ქუჩებში ვერ ვგრძნობ სითბოს,
ქუჩებში სიცივე დაძრწის,
ფერები გახუნდა, თითქოს,
სიტყვებმა დაკარგეს აზრი.
ქალაქი სიყვარულს ითხოვს,
სიჩუმის გლოვაა ირგვლივ,
გავჩერდი. თქვენ ფიქრობთ თითქოს
კვკავ ძველებურად ვიბრძვი,
განცდები მქონდა სახლად
და ვერ გავთვალე სვლები,
ვერაფერს გეტყვით ახალს_
დღესაც უზომოდ ვთვრები,
ისევ შევწყვიტე სუნთქვა,
ისევ დავხუჭე თვალი...
ჩემთვის არავის უთქვამს
რა მაქვს ცხოვრების ვალი,
ქალაქი ჩემს ფიქრს გლოვობს,
გზა არ მთავრდება გრძელი,
და მეც ვერ ვხედავ ბოლოს,
და მეც ვერაფერს ვერ ვცვლი.
ქუჩებში ვერ ვგრძნობ სითბოს,
ქუჩებში სიცივე დაძრწის,
ფერები გახუნდა, თითქოს,
სიტყვებმა დაკარგეს აზრი.

Selassie