... მოგენატრები სულის ფსკერამდე,
ფიქრის კერამდე, გულის ტკენამდე...
წარსულს ხატავენ სევდად მხატვრები
და ტკივილამდე მოგენატრები!
დღისით შეცნობის ფიქრს ეტყვი არას,
კმარა წუხილი და დარდიც კმარა...
კამარას შეკრავს ზმანების მტრედი
და უსაშველოდ მოგენატრები!
გავა ზაფხული, განიძარცვები,
ფოთლებს გაჰყვება ფუჭი ნატვრები,
დილის ცვარივით განიფანტები
და სიყვარულად მოგენატრები!
მოგენატრები შენს ენერგიად ამაღლებულად
არა–ორგიად გაგახსენდება სევდის ზღაპრები, კივილამდეც კი მოგენატრები!
დრო ულმობელი შეგიცვლის როლებს
და სინანული ჩამოგიქროლებს...
გაჩნდება შენში ჭმუნვის ნაკრები
და მონატრებით– მოგენატრები!
რა არის წყენა?! ერთი წერტილი?
სევდა–ტკივილი წერტილ–წყვეტილი..
ბედნიერების მოვა ხატება,
ის ვინც გიყვარდა, მოგენატრება!
და იგრძნობ წუხილს, უსაზღვრო ტკივილს,
ვერას გახდები...დრო უხმოდ ტირის
წარსული მოვა ვნების კადრებით
ბედნიერებად მოგენატრები!