იცი დღეს დავრწმუნდი აისი შენია
ამ გულში დაისად ყოველდღე ეშვები
ქალაქში ჩვენს ამბებს ხმამაღლა ჰყვებიან
თუ როგორ გაიდგი ამ გულში ფესვები
ჰყვებიან თუ როგორ დაგხატე ზეცაზე
და ვარსკვლავთ სიყვითლით თუ როგორ აენთე
ვყვირივარ ცხოვრების სპექტაკლის სცენაზე
პასუხი მარტივად როგორ და აესე


ზიხარ ფანჯარასთან სახით ლოიალურ
გარეთ წვიმებია შიგნით წყვეტილები
რაღაც სასაცილოდ ტირის როიალი
რაღაც სასაცილოდ წვიმს და მეტირები
კედლის კალენდარზე ზამთრის ფორმატია
თეთრი სუფლიორიც მალე მოგვაკითხავს
შენ კი ძლიერ გავხარ ახლა რომანტიულს
წვეთი რომ არ არის შენში რომანტიკა
მსურს რომ დედამიწა ცაზე დაგახატო
ისე ძლიერია ჩემი ამბიცია
ოცდათვრემეტი და კიდევ სამი ხაზი
ანუ ავად ვარ და ანუ ამიწია სიცხემ


საკუთარი თავის ემიგრანტიც მერქვა
დეკემბერიც სისხლში მიჟონავდა
მაგრამ გეფიცები რაც შენ შემიყვარდი
სიცხეს გულის მხარეს აღარ ვიზომავ და
რაღაც სასაცილოდ ტირის როიალი
რაღაც სასაცილოდ წვიმს და მეტირები
ზიხარ ფანჯარასთან სახით ლოიალურ
გარეთ წვიმებია შიგნით ნაწყვეტები

პ.ს არ ვიცი რა ქვია ან ვისი ლექსია მაგრამ შემძრა ამ ლექსმა
ია ძალიან ძალიან შემიყვარდა იმედი მაქვს თქვენც მოგეწონებათ და ისიამოვნებთ