ეს საქართველო სულ გადაგვარდა და აღარ ვარგა მისი ნაცია,
აქ უცხოეთში გამგზავრებისთვის მიდის მუდმივი აგიტაცია.
ეს საქართველო სულ გადაგვარდა და ყველა გარბის ჩვენი ქვეყნიდან,
კვლავ მოტეხილა მძიმე ტოტები, უმძიმესი და ნედლი ვერხვიდან.

ეს საქართველო სულ გადაგვარდა, ხდება ყველაფრის ლეგალიზება.
და რომ მოვკვდებით ვერავის მიმართ დანაშაული ვერ დამტკიცდება.
ეს საქართველო სულ გადაგვარდა, ევროპელობას "ვაწვებით" ყველა,
მაგრამ ვჩქარობთ და ყველა ნაბიჯი ვშიშობ, რომ უნდა გადავდგათ ნელა.

გამოვარდება "პატრიოტი" და მეტყვის არასწორს მე ვყვები ახლა,
და ვერ მიხვდება მისმა გაგებამ ჩვენს ნაცვლად სხვები აქ დამისახლა.
გამოვარდება აქ "პატრიოტი" და მე დამიწყებს მწარე გინებას,
რადგან არ ვუჭერ მხარს თქვენს სიკვდილს და ნარკოტიკების ლეგალიზებას.

ეს საქართველო სულ გადაგვარდა, არაფრად ვარგა თქვენი აზრები.
ერთი სული მაქვს საშინელ ფურცელს, უმალ მე როდის, როდის გავცდები.
ეს საქართველო სულ გადაგვარდა და ჩამოუშვა მისი აფრები,
დიდო მგოსნებო, თქვენ თუ მე მეტყვით, თქვენგან ახლავე, უმალ გავქრები.

ეს საქართველო სულ გადაგვარდა და მკვლელობათა სეზონი დადგა,
თქვენს დანახვაზე ვაჟა, ილია თვის საფლავიდან მაშინვე ადგა.
სანახაობით კვლავ გამოფხიზლდა დავით მეოთხე, თქვენი დავითი,
ბრძოლაც, სიკვდილიც ერთად უნდოდა, რაც დაინახა სწორედ ამითი.

ეს საქართველო სულ გადაგვარდა და აღარ ვარგა მისი ნაცია,
აქ უცხოეთში გამგზავრებისთვის მიდის მუდმივი აგიტაცია.
ეს საქართველო სულ გადაგვარდა და ყველა გარბის ჩვენი ქვეყნიდან,
კვლავ მოტეხილა მძიმე ტოტები, უმძიმესი და ნედლი ვერხვიდან.