ნურასდროს იტყვი ამ სიტყვას - მერე,
ყოველი დილა შენით თენდება,
გრძნობა ვერაფრით ვერ შევაჩერე,
შენ გარდა არსად არ იხედება.

როგორც ნიბლია გალიის ბადეს,
ისე აწყდება გლუვ კედლებს სული,
ამქვეყნად კიდევ ჩემსავით რამდენს
მოსტაცებ ფიქრს და უთვალავ სურვილს.

ასეთი არის მუდამ ცხოვრება,
გული ყოველთვის ზღვა ტკივილს უძლებს,
მაგრამ ერთ დღეს რაც გეუცხოვება,
სულ ახლობელი გახდება უცებ.

და მაშინ ხვდები, ამ ერთი წუთით
ხდება სამყარო უკიდეგანო,
მის გარეშე ხარ თვით ბავშვზე სუსტი,
მბრძანებლის კვერთხი თუგინდ გეკავოს...

-------------------
მარადის შენზე შეყვარებული თიკა