გარდავიცვლები და წავალ...
მხოლოდ დაგიტოვებ წარსულს
სულ მთლად გამოგაცლი ძალას,
ცუდს ხომ ვეღარ მეტყვი წასულს.

იცი?!შენი ისევ მჯერა...
გულის სიღრმის იქით მაინც
ძველ დროს დაგიტოვებ ფერადს,
მხოლოდ იმიტომ რომ მწამდი...

"გულის შუაგულში" ჩავალ,
ვიგრძნობ შენ თუ ისევ ღელავ...
ხვდები? ჩემს ნახატებს გავდი...
რაღაც ხასიათზე ვერ ვარ...

მაინც მეგობრობის ხათრით...
ახლა შენს გაჭრილ გულს ვკერავ,
ყველგან შენს სახეს
ვქმნი ფანქრით,ცოტა არ იყოს
და ვღელავ...

როგორც ეს ზღვა არის...(შავი)
გადამიყოლა ამ წერამ,
ალბათ უნდა ვიყო მთვრალი,
თუმცა მხარ-თეძოზე ვწევარ.

ჰოდა ფხიზელი ვარ კვლავაც,
არ მაქვს აღარაფრის დარდი...
უკვე გითხარით რომ,წავალ
გულის ტკივილებში ვარდნით...