თავის პატარას მოიყვანსო საზიარებლად
როგორ გელოდი, რომ იცოდე როგორ გელოდი
განვიცდი ძლიერ შენი ნახვა მაგვიანდება
აქეთ ყოფილხარ, კარგი იყო გამომჩენოდი.
ისევ გაწვიმდა ეს შხაპუნიც ტკივილს მიმწვავებს
გონება ურჩობს დაუდგრომლად შენსკენ მოილტვის
სული საამოდ აღუღუნდა ძლივსღა ვიკავებ
გული სატრფოსკენ მოიჩქარის ვეღარ მოიცდის.
მოვალ ყველაფერს მოგიყვები როგორც ყოველთვის
არ დავიტოვებ საიდუმლოს იოტისოდენს
მეც მიყვარხარო ჩანაფიქრი ტკბილად მომესმის,
ეს სიყვარული? იმსახურებს მარადისობდეს...