შესვლა
რეგისტრაცია
რეკლამა

ღმერთო, როგორ მინდა..


11-01-2017, 12:56
ავტორი margaret
ნანახია 268

ღმერთო, როგორ მინდა..

ღმერთო, როგორ მინდა, რომ დღეს სიყვარულმა,
ყველა ჩემს უჯრედში ერთად გაიაროს.
უცებ სიადვილე ნახოს ყველა რთულმა,
წვიმამ ყველა ქუჩა თქეშით დაიაროს.
ფიქრებს აყოლილი, გრძნობა დაკარგული,
როგორც ცივი მთვარე ცაზე დარჩენილი,
ვერა და ვერ მიბამს დიალოგებს გული,
მხოლოდ სიჩუმეზე ვყავარ დაჭერილი.
დღეებს ერთად ვითვლით მე და აპრილის თვე,
თავად სიცივის და მე კი უშენობის.
სულ ერთი სიცოცხლით ადრე - განკითხვის დღე
დადგა, და გონება ეჭვებს ვერ იშორებს.
სადღაც თუ ოდესღაც შევცდი, ვერ გავთვალე,
მინდა ამ ცხოვრებამ კვლავაც მაპატიოს,
მხოლოდ ნუ წამართმევ, მევე მიმათვალე
ყველა შეცოდება მისი, ნუ დამინდობს.
მხოლოდ ერთი მიკვირს, მხოლოდ ერთი მაფრთხობს,
ამდენ სიცივეებს ერთად გავუძელით.
მერე გაშმაგებით მარტი აღარ მათრობს,
ყველა კვირტი მოკლა, ყველა ასფურცელი.
ნეტავ სიადვილე ნახოს ყველა რთულმა,
წვიმამ ყველა ქუჩა თქეშით დაიაროს,
ღმერთო, როგორ მინდა ახლა სიყვარულმა
ყველა ჩემს უჯრედში ერთად გაიაროს.

 



ინფორმაცია
მომხმარებლებს, რომლებიც არიან ჯგუფის სტუმარი-ს წევრები, აღნიშნულ სიახლეზე კომენტარის დამატების უფლება არ აქვთ