შენ წუხანდელო სიზმარო
ჩემი ოცნების ამხდენო
ამაღამ ქალასთან მიმიყვა
ეს ლექსიც მინდა დავწერო

მივალ და მივუალერსებ
ტუჩებსა საარაკოსა
თუ გაიღვიძა იცოცხლე
გამიშვებს საარაგვოსა

ნეტავ შენ ჩემო სიზმარო
რატომ მაწვალებ ბედადა
ის არ მეყოფა მე ცოდვილს
ღამეს გავატან ველადა

გადუღეღია საკინძე
უჩანს გვრიტები მზისასა
რამდენსღა უნდა გავუძლო
ჩემსა გულისა ფრიალსა

ნეტავი ცხადლივ ამიხდეს
ცხადში მივიდე მასთანა
ერთს ისეთს მივუალერსებ
აღარ გამიშვებს სხვასთანა

შენ ჩემო ღამის სზმარო
ჩემო ოცნების ამხდენო
ამაღამ ქალასთან მიმიყვა
მძინარეს მინდა დავხედო.