კარგია თუკი ვიქნებით ერთად,
თუ გვეყოლება ბიჭი და გოგო...
კარგია თუკი ღამით მაკოცებ,
და უთენია საუზმეს მომთხოვ!
კარგია თუკი ზამთარში ერთად
მივეფიცხებით ანთებულ ბუხარს...
კარგია თუკი თეთრი ფიფქებით,
გააკეთებ და მე მესვრი გუნდას!
კარგია თუკი მოვა აპრილი,
და მე შენს გვერდით ვიქნები ისევ,
კარგია, თუკი დადგება წამი
და ის აგვიხდენს ჩვენს ლამაზ სიზმრებს...
კარგია თუკი მერქმევა შენი,
და შენს სიცოცხლეს მე ვიგრძნობ ჩემში,
კარგია თუკი ეს სიყვარული,
ჩვენს ცხოვრებაში ყველაფერს შეცვლის!
კარგია თუკი ოჯახის უღელს,
შევეხიზნებით და ერთად გავწევთ,
ჩემს სიყვარულს თუ გაუფრთხილდები,
ამაზე მეტი რა ვთხოვო გამჩენს!