მწვანე ზაფხული და თეთრი ფიქრი,
ლურჯი საღამო ცეცხლისფერ ცასთან,
ღია სისხლისფერ სიყვარულს გიხსნი
და ყველა ფერზე მეტად მიყვარხარ.

იასამნისფერ ოცნებებს ვიწყებთ
და ჩვენს თაფლისფერ თვალებში ვმალავთ
ეს ვარდისფერი ტუჩები სიტყვებს,
მრავალფეროვნად ჩვენს შორის ხატავს.

მოჩანს სურვილი ხორბლისფერ კანზე
რომ ჩავეხუტოთ ოქროსფერ რკალად.
აღარ მჭირდება უფერო მთვარე,
რადგან შენ მყავხარ ჩემს ფერთა გამად..

----------------------
მარადის შენზე შეყვარებული თიკა