დღემდე ლექსების ვრჩები ერთგული,
ჩემი ლექსებით ვხედავ სამყაროს.
ალალად მინდა მართალი გულით,
წარსულმა სევდა რომ არ მაკმაროს!
მინდა რომ ვიყო ობოლი ცრემლი,
და ისევ ვენთო კენტად სანთელი,
რომ არ შეწყვიტოს ამ ჩემმა გულმა
ლექსად ნაჟური სიტყვა სათქმელი.
დღემდე ლექსებშიც ვრჩები ერთგული,
იმ სიყვარულის ერთ დროს რომ მწამდა...
მე ის ლექსები დღემდე მაცოცხლებს:
მას რომ მოსწონდა, მას რომ უყვარდა!...