პატარა ხარ და საოცრება, ფერიას ჰგავხარ,
პრინცესებსა და უფლისწულზე ამბების გჯერა,
დედა ძილის წინ წაგიკითხავს კონკიას ზღაპარს,
შენც, ანგელოზო, სიზმრებს ნახავ სულ ფერად-ფერადს!
შენთვის ყოველი დღე ზღაპრულად ლამაზი არის,
ირგვლივ კი მხოლოდ ვარდისფერი ადევს ბუნებას,
ბაღში ჩასული გაიგონებ ჩიტების ჟღურტულს
თვალებს გვირილის თაიგულიც ესალბუნება!
პატარა ხარ და დაგთამაშებს ტუჩზე ღიმილი,
ცისფერთვალება ანგელოზო, პეპლის სადარო,
როცა შენ გაჩნდი სექტემბერში ოთხი წლის წინათ,
მაშინ საოცრად გალამაზდა ჩვენი სამყარო!

თ.ჯ