სიყვარულს ვეძებდი, გეძებდი... ვერ ვძლებდი,
ჩემს გულში გიპოვნე და ისევ შორია,
ვიცი რომ შენს სულში მეც უხმოდ მეძებდი,
მაგრამ ამ დროის სვლით კვლავ ისევ თოვლია.

მოვდივარ, მოდიხარ... ნაბიჯებს სწრაფად ვთმობთ,
შეხვედრის მანძილი მცირდება თანდათან,
ამჟამად სადა ვართ ახლაც კი არ ვამბობთ,
და მაინც თვალთვალით გვიცქერენ სარდაფთან.

გვიცქერენ სიხარბით უსულო საგნები,
სიტყვები - სიტყვებთან უგონოდ ლაყბობენ,
მაინც ამ ტკივილებს მე არსად გავყვები,
თუმცა კი ვიცი, რომ ხვალ უკვე დამგმობენ...

მე დიდხანს გეძებდი... უშენოდ ვერ ვძლებდი,
ჩემს გულში გიპოვნე და... მაინც - შორია!
ნეტავი ამ წუთას რას ამბობ? - მეძებდი...
მიყვარხარ უზომოდ და ისევ თოვლია.