და დღეს ისე მინდა ცოტა გესაუბროთ,
მჯერა არ ჩამითვლით ზედმეტ სითამამედ.
იცით? რომ შემეძლოს ლექსებს მოგიძღვნიდით,
მაგრამ თქვენ უფალო ჩემს ლექსს ვერ გაკადრებთ.
შანსი, რომ მომეცეს თქვენი ერთხელ ხილვის,
თხოვნით არას არ გთხოვთ დედას გეფიცებით.
მხოლოდ მაგ თქვენს ნატანჯ თვალებს ჩავხედავ და
სიყვარულით გეტყვით, როგორ მეხმარებით.
ამ ხალხს, რომ ვუყურებ დღეში ასჯერ გკლავენ,
ზოგი უნებლიედ, ზოგიც კიდევ ნებით.
მუდამ იარსებებს ერთი გამყიდველი,
ერთი იუდა და ერთიც ეჭვის მტერი.
შანსი, რომ მომეცეს ყველას გავაქრობდი,
ხედავთ ილუზიებს ისევ ვეტანები,
მაგრამ ვერ ვუყურებ რადგან ვერ გხედავენ
ზოგი ჯვარს, რომ გაცვამს მხოლოდ მისი ენით.
შანსი, რომ მომეცეს ცოტა გესაუბროთ,
დარდებს არ გაგიმხელთ და არც მოგკლავთ მზერით.
მხოლოდ შენდობას გთხოვთ, რაც კი დავაშავე,
ცოტა უნებლიედ, ცოტაც კიდევ ნებით.
შანსი, რომ მომეცეს ქალაქს შევკრიბავდი,
გითხრათ მადლობა, რომ ჩვენთვის ეწამები,
ეხლა ისე მინდა თქვენთან შეხვედრა, რომ
ხედავთ ილუზიებს ისევ ვეტანები...

ჩუმი 'პოეტესა'