ადამიანო! შენ ბოროტი ხარ ბოროტთა შორის,
რომ ჩაერიე, ეშმაკს აცადე მოგება ომის.
ქრისტე გეძახდა, მოგიხმობდა თავისკენ ბრძოლით,
თუმც არ დაინდე - მაგონდება ლურსმანის რგოლი.

ის ჯვარს აცვი და შენი ცოდვები სულ მას აჰკიდე,
ის ერთადერთი ღირსებაც კი ბოროტს მიჰყიდე.
მე შენ გულჩვილი მეგონე და აი რას ვხედავ!
შენი გულისთვის ქრისტე მოკვდა, მიწა გასკდება.

ადამიანო! სადღა დაგრჩა სულის ოხება,
შავი ლურსმნები ქრისტეს წმიდა ხელს რომ ეხება.
მისი კაკუნი არ გესმოდა გოლგოთას მთაზე?!
რატომ გადადე თვით უფალი ასეთ ტანჯვაზე?

შენ ის ეშმაკი შენზე ცუდი ვინმე გგონია?
წითელ პარასკევს გაძახებდა, აქვს ირონა.
ის ღვთის სახხლიდან მოისროლეს, შენ კი რა ქენი?!
მისი სურვილის უკითხავად უმალ აყევი.

და ამ დღის შემდეგ გეშინია "ბნელი ძალების"?!
შენ არ იყავი "უბრძოლველად რომ არ დანებდი"?!
წითელ პარასკევს მე სისხლიან ხელზე გიამბობ
და ეს ხელები შენ გეკუთვნის ადამიანო!