ჩვენს შორის რომ ვიღაც ჩადგა
ამას უკვე კარგად ვხვდები
ეგ ყველა ცდა ამაოა
ვერ შეგიცვლის ჩემს თავს სხვები

ჩემგან უკვე შორს ხარ ისე,
ფიქრებითაც ვეღარ გწვდები
შენ წახვედი მიმატოვე
მაგრამ მაინც ჩემში რჩები.

უკვე მზეც კი აღარ მათბობს
შენი გამოხედვით ვთბები
სასმელიც კი აღარ მათრობს
მხოლოდ შენი ხილვით ვთვრები

ეგ თვალები შენს სახეზე
ღმერთის წმინდა ნახატია
ცაზე უკვე მზის მაგივრად
შენი სახე ახატია