რა კარგია, როცა დილას ეგებები,
და შეიგრძნობ ამ ცხოვრებას საამურს.
იქეთ ტყეში ფრინველების ჭიკჭიკია,
აქეთ ვიღაც ტკბილად უკრავს სალამურს.
რა კარგია რომ ამ დილით ვფიქრობ შენზე,
მზის სხივებიც მეგობრობას მპირდება.
სიყვარულით გული მკერდში ისე მიძგერს,
ვგრძნობ უშენოდ მართლა გამიჭირდება.
მოდი, ვიგრძნოთ ყვავილების სურნელება,
ვნახოთ ბუდით აფრენილი ბარტყები.
სიყვარულით ანთებული სიცოცხლე და
ცისარტყელას ნაირფერი ბაწრები!...