მთვარის შუქზე გიშრიალებს თმები...
მაგ თვალების სიკაშკაშე გადაჩრდილავს მთვარეს,
შორიახლოს ვდგავარ, გიცქერ და ნანახით ვტკბები,
არ მანაღვლებს, თუნდ სიკვდილმა მომაკითხოს მალე...

ვარსკვლავებით მოჭედილი განათდება ზეცა,
ქარი სიტყვებს მოგტაცებს და აიტაცებს ცაში,
ჩავფიქრდები... შემიყვარდი... ცივი ქარი მეცა,
სადღაც ჰორიზონტის ბოლოს, იჭიხვინებს რაში...

ოთხი მხრიდან მოაქროლებს თავის მხედარს ცხენი,
სადაცაა დაგვადგება ჯოჯოხეთი მლოცავთ,
ვერ წაუვალთ ვერსად კარგო დათვლილია დღენი,
მაგ თვალიდან, ღაწვზე მავალ ცრემლებს კალთით გხოცავ...

ერთი... ორი... და შევაღეთ ჩვენ სამსჯავროს კარი,
შენ ლოცულობ, მე კი ვდუმვარ და გიყურებ მლოცავს,
სადღაც იქით, აჟღერდება სევდიანად ქნარი,
ვიხედები... ვხედავ ხელებს გეენიდან ჩემსკენ მცოცავს...

ვიხედები, კვლავ შენ გიცქერ ახლოსაა უკვე ბოლო,
შენ კი თავს ხრი, თვალებიდან ღვიარებით მოგდის ცრემლი,
არ მანაღვლებს სად მოვხვდები, შემომხედე ერთხელ მხოლოდ...
შემომხედე ანგელოზო, შემომხედე ერთხელ, გელი...