ჰო, მე შენ კვლავ გეტყვი ამას,
თუნდაც ათასჯერ ნათქვამს:
მე შენ მიყვარხარ მხოლოდ,
მე შენ მიყვარხარ მარად.

ათას მეერთედ გამცნობ
ჩემი სიცოცხლე, რომ ხარ
და უფრო მეტჯერ გაგხდი
ჩემი ცხოვრების მგოსანს.

უბრალოდ გეტყვი, რომ ვარ
შენი სატრფო და გოგო,
გოგო, რომელიც ამბობს,
რომ შენ უყვარხარ მხოლოდ.

ამ სიყვარულის ფასი
არაფერია ქვეყნად,
თუნდაც ეს იყოს ასი,
ასი გარჯა და თნევა.

ძალიან მიმძიმს, რომ ვთქვა,
ჩემგან ასე, შორს, რომ ხარ,
უბრალოდ გეტყვი, მინდა,
მინდა მე შენთან ყოფნა.

არასდროს შევწყვეტ ბრძოლას,
უიარაღოდ ბრძოლას,
მე შენთან, მაინც მოვალ,
გეტყვი, რომ უკვე მორჩა.

არასდროს გეტყვი: წადი,
არც მე დაგტოვებ მარტოს,
მხოლოდ არ მკითხო რატომ,
მიყვარხარ, ასე რატომ?!

მაინც ვერ გაგცემ პასუხს,
რადგან მიყვარხარ რა ვქნა
და დავიწყება არ მსურს,
უბრალოდ არ მაქვს სხვა გზა.

შეხედე ლამაზ მთვარეს,
შენთვის ანათებს ღამეს,
შენთვის ჩაუცვამს კაბა,
შენთვის ჩემს სუნთქვას აბავს.

უბრალოდ ზღაპრად გეტყვი,
ამ სიყვარულის ამბავს,
უბრალოდ ჩუმად გეტყვი,
ქერა, მიყვარხარ მარად.