შენ უკვე მეცხრე თვეში ხარ
მუცლით პატარას ატარებ
როგორც ბროწეულს მარცვლებით სავსეს
პატარას მარცვალს ვადარებ


მალე დედიკო გახდები
გრძნობა სათუთი წმინდა
ვიცი ქალი ხარ ყველა ქალივით
ვიცი რომ გოგო გინდა


მინდა რომ შენ დაგემსგავსოს
გულში ჩავიკრა მინდება
როგორც კი დაიბადება
იმწამსვე რომ ატირდება


შეხედე როგორ მოძრაობს
მუცელი როგორ გიხდება
გუშინწინ ტკბილი გინდოდა
დღეს უკვე მჟავე გინდება


დედიკოს გრძნობა სხვა არის
მამის ორმაგად ძლიერი
ოღონდაც თქვენ არ მოგშივდეთ
მე დავიძინებ მშიერი


რა ლამაზია სიცოცხლე
ყველა წუთი და წამები
არასდროს მითხრა მივდივარ
არც მე არ გეტყვი წავედი


დღეს ექვსი იანვარია
შობა დადგება მალე
ბევრჯერ წუთები ვითვალე
ბევრჯერ წამები ვთვალე


მშობიარობა დამთავრდა
ვერა დაგაკლო შიშმა
მე და შენ გოგო გვეყოლა
ბეთლემში ქრისტე იშვა

ზ ჭინჭარაული