საოცარი მუსიკაა, წყნარი
მინდა, იცი?- მეც, რომ ვიყო “მთვრალი“...
გამიღიმებ, გაგიღიმებ მაშინ,
ჰოდა, იქნებ გახანგრძლივდეს წამი...

გაფერადდა გამოწვევა, ქარში ...
ლექსს მომიძღვნი? - არ დაგრჩები ვალში-
მეც, ხომ, მიყვარს მოხელთება კალმის,
მეც გიამბობ, ჩემს ფიქრებზე, კრძალვით...

ნელი რითმი, თბილი სუნთქვა ღამის,
ბგერა ჩუმი, იდუმალი, მხდალი,
მოფერება წარმოსახულ ქალის...
დავიღალე, აღარ მინდა ცხადში...

„გაზაფხულის საღამოა, მშვიდი
ხიდან ხეზე გადაფრინდა ჩიტი...“
გულახდილი პასუხების მარშით, -
მინდა ვიყო შენთან ერთად “მთვრალი“...