დავიწყების საღამო
დახუნძლული ზვირთების
მცდელობაა ამაო: -
დავიწყებამ მაამოს

სიყვარულის მალამო
ისევ ისე მიშველის
როგორც მაშინ მეამა: -
განშორების საღამოს

არ მოხვედი, არ ამბობ
როგორ მოხდა ჩვენ შორის
აუტანელ ქარცეცხლმა
გრძნობა როგორ დააგო

ქარიშხლობის საღამოს
დაწყებული სიზმრების
გულის თქმაა ამაო
სამართალი სიტყვების

აქ სიზმრები აღარ თმობს
დავიწყებულ თვალების
გაუმხელელ გრძნობების
მოურჩენელ მალამოს...

სიყვარული მოქმედებს. სიყვარული არ ამბობს...