მიყვარს ღამე მთვარიანი
საოცარი ხედვა მისი
ჩემი მზერა დარდიანი
მას შეჰნატრის მუდამ დღისით.

ვათენებთ ჩვენ ერთად ხშირად
და ფიქრებში ვიძირები
ვტირი მაგრამ ეს მე მშველის
ცრემლს ვიწმენდ და ვიღიმები.

მაქვს მე ძალა,ვგრძნობ მე ამას
თუმც დრო გადის ისე ძნელად
გავხდები მე ბედნიერი
როგორც ვიყავ უწინ, ძველად.

ვიხსენებ მე წარსულს ხშირად
ჟრუანტელი მივლის ტანში
ცას ვუყურებ ისე მშვიდად
შვებას ვხედავ მხოლოდ მასში.

ხალხს ვგონივარ უდარდელი
ასე იყყოს ნეტავ მართლა
სიხარულის მოლოდინში
გადი დღენი ისე სწრაფად.

ისე სწრაფად გადის წუთი
ვეღარ ვარჩევ ცუდს და კარგსაც
ჩემს ფერებში ჭარბობს მუქი
ვიცი ამით მე ბევრს ვკარგავ.

ფიქრები მაქვს არეული
ვერ ვალაგებ აზრებს ერთად
თითქოს მე ვარ მთვარეული
წითელს ვხედავ შავ-თეთრ ფერად.

იმედი მაქვს ისე ცოტა
მერევა მე გზა და კვალი
მიჭირს ხალხის გამოცნობა
ყველა ქრება როგორც კვამლი

მომავალი არ ჩანს ჩემი
მაგრამ მე არ დავნებდები
ვინმე უნდა მყავდეს გვერდში
თორემ მარტოს დავმარცხდები