ხასიათსაც მე მაბრალებს . მოკლედ მორჩა, სხვა მასწავლებელს იპოვი ან სახლში იმეცადინებ . მაინც ჩააბარებ , ის ფული დაზოგე და რამე იყიდე
_არ წამოვალ !_ყელში ბურთი ჰქონდა გაჩხერილი. ხმამაღლა თქვა, მაგრამ ცრემლებიც წამოუვიდა _ მარტო ვერ ვიმეცადინებ, გრანტისთვის არ მეყოფა ქულა
_თუ შენც მოგწონს ის ბიჭი, გაგასულელა და გინდა ყოველდღე თვალწინ ჰყავდე. მოშორდი ამ დაწყევლილ ადგილს_თქო მთელი ბავშვობაა მარტო მაგას გეუბნები და შენც აქ გინდა გათხოვდე და ჩალპე? სამყაროში კაცები დაილია? მაინცადამაინც აქ უნდა ცხოვრობდნენ , სხვა მიწა , სხვა კჯთხე არ არის?
_გგონია სხვაგან განსხვავებულები ცხოვრობენ? აქედან თუ წახვიდოდი რას გააკეთებდი , ბინაში იქნებოდი გამოკეტილი და ისევ ისე იცხოვრებდი როგორც ახლა. არავის დააბრალო შენი უმუშევრობა , დაგეზარა არ გინდოდა უფროსი გყოლოდა და სახლში დაჯექი . მე არ ვაპირებ ამდენი შრომა მხოლოდ იმიტომ ჩავყარო წყალში რომ ჭორების გეშინიათ-ცრემლებს იმშრალებდა და ისე ამბობდა სიტყვებს
_როგორ მელაპარაკები . გეუბნები იმ სახლში აღარ მიხვალ, იმ ბიჭს საერთოდ ახლოს არ გაეკარები თორემ შენზე ვიყრი ყველას ჯავრს
_ყოჩაღ დედა, ისევ მოწოდების სიმაღლეზე ხარ. გაიქეცი საჭმელი არ დაიწვას, მიდი უგემური არ გამოვიდეს თავი არ მოგეჭრას ... ჩემთვის არ გეცალა , იმიტომ რომ სულელურ საქმეებს უთმობ დროს მუდამ. ამ დროში საერთოდ რომ გავყოლოდი გიგაურს ვერც გაიგებდი! მოდი შენ შენი ცხოვრება განაგრძე და მე მომეცი საშუალება ვიცხოვრო . ერთხელ მაინც გააკეთე რამე ჩემს სასარგებლოდ
-აბა ვის სასარგებლოდ ვმოქმედებ დეა...ვისთვის ვშრომოდ. თუ არაფერს გავაკეთებ რით ვიარსებებთ . იმედია შენ არ გგონია,რომ მდიდარ ბიჭზე გაყოლით აიშორებ ამ ცხოვრებას თავიდან
-სხვისგან რას უნდა ველოდე როცა შენ თავად აკეთებ მსგავს კომენტარებს...არავის მივყვები დედა, საერთოდ არ დავქორწინდები! გემუდარები არაფერი გააკეთო, დამივიწყე და მადროვე ეროვნულებმდე მივაღწიო
-ნამდვილად არაფერი ხდება? ბიცოლაშენის და მამიდაშენის ყბაში ნუ ჩამაგდებ ხელმეორედ!
-წადი ცოტა ხნით, გაისეირნე მეზობლებთან და გეტყვიან ,რომ ვაჩე ინგლისურის მასწავლებლის შვილს ხვდება ...
-კარგი , მაგრამ იცოდე ყურადღებით იყავი . შეცდომას ნუ დაუშვებ, ახლა სიყვარულის დრო არ არის !
-თითქოს ჩემთვის ოდესმე იქნება სიყვარულის დრო- ჩუმად თქვა და ქალის გასვლისთანავე ემოციების ტალღამ გადაუარა, ტირილს დიდხანს ვერ წყვეტდდა .

..............
იმ ღამის შემდეგ გაკვეთილზე პირველად შევიდა. განგებ არ ხვდებოდა, აინტერესებდა მასაც ისევე ენატრებოდა როგორც თავად თუ რეაქციაც არ ექნებოდა დანახვისას. კმაყოფილება ცამდე იგრძნო კლასში შემოსულმა ქალმა,რომ შენიშნა და მთელი 45 წუთის განმავლობაში მზერის არიდებას ცდილობდა. არაფერი უთქვამს, ჩუმად იჯდა და ტელეფონზე მოსულ შეტყობინებებს პასუხობდა.
-ამაღლობელი გაკვეთილზე ხარ თუ ინტერნეტ კაფეში? თუმცა თქვენ არც გექნებოდათ მსგავსი სიამოვნება , თქვენი ასაკის ბავშვებს არ მოუხდათ ამ ეპოქის გავლა - მშვიდი იყო, ირონიული გამომეტყველება ჰქონდა, ბავშვებმა ჩვეულ ხუმრობად ჩათვალეს მისი ეს ქცევა მოსემ კი მალევე დაიჭირა ეჭვიანობის ნაპერწკალი მის თვალებში
-მას , თქვენი ყოფილი შეყვარებული თავისუფალია თუ გიღალატათ და იმ ახალთანაა - აი ამ ინფორმაციას თუ მიიღებდა ნამდვილად არ ელოდა . კესოს გაჟრერებულმა კითხვამ ნამდვილად შეაცვლევინა პოზიცია . ერთბაშად გასწორდა და სესილიას პასუხს დაჭიმული დაელოდა
-კესო , ძვირფასო მოღალატე კაცების ამოცნობის ხელოვნებას დამატებით გაკვეთილებზე გასწავლი. ჩემთან სახლში შეგიძლია მოხვიდე ...
-მაას , ანუ მართალია? მე არ მეჯერა , ისეთი იდეალური წყვილი იყავით როგორ დაშორდიით - ლამის ტირილი დაიწყო კლასის რომანტიკოსმა ანამ
-ანიკო, ძვირფასო იდეალური ცალად დარჩენილი არ ვარ?
-მეც არავთქვი ასეთი მშვიდი რატომაა ჩვენი სესილი მასწი-თქო? თურმე მშვიდი კი არა გულნატკენი ყოფილხართ. რატომ დაშორდით არ გვეტყვით?
-ინფორმაციის წყარომ დაშორების რა სავარაუდო მიზეზები გითხრათ ... ჩამოთვალეთ სავარაუდო პასუხები და რომელიმე ახლოს თუ იქნება გეტყვით - მოსეს მზერას გრძნობდა,მაგრამ მისკენ ერთხელაც არ გაუხედავს. მაგიდასთან ჩამოჯდა, იღიმოდა და ბავშვებს ელაპარაკებოდა
-პირველი ვარიანტია- ლონდონში გიღალატათ და არ აპატიეთ. მეორე ვარიანტია- დიდი ხნით დარჩენა უწევს და თქვენ არ მიჰყვებით, გაბრაზდა რის გამოც დაშორდით. მესამე ვარიანტია რომ თქვენი აქ ყოფნა არ მოსწონს, იჩხუბეთ და ამიტომ დაშორდით . მეოთხე ვარიანტია,რომ თქვენ შეგიყვარდათ ვიღაც სხვა, ან მას ჰქონდა ეს ეჭვი და ეჭვიანობა გახდა დაშორების მიზეზი... კიდევ არის რაღაც ვარაუდები,მაგრამ მოდი ამათგან აირჩიეთ ერთ-ერთი- ამჯერად სალომემ თქვა ყველაფერი და მერე ღრმად ჩაისუნთქა
-პასუხებში არ ეწერა ყველამ თავის ცხოვრებას მიხედოს და სხვის პირადში ცხვირის ჩაყოფას შეეშვასო?
-არაა, მსგავსი არაფერია
-სამწუხაროა...კითხვა ბათილდება. სხვა შეკითხვები თუ არ გაქვთ განვაგრძოთ
-10 წლით პატარა ძმა ხომ არ ჰყავს შემთხვევით ? - კესომ ჰკითხა თვალების ციმციმით და კვლავ სიცილის ტალღამ გადაუარა ოთახს
-ძმა არა, მაგრამ ბიძაშვილი ჰყავს 20 წლის... დაინტერესებული ხართ , კესუნა?
-მეორე ბიძაშვილი არ ჰყავს,მას?
-არა რაა ბიძაშვილი არ მინდა, თვითონ არ მოსწონს 18 წლის გოგონები?
-არაა, სისხლის სამართლის დანაშაულად თვლის თავისი პირადი კოდექსის მიხედვით- გაეღიმა თორნიკეს დამოკიდებულების გახსენებისას- ხუთი წუთი გავიდა. განიტვირთეთ, საკმარისია
არავის უნდოდა მეცადინეობის გაგრძელება, მაგრამ სესილიამ კვლავ მოახერხა ყველას გონების მობილიზება . მხოლოდ ამაღლობელი იყო არეული და მასწავლებელიც უჩვეულოდ შორს, ოთახის განაპირა ფანჯარასთან მდგომი აგრძელებდა საუბარს.
............
მარიამთან შეხვედრას მოსესთან საუბრამდეც გეგმავდა უბრალოდ მოვლენები დააჩქარა. მუდამ მზის სხივივით ანათებდა და ამჯერადაც სახეგაბრწყინებული უახლოვდებოდა . უცნაური იყო მათი წყვილი , თავად ჰქონდა მზისფერი თმა, მაგრამ ღამისფერი მარიამი ასხივებდა ბედნიერებას
-როგორც ყოველთვის შენი განწყობა შენს გარეგმობაზე აისახება- დეას დაკვირვებით უყურებდა და თვალების ციმციმით იღიმოდა _დანამდვილებით შემიძლია გითხრა , რომ პრობლემა გაქვს რომელსაც ვერ აგვარებ
_მე კი შემიძლია ვთქვა , რომ იმაზე მეტად მომენატრე ვიდრე ვფიქრობდი_ორივეს გაეღიმა. ერთმანეთთან ყოფნის დროს მუდამ სიმშვიდეს პოულობდნენ
_არ მომიყვები რა ხდებოდა სანამ აქ არ ვიყავი?
_ახალი არაფერია , ძველი პრობლემები გამწვავების ფაზაში გადავიდა
_ თუ დაგამშვიდებ არ ვიცი, მაგრამ ვაჩეს ის გოგო არასდროს შეუყვარდება .
_გამორიცხული არაფერია
_არის და თუ ცივი გონებით შეხედავ მიხვდები
_ცივი გონება განა მოქმედებს? მე ხომ უბრალოდ სხვების გაწერილ ცხოვრებას უნდა მოვერგო და ეგ აღარ გამომდის . დავიღალე, სტრესული წელია და გათავისუფლებამდე დრო ზანტად გადის
_როგორ ახერხებ შენი გონებით იყო ასეთი შეზღუდული... ამასაც მოხერხება უნდა
_აღარ ვიცი რა უნდა გიპასუხო ... მოახლოებული ქარიშხლის მოლოდინში ვარ და როდის გადამივლის არ ვიცი. წარმოდგენა არ მაქვს თავს როგორ დავიხსნი . მშვიდი ძილიც კი მომენატრა იცი? სულ რაღაც კოშმარი მაღვიძებს
_ სიზმარს როგორც ცხოვრებას სწორი კუთხე სჭირდება , რომ არასაშიში ჩანდეს და შეიძლება გზაც კი გიჩვენოს
_შენს სიზმრებშიც გამოჩნდა ვინმე?
_სულ იყო რაღაც და ეს მახვედრებდა რას ვერ ერეოდა ჩემი გონება, რის მიმართ მაქვს იმხელა ინტერესი ან მოლოდინი, რომ რეალობა სიზმარშიც გადმოდის და ჩემ გაგრძელებას ვხედავ.
_ასეთი ოპტიმისტი როგორ ხარ ... ყველგან ფერებს რომ ხედავ და ვერც ვისწავლე შენგან ეგ სიმშვიდე
_სულ არ ცდილობ საკუთარი თავისთვის მე კი პასუხისმგებლობა არავისთან მაქვს . სრულიად თავისფალი ინდივიდი ვარ , რომელმაც მხოლოდ საკუთარ თავზე უნდა იზრუნოს მე კი შესანიშნავად ვუგებ ჩემს შინაგან ქალღმერთს _თმა კეკლუცას გაისწორა, ფართოდ გაიღიმა და მერე გაიცინა კიდეც
_ძალიან, რომ მიყვარხარ მითქვამს?
_ნეტავ როდემდე უნდა იყო ერთადერთი ვინც სიყვარულში მიტყდება? _კვლავ გაიცინა და ნამცხვრის დაგემოვნებას შეუდგა
_ღმერთო ჩემო მე ერთ ვაჩეს მოვწონვარ და შენ ? არც კი გრცხვენია , ბიჭების რომანტიკულ ფანტაზიაზე წიგნი შეგიძლია გამოსცე , იმდენჯერ გამოგიტყდნენ გრძნობებში
_სისულელეა ! ადამიამებთან ნორმალურად არც მისაურბია, არ მიცნობენ და საჩუქრებს მიგზავნიან, მეფლირტავებიან უგუნურად . მაგათ ყველას ერთად შენი ვაჩეს მზერა გადაწონის. შენს სახელს რომ ვახსენებ ისეთი ხდება , ღმერთო რა ბედნიერებას იკლებ ცხოვრებისგან . სულ არ გიყვარს საკუთარი თავი და არ შეგიძლია ცხოვრებით ტკბობა
_ბოლო დროს შეხვდი? რომ ნახავ ესაუბრე ჩემზე და მიხვდები როგორ გამოავლენს ყველა გრძნობას სიყვარულის გარდა . დასრულდა ჩემი და მისი არდაწყებული ამბავი , მაგრამ ჭორები ახლა დამეწევა
_ტრაგი_კომედიაა ... ელი ჭორებს და თავშეკავების გამო იტანჯები. ამიტომ სჯობს გააკეთო ის რაც გულით გსურს... ჭორები მაინც სულ იქნება
_როგორ გეტყობა რომ აქ დიდხანს არ გიცხოვრია
_მადლობა მამას , აქაურობის მხოლოდ დადებით მხარეს ვიცნობ და სიბნელესთან შეხება არ მაქვს . თბილისში კიდევ სხვა პრობლემებით მოძრავი ხალხია , რომელი უარესია ვერ გეტყვი . სულ ტყუილად გაქვს იმედი , რომ აქედან წახვალ და იქ უჩინარი იქნები.
_შენზე მომიყევი ... როგორ ხარ კომფორტის ზონიდან წამოსვლის შემდეგ
_იმდენი გეგმები მაქვს... იდეები და საიდან დავიწყო არც კი ვიცი . სკოლის დასრულებამდე მინდა მოვასწრო , მერე კვლავ ქალაქს დავუბრუნდები ბიჭებთან ერთად და აქაურობა სრულად უნდა ამოვწურო - მარიამი საუბრობდა და დეა უსმენდა . ერთი სიტყვაც არ გამორჩენია, ეშინოდა იქნებ რამე მნიშვნელოვანია მის ცხოვრებაში და ჩემი დახმარება დასჭირდესო, მაგრამ აშკარად არ არსებობდა პრობლემა რომელსაც გადაულახავ დაბრკოლებად დაინახავდა მისი გონება.
.................
თითქოს განგებ უთხრა ამაღლობელმა სად შეხვდებოდნენ დეა და მარიამი . სუსტი აღმოჩნდა , კაფეში რომ შევიდა და კუთხის მაგიდასთან დაჯდა მერე მიხვდა რომ ნებისყოფა არ აღმოაჩნდა. იჯდა და ცხოვრებაში პირველად ფიქრობდა გარეგნობაზე და იმაზე თუ როგორ გამოიყურებოდა. საკუთარ ფიქრებზე გაეცინა , რა მნიშვნელობა ჰქონდა მის გარეგნობას, გოგო თუ დაინახავდა აუცილებლად შეშინდებოდა მიუხედავად იმისა მისი თვალები მოსწონდა თუ არა,ან პერანგი უხდებოდა თუ არა . შორიდან აკვირდებოდა, მხიარული ჩანდა, ხშირად იღიმოდა , რამდენჯერე გაიცინა და ჯანაშიასთვის სამყარომაც შეწყვიტა ბრუნვა. მსგავსი უმწობა არასდროს უგრძვნია .
_დეას ვესაუბრე ... კარგადააო . არაფერი უთქვამს და რამე რომ ყოფილიყო ისეთები მოვუყევი აუცილებლად მეტყოდაო -მოსემ რომ დაურეკა არ უთქვამს იქ ვიჯექი და ვუყურებდიო
_აშკარად არ უამბო
_არ უამბო შენ დანაშაულზე თორემ ცუდად რომ იყოს დეა მიხვდებოდა , დამიჯერე
_მჯერა . შენ და გიგაურს ერთი გოგო არ გეყვარებოდათ ჭკვიანი რომ არ იყოს
_ამ შაბათს გიგა ბავშვს ნათლავს ... გეპატიჟება . წამოხვალ?
_ ვნახოთ , დიდი ალბათობით კი
ვერაფერზე ფიქრობდა , ჯერ კიდევ გოგოს მიჰყვებოდა უკან და მაქსიმალურად ცდილობდა არ დაჰკარგვოდა. რაიონის ცენტრიდან სახლში ფეხით ბრუნდებოდა, სიცივე აშკარად არ აბრკოლებდა. გზად რამდენიმე ადგილას შეჩერდა, რაღაცები შეიძინა და საკმაოდ მოზრდილი პარკით , დამძიმებული მიაბიჯებდა. თავს ძლივს იკავებდა რომ არ მისულიყო და დახმარებოდა. ნეტავ შესძლებოდა უბრალოდ მოეშორებინა მისთვის ეს დისკომფორტის შემქმნელი სიმძიმე , თითებზე უყურებდა, აშკარად წუხდა უკვე. ცენტრს რომ გასცდა მოკლე გზით წავიდა, სახლებს შორის მიმავალ ასფალტს მიჰყვებოდა და უკვე მეორე ხელში გადაიტანა ტვირთი. ერთხელ გაჩერდა კიდეც, მობილურზე დაურეკეს და სანამ საუბრობდა თითებს ასვენებდა, ისეთი საყვარელი იყო ჯანაშია ძლივს აზროვნებდა. მიდიოდა უკვე, აღარ ანაღვლებდა რა იქნებოდა, ვერ დაუშვებდა ეყურებინა როგორ ტკიოდა ხელი . შორს იყო , რომ არ შეემჩნია განგებ იცავდა დისტანციას , რომლის დაფარვამდეც სხვა ბიჭი გამოჩნდა. ისე იყო შეხვეული ვერც ხედავდა მისი ვინაობა რომ დაედგინა. გოგონას ჭრელ შარფს , შეეხო რაღაც მომენტში და ჯანაშია მიხვდა რა იყო ეჭვიანობა. ყველაფერი ტკიოდა და თან არ იცოდა რა . მუშტები მანამ ჰქონდა შეკრული სანამ ბიჭმა გოგო ჭიშკართან არ დატოვა და არ მობრუნდა. ისეთი შვება იგრძნო გიგაურის დანახვისას თითქოს გულიდან და გონებიდან ლოდები მოაშორეს.
_სანდრო ... როგორ ხარ?
_კარგად , ვაჩე _მოეხვია , ზურგზე გაშლილი ხელი მსუბუქად მიარტყა და მერე სახის დალაგებაც შეძლო
_ არ მეგონა აქ თუ შეგხვდებოდი...
_ხო რაც გამოვედი ვერსად გადავიკვეთეთ
_მარისთან რა ხდება ? _ არ ელოდა, გაუკვირდა , მაგრამ ბიჭის გამომეტყველებას რომ დააკვირდა გაეღიმა _ არ უარყო, შორიდან გიყურებდით სანამ მივიდოდი და მიყვებოდი, ახლაც აქ ხარ
_აბა დეა უყვარსო ? ცრუ ინფორმაცია მაქვს თუ დაქალებს ეჩალიჩები _წვიმა გაძლიერდა, გარეთ დგომა უკვე აღარ შეიძლებოდა
_ჩემი მანქანაა აქვე, წამო
არ შეწინააღმდეგებია. გიგაურის მანქანაში ჩაჯდა და ბიჭმა ძრავიც აამუშავა. თანვე დაურეკეს სტუმრები არიანო და სასწრაფოდ გასვლა უწევდა_არ მეტყვი მარის სად გადაეყარე?
_შენ არ მეტყვი რატომ გაინტერესებს ?
_ჩვენ მეგობრები ვართ ,მხოლოდ მაგრამ შენ ისე მიყურებ ეჭვიანი კაცის სახე გაქვს . რა ჯანდაბაა?
_შეყვარებულ კაცებს ყველგან შეყვარებულები გელანდებათ? სად მე და სად ის გოგო. რაღაც გაუგებრობა მოხდა და ვცდილობდი გამერკვია
_რა გაუგებრობა . დახმარება შემიძლია?
- გმადლობ, რომ მომიყვანე _ უკვე სახლთან იყო მანქანა გაჩერებული, კარი გააღო და გიგაური პასუხების გარეშე დატოვა .