მომესურვილე ფიქრებში,
შენთან წამოსვლა მომინდა,
ვერ გაგიმხილე სათქმელი,
თანაც უსიტყვოდ, შორიდან.
გული საგულეს ვეღარ ძლებს,
გარეთ გამოსვლას იჩემებს,
თავდავიწყებით მიყვარხარ,
შენ კი მაინც არ მიჯერებ.
რა დაგიშავე ასეთი,
რატომ მარიდებ ღიმილებს?!
იქნება ის დღეც იქნება,
გაგიჩენ გულის ტკივილებს.
წამია, წუთიც წამია,
ამ სევდას წარსულს მივაწერ,
იქნება ის დღეც იქნება,
როცა შენს გვერდით მინატრებ!...