როგორც ყაყაჩოს ფურცლები ქარში,
ჩვენი გრძნობები იფანტებოდა
ძველი სიყვარული, ტკბილი მოგონება
წარსულის ფიქრში იკარგებოდა.
როგორც ყაყაჩოს ფურცლები ქარში,
ეს ჩემი გული შენსკენ მოჰქროდა,
ყოველ ტკივილს უკან ტოვებდა,
მხოლოდ ოცნება სითბო მოჰქონდა.
როგორც ყაყაჩოს ფურცლები ქარში,
ისე გეძებდი ნაწვიმარ გზებზე,
ცოდვილი სული გაყინულიყო,
ვეღარ თბებოდა მხურვალე მზეზე.
როგორც ყაყაჩოს ფურცლები ქარში,
გაუჩინარდი, უკვალოდ გაქრი
და ვით სანთლის მკრთალი ნათება
წამში ჩაიწვი, წყვდიადში ჩაქრი.
როგორც ყაყაჩოს ფურცლები ქარში,
ცხოვრებამ აქა-იქ მარტოდ მატარა,
და როგორც ნავი ჩაძირულს ზღვაში,
ბედმა ფსკერისკენ მეც გამაქანა.