მატარებელმა ჩაიარა, დავაგვიანე,
„_მალე მოვაო!“ გახალისდა ჩემი გუნება.
განშორება კი არ აწუხებთ ადამიანებს,
განშორებულის არდაბრუნება...
წლები გაფრინდა, შეეკვეცა ოცნებებს ფრთები,
მაინც არ ავყვეთ ეშმას ცდუნებას.
სიბერის შიში კი არ თრგუნავს ადამიანებს,
ახალგაზრდობის არდაბრუნება...
ზაფხულის დილა. ნამის წვეთი გვეცემა ზეცით,
გვეალერსება დედაბუნება.
ზღვაში შესვლა კი არ აშინებთ ადამიანებს,
შიგ შეცურულთა არდაბრუნება...
თუ ველოდებით ჩვენ სიცოცხლის მძიმე დასასრულს,
ეს უფლისაა განკარგულება,
სიკვდილის შიში კი არ გვზრავს ადამიანებს,
მიცვალებულთა არდაბრუნება!...