სევდიან ქალაქში ლანდივით დავდივარ
სევდიან ქალაქში დროც თითქოს ჩერდება
არ მახსოვს ამ გზებს მერამდენედ გავდივარ
ის ვიცი,აქ ყოფნით სული რომ ბერდება...

სევდიან ქალაქში დარჩენა ძნელია
აქ ხომ ყველაფერი ცრემლებით სველია
გულში სულ წვიმაა,ქუჩებიც ბნელია
გულგატეხილი კი აქ მუდამ ბევრია.

სევდიან ქალაქში იმედი არ ქრება
იმედი იმისა,რომ ვნახავთ გულისსწორს
და როცა შევხდებით არ ვიცით რა ხდება
ვერ ვიგებთ,ისაა? ამბობს კი გული სწორს?

სევდიან ქალაქში ყველაა ნამყოფი
ვის გულშიც დარდია,ყველა აქ მოხვდება
ქუჩებში სიარულს არა აქვს ნაყოფი
რასაც ოცნებობენ,არასდროს მოხდება.