დაბადების დღეს მოგილოცავ პოეტო ქალო,
სახით ანგელოზს, ტანად საროს თვალცისკარიანს.
მუზებმა გშობეს პოეზიის სადედოფალოდ,
ცის ფერიებიც შენი სულის დები არიან.
როცა შენ გაჩნდი, ვარდის რტოებს არხევდა ქარი,
ნოზებიც უმღეროდნენ ლაჟვარდს მთვარიანს,
მათ გისახსოვრეს თავის რჩეულს პოეტის ქნარი,
ბულბული სტვენდა სიყვარულის უკვდავ არიას.
ისევ მოსულა აპრილის თვე ყოჩივარდებოთ,
და გეფერება იად გაზრდილ თავის ფერიას,
შენც სიყვარულით იწყები და მასში მთავრდები,
გწამს ტრფობის იქეთ თვით სიცოცხლეც არაფერია.
დაბადების დღეს მოგილოცავ პოეტო ქალო,
სახით ანგელოზს, ტანად საროს თვალცისკარიანს.
ჯერ პატარა ხარ წლები უნდა თვალო და თვალო,
ღმერთი გფარავდეს ლამაზ თამარს ჩვენს ჯიშკარიანს...