ისევ დაგთმე,როგორც უწინ
და ეს სევდაც ისევ მიტევს
სად ვიყურო,უკან თუ წინ
შევეხები კვლავ შენს თითებს?

ისევ გნატრობ სევდიანი
და შევნატრი წუთებს გავლილს
თან ვიხსენებ ცრემლიანი
ჟრუანტელს ამ ტანში დავლილს...

ისევ ცივი,ბნელი ღამე
ისევ წვიმა და ფიქრები
ისევ დარდი,ცრემლი და მე
მათ გარეშე ვერ ვიქნები...

ისევ ტკბილი შეხებები
ის თბილი და ნაზი მზერა
შენს ტუჩებს რომ ვეგებები
მაშინ მესმის გულის ძგერა...


ცხოვრებაში აზრი თუ დევს
ჩვენ ყველას გვაქვს დრო საცდელი
მოახლოვდა სევდის ბუდე
საშინელი განსაცდელი...

მოახლოვდა და გამოცდის
გულმა ძლიერ თუ შეტოპა
გავა დრო და მე გამოცდილს
საუკუნეც არ მეყოფა...

გავა კიდევ ბევრი წელი,
გრძნობა მაინც აქ დარჩება
იცოდე,ეს გული შენი
სიყვარულით გადარჩება...