აჰა, დღესაც მოვაშურე, ხიბლი დამხვდა რამდენი
შენი, ჩემი სიყვარულის, იდუმალი ხმა მესმის
იადონი მიგალობებს ენით თაფლის ნადენით
მარად შენად მიგულეო იავნანად ჩამესმის.
გვირილები დაგნათიან თეთრ ყვითელი ფერებით
მზესავით ხარ ანთებული ვიწვი შენი მშვენებით
გული ფეთქავს მოღალული მუდამ შენი ხსენებით
გეფერები გიალერსებ ხელით, ფრთხილი შეხებით.
ამ სიხარულს ვერსად ნახავ სხვაგან ასეთ სავანეს
შენ ედემი დამანახე სანამ შევალთ მანამდე
ყველაფერი მსიამოვნებს ყველაფერი მახარებს
სიყვარული გვიდღეგრძელე, ღმერთო, დაგვიფარავდე...