კივილი მინდა დარდისაგან რომ შევიშალო,
მინდა რომ შევძრა ყველა კუთხე, ქალაქი, ქუჩა,
დედამიწაზე მოვევლინე სიყვარულისთვის,
ჩემი მისიის აღსრულებაც ძალიან მსურდა!
უსიყვარულოდ ცოდვა არის ადამიანი,
შენ კი უსულოდ მიმატოვე, ცოდვად მაქციე!
ერთ დროს სიტყვები: სიყვარულო, ჩემო პატარა,
ნამდვილ სიყალბედ და ტყუილად გადააქციე!
ცოდვად მაქციე, ისედაც ხომ ცოდვის ნაყოფი,
ცოდვად მაქციე, როცა ჩადგა ჩვენში მანძილი,
მაინც ძნელია დაგივიწყო ასე იოლად,
რადგანაც ხარ და კვლავ იქნები ჩემი ნაწილი!