გაპარულა სიყვარული... გაქცეულა...
ისე რომ არ დარჩენია არაფერი,
ის ტირიფი, რომ ვახარეთ, წაქცეულა
და ამით ხაზგადასმულა ყველაფერი...
გაქცეული ქარს მიჰყვება ქუდმოგლეჯით,
და გლახ უკან მოხედვაც რომ ენანება,
სტვენითა და გულის კაპილართა გლეჯვით
აორტაში გახლართულა შენანება...
დაქცეულან, კვადრატული ქალაქები დაქცეულან...
ქედმოხრილნი შენატრიან სიამაყეს
შეხე, დიდი ტაჯ-მაჰალი რად ქცეულა
ნანგრევებით ქარი თუღა იამაყებს...
მიტევების გაგვივლია ხეივნები
და შენ მაინც აირჩიე სიმარტოვე
თუ ყოფნაა ვიქნებოდით ხეიბრებიც
მთავარია ერთად... რატომ მიმატოვე.
გაპარულა სიყვარული... გაქცეულა...
ნუგეშად არ უჩუქნია არაფერი,
უშენოდ ეს სამყარო თუნდ წაქცეულა,
ჩემი ხომ თან გაგყოლია ყველაფერი...