იყო საათებში ღამით გაქაფული,
მთვარით მოთხრობილი კვანტური ოცნება;
მკრთალი ნათებებით თვალებ გაკვანძული
სიცოცხლის წყურვილის უდროო მოთმენა,

იყო ცეცხლის ალში ფენიქსის სიმღერის
კვამლად გარდამსახველ ექოს პარადოქსი,
სუნთქვაში მონუსხულ მხრჩოლავი სინთეზის
ელექსგან შხამის დანაზოგი;

იყო არჩევანში დოზის დისფიქციაც,
დეჟავუს გადაღვრა რეპრიზის გარეშე,
იყო, ის რაც ტრფობის ხარკად მიგვიცია
როცა ანუბისში სიკვდილი დავგეშეთ,

იყო გაღვიძება უძილო ღამიდან,
იყო გადაღლილი ბოდვა გონ გახდილის,
იყო ნათლის დენა შავ ხვრელის ღარიდან
ქაოსურ სლუკუნში, სულის მოძახილის,

იყო, რა არ იყო და სადღა აღარა,
ყოველი სამყაროს მძლავრ ვიბრირებაში, -
- ისმოდა დანთხეულ ,,ცხედართა" ნაღარა
კაცთაგან გაშვებულ, ღვთის მივლინებაში.